Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Ghjiseppu MICAELLI
Goto page: <  1, 2, 3, 4, 5, 6, 7  >
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà
Previous topic :: Next topic  
Author Message
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Wed 23 May 2018, 19:14   Reply with quote

 VACCA A MUNGHJE 


Animale à quattru rote è cugnumata vittura
Chi ogni guvernu per code cù a piu grande primura
Hè l’arburu qui a scote sinu à chi a so vita dura

Assicurenze è essenza principali benefizii
Ma cumu stàssinè senza chi vi castranu i vizii
Prucessi a pruvidenza da mandanne à precipizii

I ricconi cunstruttori ridenu a bocca sfurcata
Ma i corci cumpratori per elli ghjè bastunata
Per esse necuziatori ci vole sapè fà l’ancata

Cumu spargnassi e spese cu bisognu di spiazzassi
A vittura ghjè l’ernese chi più nimu pò passassi
Da campagne à paese mutori ci hè à cumprassi

Vittura vacca lattaghja chi ùn pasce indù chjosu
U so patrone à traghje è mai un hà riposu
Per ogni ghjornu chi ghjunghjè u stàtu ellu a munghje

Cumprà rotule è mutori facen’n bellu pigione
Trà penseri è dulori chi bella cuntribuzione
Tuttu què ghjè u prugressu allaccia è ci core appressu
&

Ghjseppu MICAELLI
 a Ghisunaccia u 28/02/2018



_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Publicité






PostPosted: Wed 23 May 2018, 19:14  

PublicitéSupprimer les publicités ?

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Thu 5 Jul 2018, 06:32   Reply with quote

 CARALBA 

In furesta di Caralba ci s’hè stallatu u licenziu
Da l’attrachju sinu à l’alba ci s’impone u silenziu
Solu un prufumu si scialba da u pinu in ricumpensa

Per ssi monti di Vezzani cum’è un ribombu sordu
I mesi cù l’anni sani ci danu un dolce ricordu
Di tanti omi oghjè luntanu ind’un sognu cusi torbu

Cumu sbarazzà u passatu di ssi fieri sbuscatori
I sigantini affrittati sempre à frombu di sudori
Chi da a mane à a sera ghjera una santa filera

Si nè sò spinte e canzone di u bravu mulattere
U fisciu di u sigone risentene ùn ci hè pensere
Di tintenne e tintinnone è mancu batte sunagliere

E stradelle sò sarate di macchja cù lamaghjoni
E mule più appruvate solu conta hè u stradone
Tuttu ferma cundannatu dà vitture è vitturoni

Caralba locu beatu da u travagliu di l’antichi
A l’eternu cunservatu pè u ritrovu di tanti amichi
Di quelli tempi passati ùn ferma chè gioia è castichi


Ghjseppu MICAELLI
 a Ghisunaccia u 18/04/2018

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Wed 22 Aug 2018, 18:14   Reply with quote

 UN ANNU DIGIA 

U tempu nè và è scola ma ùn sguassa u ricordu
L’amarezza sempre in gola d’un ramentu cusi torbu
Trapassatu si n’hè l’annu pienu d’angoscia è d’affannu

Di dui mile dicesette d’un agostu strangusciatu
Quale più pò adimette chi un’anghjulu si n’hè andatu
Da l’abandonu di scianza ‘ndù a più eterna assenza

Fiore quantu rimarcatu, tindarezza di un rughjone
Quantu à tutti nè hà lasciatu tristezza è cumpassione
Ma nimu qui s’hè scurdatu di a so dolce affezzione

Cumu una stella caduta s’hè tagliata a so vita
‘nd’una strada scunnisciuta chi un ghjornu l’hà tradita
Troppu prèstu ghjè partuta nantu a via di l’infinita

Quassù à u paradisu fiacculeghja una candela
Fàce risplende u visu di a cara Pasqualella
Di u so dolce surrizu, c’invia à fiura a più bella

E lagrime cu i signozzi ùn sguassanu i dulori
Un ci hè detti ne discorsi per fà radulcà i cori
O Pasquà ! per tutti i toì pregheraì si tu poì


a Ghisunaccia u 09/08/18 
Ghjiseppu MICAELLI

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Wed 31 Oct 2018, 12:42   Reply with quote

 PRETE ANTONE BRONDI 

In parochja di Ghisoni mezu à seculu passatu
A traminà i rughjoni ogni locu hà predicatu
Prete di grand’cunvizzione omu tinutu è stimatu

Hà spartutu a so fede per paesi è circondi
Persunalità da crede u nostru curatu BRONDI
Sempre bon’ ochju bon’ pede d’insignamenti prufondi

A ghjesgia san FRACESCHINU u nostru santu patrone
BRONDI sempre da vicinu ghjera à la populazione
Di fideli è l’abbatini nè facia l’adorazione

Di muntagna o di pianura nè ghjera un grande spurtivu
U pallò a so primura di ssù ghjocu ùn si n’hè privu
Fieru mezu a ghjuventu di sparte e so virtu

Ferma oramai u rigrettu di un canonicu sinceru
Degnu di un grande rispettu stintu corsu tantu fieru
Cu a storia à ricupià di u zitellu di Pruprià

Partutu in l’alte sponde predicherà in paradisu
E so preghere prufonde mandaranu un dolce visu
A tutti quanti dispiace chi ellu riposi in pàce

Qui salutu a mimoria di cio chi fù quell’omone
Passatu pienu di gloria di u tempu testimone
Pè traccianne a so storia ùn bastaria un librone

Ghjseppu MICAELLI
a Ghisunaccia u 29/09/18

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Thu 1 Nov 2018, 14:26   Reply with quote

Okay
_________________
À chì hà Tempu, ùn aspetti Tempu

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Wed 21 Nov 2018, 17:12   Reply with quote

 QUATTORDECI DICIOTTU 

Un seculu ghjè passatu è si festa l’armistizia
Caru a Corsica hà pagatu ma chi ferma pè ghjustizia ?
Un ricordu strangusciatu ch’ella sguassa l’ingurdizia

I corsi mubilizati, babbi fratelli, figlioli
In prima ligna mandati faccia à u focu è soli
E quelli chi sò vultati tramannati da i doli

Per difende a nazione à battesi sò andati
In lotta d’occpazione quanti d’elli sò cascati
E per tutti ssi rughjoni ùn ci hè statu risparmiati

Per quelli corci suldati ghjè stàtu un veru macellu
Da i cumandi straziati sò andati à u fracellu
Più chè tanti fucilati per ùn capisce l’appellu

Sò piu di dodeci mile chi ci lascionu u fiatu
Tra di cannoni e fucile sò pè ssi lochi interrati
Piu di unu indù i so panni cu i piu feroci danni

Chi ferma pè ricumpensa di quella sterminazione
Tuttu si passa in silenziu eccu a cunsiderazione !
Perdimu i nostri diritti è ci tocca stacci zitti

Guerra tantu scandalosa chi sempre ghjè da turmenti
Di ssà terra sanguinosa nè sorte sempre lamenti
A Corsica generosa si leghjè à i munimenti


Ghjseppu MICAELLI
 a Ghisunaccia 11/11/2018

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Fri 8 Feb 2019, 09:12   Reply with quote

MAI SI PERDERA


A mo lingua ùn si perde in ogni locu hà presenza
Cum’è l’arburone verde ella face resistenza
Hà e radiche prufonde dùve a forza ci s’asconde

Ricca pè a so cultura è trapiena di parlati
Un nè perde l’andatura si questi sò variati
Ci capimu incù primura ùn ci hè detti scunviati

Lingua di a nostra mamma, mai puderai mòre
Sustinuta à forte brama ancurata in ogni core
Scritta eppoi amparata, di stà terra si l’onore

Supranata di francese à un’epica passata
Incù e to braggie accese ùn si stàta suffucata
Contru italianu è inglèse vitturiosa si fermata

Corsi di u mondu intieru ùn spingnite istà lumèra
U mo vòtu u più sinceru ghjè ssà fiaccula chi spèra
Di a vera lingua corsa chi lampichjeghja cù forza

Demuci tutti a manu donne, omi, incù i zitelli
Per fàlla marchjà luntanu cù i sò fieri puntelli
chi u corsu lindu è sanu sia sempre un riturnellu



Ghjseppu MICAELLI
a Ghisunaccia u 20/01/19

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Wed 13 Mar 2019, 17:38   Reply with quote

ADDIU U PINU FURCUTU


Ghjèra arburu rimarcatu u caru pinu furcutu
A l’eternu ritrattatu ma ormai dicadutu
U climu chi hà cambiatu a so morte n’hà vulsutu

Stà rittu pè a maraviglia faccia à u monte Renosu
A più nunda s’assumiglia da u dispettu affannosu
U ventu ùn li passa spiglia ssù silenziu hè frasturnosu

A l’orlu di u stradone si n’hè sparita a figura
Di quellu caru pinone chi hà persu a so statura
Oghjè ghjètta cumpassione da ù scherzu di a natura

Ssù maestosu castellu dettu « u Kyrieleison
Hà persu un fieru puntellu spechju di benedizzione
Stà scunsulatu è ribellu tantu tristu hè u rughjone

Di sacratu munimentu nè ghjèra cunsideratu
Turnatu oghjè un scumpientu u nostru pinu adoratu
Ben ch’ellu dia turmentu, mai nè sarà sminticatu

Ghjseppu MICAELLI
a Ghisunaccia u 08/03/2019

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Wed 27 Mar 2019, 18:22   Reply with quote

L’ARBURU ACELLU

L’arburu chjamatu acellu chi s’assumiglia à l’altore
Ghjèra natu suvarellu graditu da u Signore
Porghje mane à u fratellu ogliastru à forte splendore

Territoriu di Gattone di a costa orientale
Diventatu un’attrazzione d’interessu generale
Di Ghisunaccia u rughjone quantu stà richezza vale

Soga l’aria di u Fium’Orbu hà u stintu creatore
Di un piacè senza distorbu, ssà verdura di splendore
Un tene à sguassà ricordu di a so machja in fiore

Quantu immensa hè a furesta di Fium’Orbu u beatu
Ogn’intantu un’inchjesta dà arburu rimarcatu
Chi a vista ùn si cuntesta ma, ci rallegra u fiatu

Da ghjente d’ogni nazione l’arburi sò visitati
L’onori di sti rughjoni elli sò qualificati
Chi pè a pieve di Castellu a so fiura hè un puntellu

D’arburi particulari a Corsica n’hè pruvista
Di bellezza tutti pari da abbagliuccanne a vista
Trà castagni lecci è ghjalghi cu quarci frunduti larghi

A stà preziosa natura chi ci dà tanta richezza
Mettimuci a prmura per salvà tanta bellezza
A l’odore di a verdura fermi l’eterna prumessa

Ghjiseppu MICAELLI
a Ghisunaccia u 17/02/19)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Thu 20 Jun 2019, 07:22   Reply with quote

MAI SI PERDERA


A mo lingua ùn si perde in ogni locu hà presenza
Cum’è l’arburone verde ella face resistenza
Hà e radiche prufonde dùve a forza ci s’asconde

Ricca pè a so cultura è trapiena di parlati
Un nè perde l’andatura si questi sò variati
Ci capimu incù primura ùn ci hè detti scunviati

Lingua di a nostra mamma, mai puderai mòre
Sustinuta à forte brama ancurata in ogni core
Scritta eppoi amparata, di stà terra si l’onore

Supranata di francese à un’epica passata
Incù e to braggie accese ùn si stàta suffucata
Contru italianu è inglèse vitturiosa si fermata

Corsi di u mondu intieru ùn spingnite istà lumèra
U mo vòtu u più sinceru ghjè ssà fiaccula chi spèra
Di a vera lingua corsa chi lampichjeghja cù forza

Demuci tutti a manu donne, omi, incù i zitelli
Per fàlla marchjà luntanu cù i sò fieri puntelli
chi u corsu lindu è sanu sia sempre un riturnellu



Ghjseppu MICAELLI
a Ghisunaccia u 20/01/19

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Thu 20 Jun 2019, 09:27   Reply with quote

Grazie è brava o Puè
Ci date quì duie puesioni chì danu à riflette. Lingua è pianeta, a lotta hè listessa chì per l'una cum'è per l'altra ci entre l'omu chì, vulè o ùn vulella, hè ellu, vale à dì tandu noi tutti, chì pudemu pruvà à salvalle. Sperenza è vita, fin'à ch'è no l'avemu, tandu un qualcusella pudemu pruvà à fà, ùn hè grattacapu
grattacapu Almenu speremu... Okay
bravune
_________________
À chì hà Tempu, ùn aspetti Tempu

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Thu 20 Jun 2019, 19:53   Reply with quote

irait fortement ce président nuisible. Et la défense du service public me semble un bien beau symbole pour le faire.

COLPA DI L’OMU

Da i monti à la marina ùn si sente più chè lagni
Tuttu si nè và in ruina, i fiumi cum’è i stagni
A neve per l’alte cime nè lascia sti lochi orfagni

Acqua è aria impuzzichisce da i lozzi è i vapori
A natura intrasandisce da u focu è i calori
E l’omu ùn vole capisce di cumette tanti errori

Corre ver di u mudernu senza fighjulà daretu
Un s’avvede chi l’infernu u cùra senza rigrettu
Mai nè ficcherà u pernu chi affrenerà u meritu

Chi riflette à u prugressu solu hè l’intelettuale
Ci trova u so interessu ancu si l’affare ùn vale
Eiu m’aspettu vi cunfessu à pagà u sbagliu attuale

Ma si quellu tempu corsu ghjera d’epica anticogna
Rivenimu à u discorsu chi à parecchji ci bisogna
A truva ciculi di luna chi à tutti darà furtuna

In seme à l’anima antica cù a forte pritensione
Forse ci era a fatica ma ùn ci era pulluzione
Quella chi oghjè castica tutt’una pupulazione

Da sperà chi per l’avvene l’omu piglierà cuscenza
D’ùn fà rompe e catene quelle di l’intulerenza
Fà un mondu chi si tene per girà incù prudenza

Ghjseppu MICAELLI
a Ghisunaccia u 05/04/2019

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Mon 24 Jun 2019, 11:32   Reply with quote

proa:
un salutu a tutti!
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Mon 24 Jun 2019, 18:38   Reply with quote

Prova vinta mi pare Okay Vi salutu anch'eiu è vi pregu è dinù à a vostra moglia un estate dolce dolce à gode acqua bona è aria muntagnola Okay Quì in Bastia ùn si sà mancu più ciò ch'omu assurbisce cum'è aria Sad ,...…… Ma forse hè megliu d'ùn sapè Mr. Green
Di core bravune
_________________
À chì hà Tempu, ùn aspetti Tempu

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 25 Jun 2019, 08:17   Reply with quote

salute o Disfughjì ,
un hè tantu vinta chi so cacciu u scrittu in frencese di a puesia di Ghjiseppu , ùn ci ghjungu più.
forse chi di apre e chjove a pagina permetterà d'aupralla cum'ellu ci 'ole
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Contenu Sponsorisé






PostPosted: Today at 22:11  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà All times are GMT + 2 Hours
Goto page: <  1, 2, 3, 4, 5, 6, 7  >
Page 6 of 7

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky