Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
"Castagna, castagnu è castagnetu "

 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> a vità ,l'arti , a pratica spurtiva... -> vita e robba di prima
Previous topic :: Next topic  
Author Message
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Wed 19 Mar 2014, 11:01   Reply with quote

Dopu à "u Lamentu di u Castagnu" cantatu eri sera nantu à l'onde di RCFM, vi lampu quì sottu ciò ch'ellu ci cuntava Ghjacumu FUSINA in u 1989 ind'u so libru di crònache "Prose Elzevire" pàgina 154, ghjust'appuntu à u sughjettu di u Castagnu :

CASTAGNETI D'ORIENTE

" Quale chì crederebbe chì a castagna fussi preziata in lochi landani cum'è u Giappone ? Eppuru hè vera chì s'elli ci sò i castagni in Auropa è ancu in Àfrica, saria da l'Asia ch'ellu ci vene l'àlburu,pròpriu d'Asia Minore. Une poche d'idee fatte ci vole à caccialleci di capu, ancu quand'ella si tratta di u nostru fruttu rè, di u nostru fruttu pane di a storia : u castagnetu ùn finisce micca cu a nostra Castagniccia ! Megliu : in Asìa ghjè da sèculi un àlburu simbulu di previdenza astuta, chì ne dite ?

I Giappunesi, per indettu ce chì sò diventati cunsumadori tremendi è sapemu quant'elli ci mèttenu arte è pacenzia quand'elli s'interessanu, aiutati da una tecnulugia di quelle più muderne chì sìanu. Elli sì chì si sanu ghjuvà di e qualità nutritive di u fruttu, postu ch'ella li garba assai a roba inzuccherata ! In ogni casu, a cultura castagnaghja hè in sviluppu pienu, tenuta è preziata da cultura muderna, d'avvene mancu una crìa à l'anticogna, invece chì ind'è noi si sà quant'ellu ci hè disprezzu oghje in ssa attività.

A prova si n'hè chì i Giappunesi anu crisciutu miràculi a so pruduzzione è ch'elli anu purtatu u negoziu in Auropa vechja, duv'elli stuzzicanu i Taliani chì in u frattempu anu caliatu a soia. Indeh...

In Oriente u castagnu hè splutatu à modu meccanizatu assai, à ciò ch'ella si sente dì, chì anu sappiutu addattà a mecànica à u terrenu, è pòsi sà chì locu ne anu bellu pocu è ch'ella ùn si parla di fruzallu per nunda.

Vìa vìa, forse chì qualchissìa, à u fine, l'hà statu à sente à Paoli di Tagliu, tanti anni dopu quella puesìa magnìfica di u so Lamentu..., è noi, ci stemu quì, impalificcati senza fà altru nunda chè "ride giallu", per fà un ghjocu fàcile cù e parolle... "


Forse chì oghje ch'hè oghje cert'affari sò cambiati, ma quantunque chì ne pensate, a sappìate chì à i Giappunesi li piàcianu tantu e castagne inzuccherate Question

Intantu scialàtevila, bona festa di San Ghjiseppu è forse à dopu
_________________
À chì hà Tempu, ùn aspetti Tempu

Back to top
Publicité






PostPosted: Wed 19 Mar 2014, 11:01  

PublicitéSupprimer les publicités ?

Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> a vità ,l'arti , a pratica spurtiva... -> vita e robba di prima All times are GMT + 2 Hours
Page 1 of 1

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky