Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Ghjiseppu MICAELLI
Goto page: 1, 2, 3, 4, 5, 6, 7  >
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà
Previous topic :: Next topic  
Author Message
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 2 Apr 2013, 19:01   Reply with quote

     U VECCHJU CASTAGNU
                
Ind'è valle di a "Sorba"
Campa lu vecchju castagnu
U tempu ùn n'u disturba
Chi di nunda ellu si lagna
Ma di tuttu si ricorda
In core d'istà muntagna  

Prufondu arradicatu
Beie l'acqua di"u Regulu"
Ghjè talmente ingrussatu    
Altu cum'è un castellu
Insta furesta hè beatu
Ci campa piu d'un fratellu

"Scandulaghja "hè chjamatu
C i s'hè diversa virdura
Di bellezza rimarcatu
Ride sempre la natura               
U "Signore" nè hà fattu
Cusi bella crèatura

Rivengu à lu mo castagnu    
Forse unicu in'stu mondu      
Cu lu so frundicciu pagnu
Imbellisce lu circondu
Quand'ellu dà i so frutti   *
Nè face piacere a tutti

A casetta smuragliata
Conta li seculi scorsi
A lu so pede affiancata
Priva di tanti discorsi
E quantu n'hè scunsulata
Pare chi'aghji li signozzi  

Sempre corre la funtana
Di l'antiche merendelle
D'acqua pura frèsca è sana
S'empiianu le tinelle
'sti ramenti trapassati
Maì,saranu smenticati

'stù rughjone furestieru
Inturniatu da li monti
Di qui, u castagnu fieru
Di li seculi hà li conti
Chi tante generazione
Sò 'state le so patrone
                
Ghjseppu MICAELLI
U primu Decembre 2011

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Publicité






PostPosted: Tue 2 Apr 2013, 19:01  

PublicitéSupprimer les publicités ?

Back to top
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Thu 4 Apr 2013, 12:03   Reply with quote

Eccu quì una bella puesia linda linda di u nostru amicu Ghjiseppu Micaelli di Ghisoni stendu in A Ghisunaccia. U castagnu l’hà ispiratu quant’è à Paoli di Tagliu è à Fringhellu, di frescu nant’à Estri è cuntrasti, ma puru à tant’altri pueti chì anu cantatu u castagnu, a castagna, a ferina pisticcina, da veru l’arburu di u pane, chì ghjè à l’origine di tutt’una civilizazione corsa.
Cunnisciutu per a so arte in u Chjama è rispondi, Ghjiseppu Micaelli ghjè un gran pueta tradiziunale di sistine cun filari à ottu pedi. Stà per caccià un libru in l’edizione Cismonte è Pumonti. L’aspettemu cun primura.
Ghjiseppu Micaelli intervene spessu nant’à l’onde di Rcfm, in l’emissione « Dita a vostra ». Ferma non solu un difensore di a lingua ma ancu un riferimentu per ogni sugettu.

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Thu 15 Aug 2013, 17:32   Reply with quote

DI MEMORIA

U passatu ci richjappa
Face cum'è la surgente
Corre poi si nè scappa
Si secca piu n'ùn si sente
Ancu in pède di una sciappa
Rinascè di piu putente

I ghjòchi di zitellina
Parechji eranu smariti
Da una fiara candellina
Ritornanu piu fiuriti
Pianu pianu s'avvicina
Quella speranza fughjita

I tratechji di denari
Vurrianu cambià tuttu
Inventendu ghjòchi cari
Pè tiracci fondu è fruttu
U nostru ramentu chjaru
Di gioia c'hè rivenutu

Forse l'anticu passatu
Sarà 'statu appena duru
E cusi si n'hè andatu
Di lu so passu sicuru
Ancu senza la bumdanza
Ma, riccu di fratellanza

Un si carpeghja u prugressu
Chi c'imbellisce a vita
Ma, ci corre sempre appressu
L'ingurdizia infinita
Scurdenduci unu di l'altru
Di un'andà menu sgualtru

Preghemu 'stù vecchju mondu
Chi gira à sbilancera
Cù lu sintimu prufondu
Di ritruvà la manera
Di pace è prusperità
Amicizia à vulintà


Ghjseppu MICAELLI
U 13/02/2012

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 14 Sep 2013, 19:10   Reply with quote

U PINU FURCUTU

O bellu pinu furcutu !
Munimentu naturale
Tù quantu n'aì vissutu
Ventere e tempurali
Di brume pagne vestutu
Si lu fieru generale

Da l'istate a l'imbernu
Sempre nè si cuntimplatu
Resti lu ritrattu eternu
Chi lu mondu aì giratu
Piantatu cum'è un pernu
Tù si lu pinu aduratu

Si lu vecchju testimone
Di li seculi trascorsi
Fium'orbu lu to paone
Si porta li to signozzi
Fatti da certe stagioni
Da privanne di succorsi

Quantu n'averaì intesu
Biasteme di carriteri
A tè ti si ferm'appesu
U cantu di mulateri
Ma oghjè u tempu s'hà presu
Tutti i ricordi sinceri






Sottu a kyrie eleison
Sei la stella matuttina
Di u paese di Ghisoni
L'arburu a forte stima
Annacquatu d'affezzione
Cum'è a fiura la piu fina

A to ombra cusi pagna
Ritrovu di l'innamurati
U so specchju la muntagna
Sunniendu abbracciati
D'una vita di cuccagna
E di mumenti bramati

I tempi di muntagnera
A u spezza di l'estatina
Vedi passà li pastori
Bramosi di l'aria fina
E tù lu pinu frundutu
Li faci lu to salutu

O pinone furtunatu !
Chi fighjuli lu Renosu
Tantu amore tramandatu
Rende lu mondu ghjelosu
Chi la natura t'hà datu
U decoru u piu preziosu

Ghjseppu MICAELLI
u 20 Novembre 2011

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Thu 10 Oct 2013, 17:51   Reply with quote

UN GIRA PARU

Svultulata hè à natura
Più nunda oghjè gira paru
Sola conta l'impustura
Di l'esse cusi amaru
Si nè perde la primura
Di u sintimu u più caru

Forse colpa à u prugressu
Si e cosi hànu cambiatu
Cio ch'imprema hè l'interessu
U passadu hè smenticatu
A chi pò ghjuvà l'appressu?
Per cio chi hè sacrificatu

Dunde ghjè chjappu u tempu
Di l'antica fratellanza
A ci dicerà u scempiu
Di duve vene a mancanza
O forse dara l'esempiu
Per corre appressu à una scianza

Ghjè cambiatu l'universu
Tramutanu e stagione
L'omu oghjè si sente persu
Cun tutta 'stà cunfusione
Cumu passanne u traversu
Rineghendune a cagione?

A quale ricumandassi
Per truvà qualchi rimediu
Stradacci à fà mutà passi
Per ùn andà ver di u peghju?
Attenti a l'altu e u bassu
Ch'ellu ùn fermi à cornu d'eghju!



Ma dumani in l'albori
Lucerà l'ultima stella
Si sbuceranu i fiori
Mezu a l'arbicinella
Pè sparghjè dolci sentori
Di a sperenza chi fù quella


Ghjseppu MICAELLI
Ghisunaccia 08/10/2013

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 3 Dec 2013, 18:23   Reply with quote

GUERRA SCANDALOSA


Nantu à i libri di storia ùn ci hè scrittu 'stù passatu!
Ma stampata hè 'ndu a memoria a partenza d'un suldatu
Cascatu di pessima gloria in 'ssù locu indegnu è 'ngratu

Da quattordeci à diciottu, suldatu d'ogni rughjone
Fucilattu, spessu hè mortu pè a lingua, a sola cagione
Perchè l'officiale tortu, ghjera in cerca di gallone

Sottu à u piombu pè 'ssi fossi, stallati ind'è prime ligne
A maio perte di corsi sterpa da 'ssè brutte chigne
Tombi senza cumpassione, è pè ringraziu di a nazione

Sottu à u focu di a mitraglia ci era babbi incù figlioli
'Stà scandalosa battaglia ùn suminava chè doli
E lasciava nantu a paglia mamme, è orfanelli soli

Prestu hànu da fà cent'anni per parecchji cumbattenti
Interrati, incù solu i panni, noi cu rimpienti tamanti
Chi nantu à i munimenti, i so nommi ùn sò presenti

O quantu sangue versatu da corsi d'ogni paese!
Di un guvernu scelleratu l'isula hà pagatu e spese
"Corsica"! indù a bilancia pesi pocu pè a "Francia"

Cumu suppurta l'offesa chi pugne in prufondu core
Ci ferma a candela accesa per quellu anticu dulore
Di tombi senza difesa da i patrigni traditori

Ghjseppu MICAELLI
a Ghisunaccia u (16/11/2013)




_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 3 Dec 2013, 18:24   Reply with quote

RICORDU

Un si cancèlla u ricordu
Di l'epica di zitellu
Si ferma u rughju sordu
Di u caru fiumicellu
Chi trapoghja incu distorbu
Sottu à un cele nuvellu

Chjamatu " u Rimugetu"
U stazzu di l'antenati
In 'stù locu tantu chjetu
Ci campavanu beati
Ma 'ssù campà cusi letu
A l'eternu s'hè strappatu

Sò smariti li pastori
Fieri di u so mistieru
Mancu ci hè più sbuscatori
Nè canti di mulatteri
Nè facenu strappa cori
S'epiche pure è sincere

Triste, mute è rimite
E casette accumpulate
Si risentenu tradite
Cù e so mure trafalate
Quelle stonde sò finite
In elle, veghje è serate

Sottu à la fronda di l'olmu
Corre sempre a funtana
Ci si pò areghje l'omu
A beie acqua pura è sana
Senza mancu sapè comu
A so vita hè dura è strana

Quantu mi nè dà rigrettu
U ramentu di 'ssù locu
Mancu fà màrchja in daretu
Per accatizzanne u focu
Chi si nè spentu à l'eternu
Tuttu hè andatu à caternu

Ghjseppu MICAELLI
à Ghisunaccia" u 17/11/2013

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 3 Dec 2013, 18:26   Reply with quote

TERRA LINGUA CULTURA


Per difende a to terra ò corsu si marturiatu
Ogni guvernu move guerra per suttumette u to fiatu
Sempre lotti 'ncu manera per ùn esse suffucatu

Da la diritta à la manca ùn podi fà differenza
Vergogna ùn li nè manca per impone a penitenza
Cu à to pensata franca vinci a to resistenza

Ti batti pè a to lingua chi grande hè a to cultura
L'opposta chi tantu zinga ùn franta la so primura
A so passione ùn isvinca è marchja senza paura

Forse venerà u ghjornu da tantu tempu aspettadu
Senza teme u frastornu di u corsu casticatu
Vincerà la libertà di a lingua à l'ugualità

Si la "Francia" hà u penseru di cambià custituzione
U corsu hè sempre sinceru, ùn n'hè hà malintezione
L'hà mustrata à ogni guerra, per difende a so nazione



Ghjseppu MICAELLI
a Ghisunaccia u 30 di Novembre 2013

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Wed 8 Jan 2014, 08:28   Reply with quote

CHI PENSA ?

Chi nè penserà babbone quassù da u so altu pratu
Videndu chi da scruccone qui regna un furdanu statu
Chi s'impone da patrone per godesi l'arrupatu

Ô babbò e to fatiche sudori falati in vanu
Un si ritrova vistiche di tè à ogni veranu
Un nascenu più e spighe per dà di u so bellu granu

Sumente d'anima corsa nascerà per ogni campu
Sempre pronti à la riscossa cu u so guerrieru cantu
Mancu cambiarà a mossa chi u stintu ùn n'hè francu

Francia pè la Cursichella soga ùn n'ai cumpassione
Di a to cara surella n'ai persu l'affezzione
Ti scordi chi dinu ella hà luttatu pè a nazione

Ghjè vera chi a memoria in certi casi s'addurmenta
Nantu à i libri di storia poche cose si ramenta
Ma, di noi corsi u sangue hà corsu à empiene e vanghe

Cumu d'istu passatu amaru nè pò fanne smintichenza?
A Corsica paga caru 'stù nice di fratellenza
Ghjustizia per tutti à paru ora hè di piglià cuscenza


Ghjseppu MICAELLI
a Ghisunnaccia u 05/01/2014

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Fri 7 Feb 2014, 18:14   Reply with quote

A MUSA VA

Bramu e piu alte cime 'ssi lochi dùve sò natu
Ci aghju trovu e mo rime cù l'arte di u 'mpruvisatu
Di le so piu fiere stime u mo core n'hè innacquatu

Muntese di lu Renosu mi dai l'ispirazione
Quantu nè si generosu pè purtami à fà canzone
Cù u Castellu pietosu, forte ghjè a mo affezione

Si spasseghja a mo musa, arrichita di a natura
Mancu si sente cunfusa vulichjendu in l'aria pura
Maì nunda mi ricusa per dami di più d'altura

Pè 'stè cime tantu amate ci si cala a passione
Da u puetu sò bramate per facci e so cunfessione
Sò pianu pianu stampate e sò musiche è canzone

Nè vurria esse l'altàgna pude stende u mo volu
Andà in punta di muntagna per pudemi truvà solu
Riperte tante bellezze cu l'incantu e l'allegrezze

Di 'stè gioiè ùn nè sò saziu in mè nasce a magia
Un n'hè stancu u mo laziu puntella a mo puesia
E salva di scuntrà straziu à u pueta à longa via

Cù mo estru canti è soni fermu l'anzianu zitellu
Di 'stù nidu di Ghisoni nè sò lu più fidu acellu
D'ellu nè sò in st'alte cime pè l'amore di e mo rime

Ghjseppu MICAELLI
a Ghisunaccia u 02/02/2014

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Mon 17 Mar 2014, 09:58   Reply with quote

           NOSTRI MESI  

  
L'annu hè colmu da i mesi è di ghjorni tutti spari  
Da quattru stagioni resi tre per tre per esse pari  
Ore è settimane stèsi quandu foschi quandu chjari  

  
Ghjennaghju cu a frescura c'imbianca ogni muntagna  
Ferraghju ùn n'hà primura chi di u so fredu si lagna  
E marzu chi ci si mette in scambiarinu di berette  

  
Si riveste la natura ghjuntu u mese d'aprile  
Ci porta qualchi cudrura ben ch'ellu sia ghjentile  
Maghiu sparghje i so fiori di centumila culori  

  
Ghjugnu annuncia l'istatina cu i ghjorni longhji è belli  
Si pupuleghje a marina cum'è un ritornu d'acelli  
Lugliu piomba di calore d'allegria à pienu core  

  
Aostu u piu bellu mese tracarcu di felicita  
Piglia vita ogni paese si smintecanu e cità  
Di settembre tanta ghjente di riparte ùn sò cuntente  

  
Ottobre madura u fruttu è nè vene u vaghjime  
Cullari ci n'hè partuttu da mezanure à le cime  
Di novembre a castagna cun bon' vinettu si manghja  

  
L'ultimu vene dicembre, 'stù tempu ci gherba pocu  
Pè ricallacci e membre stemu davanti à u focu  
Ghjè tumbera di madiale quand'ellu vene Natale  

  
Cusi finisce l'annata aspittendu à nuvella  
A dolce vita hè bramata cum'è a più lucente stella  
Salute cu pace amata divuzione a piu bella
  

  
Ghjseppu MICAELLI
  
a Ghisunaccia u13/03/2014  

  


sta puesia hà avutu u primu premiu a u cuncorsu di puesia internaziunale Paulu Saraselli in Peri stu 29 di Ghjugnu 2014 eviva eviva
tanti cumplimenti a u nostru amicu Ghjiseppu Micaelli tantu passiunatu pè a diffesa di a nostra lingua bravune bravune

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda



Last edited by estrimei on Mon 30 Jun 2014, 21:06; edited 2 times in total
Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Mon 12 May 2014, 11:55   Reply with quote


GHJALUSIA

Corre a trista maladia
Chi c'inguara i carrughji
Stà pessima ghjelusia
S'appiccica senza mughji
Si salvi à chi ùn l'à vurria
Fendu qui u fughji fughji

Cuntagiosa eppò maligna
Pè u prò soiu abituata
Fastidiosa cum'è a tigna
Pur di coglie a rinumata
Cum'è pampana di vigna
Face ombra appena nata

Stà rimigna scellerata
Nasce è cresce in ogni locu
Putente quantu è arrabiata
Ci cunsumma cum'è un focu
Tantazione disgraziata
Presa da u pessimu ghjocu

Tracolma di preghjudiziu
Stù fastidiosu difettu
Quellu chi chjappa 'ssù viziu
U n'hè degnu di rispettu
U so fattu ghjè precisu
Cum'è un gattivu suggettu

Stirpemu 'stà maladia
Chi à parechji castica
Suminemu pè ogni via
Un granu di bella spica
E chi per u mondu intieru
L'omu si fermi sinceru

Ghjseppu MICAELLI
a Ghisunaccia istù 08 di maghju (2014)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Mon 14 Jul 2014, 08:07   Reply with quote

BUGIA !


Si a bugia regina versu tè o "Cursichella"
Ti manda tanta ruina dà l'altra sponda to surella
Da lu sbagliu t'imbucina è ti stringhje la cannella

Si l'omu nasce nucente ,ingranda ghjè naturale
Spessu li scappa di mente, u bon sensu, l'ideale
Ma ùn sà fà altrimente da a bugia infernale

O "Corsica" casticata, da 'st'esseri à u cumandu
Maì sarei cunsiderata pè truvatti indu so andu
Di a to terra sacrata, ùn si nè faranu un pranzu

Un piecherà è dinochje, u corsu ghjè un guerrieru
Sempre aperti tene l'ochji, di la so spia n'hè fieru
Và dirittu senza arrochji è per lottà ghjè sinceru

Per a santa libertà tutt'omone hè bramosu
Duve truvà l'ugualità si u purtone istà chjosu
Corsu a to fraternità l'universu n'hè ghjalosu

Vergogna senza rispettu piani di bugie è sbaglii
A libertà di u puetu per dinunzià 'stù travagliu
"Corsica" cara di mè! da 'ss'omi, ùn 'aspettà bè !


Ghjseppu MICAELLI
a Ghisunaccia u 12/07/2014

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Fri 1 Aug 2014, 17:03   Reply with quote

SOFFIU DI RIGRETTU

Da a valla di San' Petru
A u pozzu di Sampolu
Fala un soffiu di rigrettu
Pè 'ssù paisolu solu
Chjusu cum'è da un vetru
Un silenziu di strangolu

Rosse paisolu misteru
Ti ritrovi abbandunatu
Sottu a l'Agugnellu fieru
Ci dorme u to passatu
Di un sonnu prufondu è veru
Trista sorte !o chi peccatu !

Cum'è à vulè fà dispettu
Ricca campa a natura
Chi face spannà u pettu
D'odore di a verdura
L'acellu solu puetu
Canta pè l'arburatura

Paisolu di a sulana
Ingannatu di presenza
Muta si 'stà a campana
A ghjèsgia perde sperenza
Ch'elli torninu i ghjorni
Di rifà qui case è forni

A Madonna di e grazie
Venerata in d'istu locu
Facci cessà è disgrazie
Rivedi ogni casa un focu
Pè rifrescà e vistiche
Di e memorie e più antiche


Ghjiseppu MICAELLI
a Ghisunaccia u 20 di Lugliu 2014



_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Mon 25 Aug 2014, 07:51   Reply with quote

A ESTRU MEU

u libru di u nostru amicu Ghjiseppu Micaelli hè esciutu.
da chi che no saperemu induv'ellu si pò cumprà a feremu sapè

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Contenu Sponsorisé






PostPosted: Today at 15:32  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà All times are GMT + 2 Hours
Goto page: 1, 2, 3, 4, 5, 6, 7  >
Page 1 of 7

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky