Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
FRINGHELLU
Goto page: <  1, 2, 317, 18, 19
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà
Previous topic :: Next topic  
Author Message
fringhellu


Offline

Joined: 10 Jan 2013
Posts: 275
parlatu: cismonte
masciu o femina?: Masculin
età: 72
rughjone: Nebbiu

PostPosted: Mon 31 Dec 2018, 09:20   Reply with quote

fringhellu wrote:
fringhellu wrote:
(Induve và u nostru mondu ?…à contu meu, corre à caternu da veru, si l’omi d’oghje in rispunsabilità, ùn sò micca capaci d’addirizzà, ochji aperti, u solcu di l’avvene, nenzu ch’ellu s’imponghi u troppu tardi)
 
 
 
 
 
Ma Dumè
Fammi lume 
Ch’ùn ci vecu più eu
Pienghje u mondu meu
Negrufume
Ma cum’hè
 
Magumè
Dimmi cume
Si sdraia l’omu reu
In l’angosce di l’ebreu
Negrufiume
Ma cum’hè
 
Ma Ghjasè
Dimmi cume
In terra Palestinese
Sò permesse tante offese
Paralume
È cum’hè                         
 
È cum’hè
Stu mascarume
È stu celu arramatu
Chi ci rimbecca u stalbatu
Seccalume
Ma chì ghjè
 
Ma chì ghjè
Stu prulume
Di un mondu avviatu
Ver di l’oddiu suminatu
À salvaticume
Ahimè !
 
Pace, Amore, Spartera, Lume !
Per piacè !
 
 
 

Chì l’annu novu sia quellu di a rinascita d’un mondu pacificu, umanu è più sottumessu à u soldu ingordu è sacchighjadore. 

 
È ch’ella campi à nostra lingua chì face parte, ancu ella, di i tesori di l’umanità. 
 
 
 
 
 
 
 
 
 
 
 









Back to top
Publicité






PostPosted: Mon 31 Dec 2018, 09:20  

PublicitéSupprimer les publicités ?

Back to top
fringhellu


Offline

Joined: 10 Jan 2013
Posts: 275
parlatu: cismonte
masciu o femina?: Masculin
età: 72
rughjone: Nebbiu

PostPosted: Wed 13 Feb 2019, 19:03   Reply with quote

Giuventù
 
Cum’u riu cristallinu
li ci vole sempre andà
di corre hè lu so destinu
di core hè lu so cantà
u mulinu ellu sà
u mulinu ellu sà
 
Avè pocu vulè tuttu
cosa omu pò sperà
avè pocu ma dà tuttu
dapertuttu vulè dà
dà da esse quì avà
dà da esse quì avà
 
Giuventù sempre in ballu
batti l’oghje à ferru callu
nantu à l’ale di l’ore
vai purtendu l’amore
 
Cum’è un ventu marinu
gonfiu di canzone à fà
ch’à lu mare trimulinu
ùn isbrama di purtà
a carezza d’al di là
a carezza d’al di là
 
Sapè pocu pudè tuttu
di tè dumane serà
sapè pocu ma dì tuttu
senza teme di scaglià
dì da esse quì avà
dì da esse quì avà
 
Giuventù sempre in ballu
batti l’oghje à ferru callu
nantu à l’ale di l’ore
vai purtendu l’amore
 
Cum’un sole aprilinu
ch’hà u mondu à rinnuvà
ogni fiore matuttinu
li si vole sumiglià
è culore vole dà
è calore vole dà
 
Avè pocu duvè tuttu
oghje hè natu tempi fà
avè pocu ma fà tuttu
a so terra sulchighjà
ci hè dumane à suminà
ci hè dumane à suminà
 
Ghjuventù sempre in ballu…
 
 

Back to top
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Fri 15 Feb 2019, 09:05   Reply with quote

Bellissima prova Okay

S'avvicinerà u Veranu chì canta è ci incanta Fringhellinu, battendu e parolle à penna calla nant'à l'ale d'a so Musa chì balla balla è ci dà gioia è voglia di viaghjà o chi piecè

Grazie mille o Puè o chi piecè
_________________
À chì hà Tempu, ùn aspetti Tempu

Back to top
fringhellu


Offline

Joined: 10 Jan 2013
Posts: 275
parlatu: cismonte
masciu o femina?: Masculin
età: 72
rughjone: Nebbiu

PostPosted: Wed 20 Mar 2019, 17:13   Reply with quote

I malandrini
 
Perchè a vita hè dura
è ch’ella calci mena
femu finta d’avè
attundulita a schiena
Ma si bella sicura
u ventu gira appena
currimu à u piacè
cume corre a piena
 
Noi simu
i malandrini
ricchi di tempi arrubati
purtemu
nant’à i spini
i sacchi pieni di peccati
Noi simu
i fallatutti
emu tesori in ogni grotta
femu à i
mansi prisutti
u segnu di spartipagnotta
 
Perchè a vita ammura
i castelli di rena
ci basta di sapè
i lochi ch’ella sumena
Quandu bella figura
a luna luce appena
a ci femu valè
per buscacci a cena
 
Noi simu
i bambuscioni
e nostre notte sò falculelle
purtemu à
i buttiglioni
u stess’amore ch’à e zitelle
Noi simu
i sbulandrati
vercapughjali mezu mazzeri
di peura
d’esse ligati
vultemu spalla à i penseri
 
Perchè a sorte scura
cun noi hè pocu amena
emu cura d’avè
a panza sempre piena
Quandu bella sicura
s’affacc’un sole appena
tandu femu da rè
ch’ùn cunnosce catena

Back to top
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Fri 22 Mar 2019, 09:15   Reply with quote

Una campa cum'è sempre
_________________
À chì hà Tempu, ùn aspetti Tempu

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 23 Mar 2019, 08:19   Reply with quote

sta puesia pueria diventà canzona , ma a mùsica risichegheria di piattà tuttu ciò ch'ella ci porta a pensà.
riflette a cume cuncipisce a vita, hè forse u più bellu regallu pè a nostra ghjuventù.
a ringraziatti o Fringhè'

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
fringhellu


Offline

Joined: 10 Jan 2013
Posts: 275
parlatu: cismonte
masciu o femina?: Masculin
età: 72
rughjone: Nebbiu

PostPosted: Sun 5 May 2019, 15:58   Reply with quote

Vogliu dì duie parolle annantu à u spiritu paisanu corsu. Quellu d’una volta, quandu si parlava corsu in casa è fora è ch’ognunu era in abitu di capì e scapricciate d’una lingua bramosa di piglià trincate o arrochji inaspettati. Mettimu da cantu e passate è i strucciuli ch’anu fattu di Grossu Minutu u tercanu maiore senza paru. Ma parlemu di ssu spiritu chì si spreme quandu  omu hè un pocu azezu o stufu, quand’omu sente bolle a zerga o a stancaghjine è ch’ellu ci vole à chjode u saccu di a discursata è mette un termine à una situazione chì dispiace. Tandu bastanu poche parolle.Ùn simu micca quì ind’è e macagne bastiacce chì, elle, allonganu a funa. U trattu parte cum’è una frezza lascendu ammutulita a so vittima. D’infatti a vittima pò esse altrui ma ancu sè stessu. V’aghju da cuntà una passata chì mi pare d’esse un indettu, frà tanti, di ssu spiritu paisanu. 
Petrinu era un vechju figliu chì campava solu in a casa di i so denzani (denzani altra parolla chì mi piace assai trattendusi di l’antenati). Issa casa, alta di cima è stretta di fondu, facia parte di quelle accumpulate di u paese, l’una à l’altra arrimbata, da ùn cascà. E so scale arritte cunducianu in a cucina di u pianu supranu induve ci era a grata è u fucone. Quella sera, dopu cena, Petrinu avia lavatu i so piatti eppò, cume di solitu, l’avia messi da asciuvà annantu à a teghja di a sponda di a finestra. Ma eccu chì, in più bella, si pisò un ventacciu è una sbuffulata fece capulà i so stuvigli in piazza, fora un piattu chì s’era firmatu, ùn si sà nè perchè nè cume, in  imice di a sponda. Petrinu, ch’avia intesu u trostu bench’ellu fussi penciuloni, corse subitu à a finestra è, videndu quellu corciu piattu, li dete una puntata da u ruvesciu di a manu cappiendu  dentistrintu : « È tù, ti vergogni ! » 
Ci sò chì penseranu : « Eccu cos’hè di penciulà ! ». Eppò ci sò chì vederanu quì a spressione di un fatalisimu ch’a nostra storia tantu straziata, hà stampatu per u sempre, in a mente di u nostru populu. 

Back to top
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Thu 9 May 2019, 09:12   Reply with quote

In quant'è à mè Idea pò ancu dassi ch'ellu sia firmatu u piattu per ùn lascià à Petrinu solu Okay è dinù da ch'ellu possa torna manghjà dentru qualcosa piuttostu cà fà merenda à pezzi è à bucconi "cù e dite" Mr. Green .
Ci vecu dinù Very Happy un attu di ribellione, a ricusa di lasciassi infibbià da l'evenimenti senza anscià Sad nè resiste Mad
S'eo fussi statu eiu u piattu mancu credu ch'averebbi avutu a stumachiccia di resiste
Sia cum'ella sia Acellucciu Caru V'arringraziu assai pè stu scrittu chì à leghjelu a principiante ab eternu ch'eo sò s'arricchisce, ma chì piacè Okay
_________________
À chì hà Tempu, ùn aspetti Tempu

Back to top
fringhellu


Offline

Joined: 10 Jan 2013
Posts: 275
parlatu: cismonte
masciu o femina?: Masculin
età: 72
rughjone: Nebbiu

PostPosted: Mon 13 May 2019, 10:24   Reply with quote

Stella  
   
Ella  
Pigliava a vita à sculiscella  
 
Era  
 
Nata strafine cernigliata  
Una  
Ghjemma purtava sott’à l’ascella  
Stella  
A notte pagna si l’hà inguantata  
 
   
Ella Una Stella  
   
 
Preziosa  
Ella si chjama 

Back to top
fringhellu


Offline

Joined: 10 Jan 2013
Posts: 275
parlatu: cismonte
masciu o femina?: Masculin
età: 72
rughjone: Nebbiu

PostPosted: Wed 31 Jul 2019, 19:22   Reply with quote

Speranza 
 (Sunettu per Maria Laura) 

 
   Speranza nova campa 
 In core di Marialà 
 Una musa ci lampa 
 Rime d’amore à dà 

 
   Rosula altea ch’accampa 
 Un sole da capu girà 
 Rosula dea ch’avvampa 
 Un amore nant’à u fà 

 
   Cunnoscu quì a zampa 
 Data per dì u long’andà 
 Amore soiu ùn istanca 

 
   Chì ùn hè cecu vederà 
  O cara sì a nostra campa 
 Scrivi per noi u to sperà 
    

Back to top
fringhellu


Offline

Joined: 10 Jan 2013
Posts: 275
parlatu: cismonte
masciu o femina?: Masculin
età: 72
rughjone: Nebbiu

PostPosted: Wed 2 Oct 2019, 16:17   Reply with quote

Anima Corsa
 
L’ochji sò neri è sunniosi 
È lu so visu di cera chjara 
Hè d’una dea messagera
Cusì serena 
I batticori si stanu chjosi 
Dentr’à u core di a chitara 
Beatu quellu chì i libera 
D’a so catena
 
          O cusì bella giuventù
          Anima corsa sì tù sì tù !


Eppò si parla un pocu corsu 
Si cerca un versu di cristallu 
Girendu e Sette Chjappelle 
Ci nè hè tanti 
Eppò si parla d’u tempu scorsu 
È cume fà pè adestrallu 
Annant’à e strade nuvelle 
D’i nostri stanti


             Guasi ne simu à tù per tù
             Anima corsa sì tù sì tù !
 

Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Fri 4 Oct 2019, 21:05   Reply with quote

avà capiscu perchè in Casinca ùn s'hè trovu un nidu di fringhellu
ci vulia cercallu "in l'ortu di e mo brame"
Bellu colpu di penna ! ma vistu quale a tenia in manu!!!

Back to top
fringhellu


Offline

Joined: 10 Jan 2013
Posts: 275
parlatu: cismonte
masciu o femina?: Masculin
età: 72
rughjone: Nebbiu

PostPosted: Sun 6 Oct 2019, 08:15   Reply with quote

 
Ma ùn sò chè un fringhellu
chì campa in le rambelle
di  l’orte casandrine
cumpagne di a miseria umana
 
…A notte sunniendu
mi provu à ariulà…
 
Mi vecu pè sse cunfine
induve stanu e stelle
l’ochji  sò falchittini
e sgrinfie sò furlane
 
…Strazià vecu u mondu sanu
è tandu mi discetu…
 
Ma ùn sò micca tristu
chì sì tù ch’aghju vistu
in sse loche suprane
lampendu à piena manu
sumente per dumane

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sun 6 Oct 2019, 10:55   Reply with quote

oh! cusi bellu e l'estru nustrale quand'ell'hè colmu di puesia!
oh chi piecè!
bravune bravune bravune
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Contenu Sponsorisé






PostPosted: Today at 14:21  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà All times are GMT + 2 Hours
Goto page: <  1, 2, 317, 18, 19
Page 19 of 19

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky