Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
21,22 d'AOSTU 1975 ...ALERIA

 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> PULITICA -> da u prufondu a u sprufondu
Previous topic :: Next topic  
Author Message
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Fri 15 Aug 2014, 08:15   Reply with quote

22 d’Aostu 1975

s i u 21 d’Aostu 1975 m’inzerghebbi chi ùn pudia capì ciò ch’ò cunsiderava cume una «  pruvucazione » di l’autunumisti di l’arc , hè statu u ghjornu dopu , u 22 d’Aostu 1975 , ch’o mi caccebbe i macchi di l’ochji e ch’ò capisse ch’ ùn avia che una sola nazione , e a miò nazione , stu 22 d’Aostu , era in Aleria .

un so tantu primurosu di e ceremònie , ma nepochi anu pensatu di fà un associu : ALERIA75 .
di mette una placca , e di fà una ceremònia stu 22 d’Aostu a 6ore di sera a ciò chi era a « cave Depeille ».
hè capita chi st’operazione dumanda solli.
quelli chi volenu participà ponu manda i so « scecchi » à ALERIA75
siasi à :
- E.SIMEONI 4 , « «avenue de Paris 20000 Aiacciu
 o à :
B.Pantalacci BP1 Aleria 20270

a a riflessione mi pare chi quelli chi anu mossu stu 21 d’Aostu 1975 si méritanu un salutu di ricuniscenza.
hè per ciò chi , si Di’ e ole , seraghju in
Aleria u 22d’Aostu 2014 i à 6 ore di sera in Aleria



Last edited by estrimei on Sun 21 Sep 2014, 20:54; edited 2 times in total
Back to top
Visit poster’s website
Publicité






PostPosted: Fri 15 Aug 2014, 08:15  

PublicitéSupprimer les publicités ?

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Fri 22 Aug 2014, 09:07   Reply with quote

nantu a corsenetinfo (http://www.corsenetinfos.fr/Edmond-Simeoni-Aleria-est-l-acte-fondateur-de-la-resistance-contemporaine_a10905.html) , u duttore E.Simeoni scrive in fine d’intervista:
« Le véritable combat est désormais entre Conservateurs et Progressistes. Les Corses, dans leur grande majorité, veulent le changement. C’est pourquoi le changement viendra ! »
sti filari ùn mi gherbanu :
mi pare ch’elli taglianu nettu a ghjente in duie categorie e quessa ùn hè .
sò per mantene parechji vechji usi (cume salutà a ghjente , aduprà a nostra lingua , cantà paghjelle , rispettà i vechji ) , sò oppostu a u matrimoniu di ghjente di listessu genere , a u votu di i strangeri .
chi sò ? un  «conservateur » , forse ancu un fascistu postu chi sortu di u solcu impostu da i  «bien pensants »  ?
chi hè u prugressu ?
inventà e aduprà e vitture ,? o l’aviò , o l ‘» urdinatori», o e seche e i smachjaori tèrmichi ?
o ghjunghjene a caccià u pocu di demucrazia ch’aviamu , caccià l’impiechi , a securita suciale , e ritirate a a ghjente a u nome di l’interessu superiore di u sollu ?

a sò chi u frencese u maneghji ,e chi e parulle chi tu impiechi sò sempre pensate , assestate e mai capiate a lalleru .
e per ciò ch’o ti dicu :innò o Edmond’, custì ti sbaglii !



Last edited by estrimei on Sat 23 Aug 2014, 11:24; edited 1 time in total
Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 23 Aug 2014, 11:22   Reply with quote

ci so andatu dubbitosu, e mi pare ch'o ùn fussi u solu , e pò ci fubbe u discorsu d'Edmondu Simeoni, longu , assai longu , chi trattebbe d'Aleria di e so seguite , di a situazione d'oghje ,vista a ochji spalancati , e a fine una chjama a tutti i figlioli di sta terra per chi ognunu facci ogni ghjornu sforzi secondu a so capacitai pè a difesa di a nostra nazione .
a sapemu tutti E.Simeoni hè un omu struitu ,chi hà u 'ntellettu , chi s'interessa a tuttu e chi sà assai cose , ma quand'ellu ci aghjusta u sumerinu , cum'ellu a febbe eri sera, ci arrichisce a tutti e ghjunghje ,ancu, a facci sperà...
o chi piecè o chi piecè o chi piecè

Back to top
Visit poster’s website
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Sun 21 Sep 2014, 20:56   Reply with quote

Vene di esse distrutta a stela in Aleria chì cummemurava l’avenimenti di a cava Depeille in u 1975. 'Ssu gestu ùn ci piace manc’appena, chì ci vole à rispettà un munimentu chì, al dilà di u scandalu di u vinu, ripresenta a presa di cuscenza chè no’ simu un populu. Quale hè chì ùn s’arricordu di tandu, u drama di Aleria ? Avemu tutti in memoria a canzona cummuvente di Ghjuvan Paulu Poletti, in u 45 giri di Canta u Populu Corsu. Eccula quì stratta da u libru ALERIA esciutu di decembre 1975 da a stamperia « U Palazzu Naziunale », Andria TEUMA in Corti.


ALERIA
Quel veneri d'Aostu si discitò la storia
La terra insanguinata apre la so memoria

U dulore di l'omu si compr’ à prezzu vile
Quandu chjama a ghjustizia li mostranu u fucile

Date la pace eterna à l'omu marturiatu
Eppoi la libertà à quellu ch'hè inghjuliatu

Ùn hà premur' di sangue u statu tenebrosu
Fece morti è feriti c'un ministru scherzosu

0 Vergine Maria, o Mamma tant' amata
Venite à lu rinforzu la pace hè sutterrata ! (bis)

G.P. POLETTI.

NB : veneri o venneri, vennari, venderi.

Back to top
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Mon 22 Sep 2014, 09:45   Reply with quote

Luigi Giacomoni wrote:
Vene di esse distrutta a stela in Aleria chì cummemurava l’avenimenti di a cava Depeille in u 1975. 'Ssu gestu ùn ci piace manc’appena, chì ci vole à rispettà un munimentu chì, al dilà di u scandalu di u vinu, ripresenta a presa di cuscenza chè no’ simu un populu. ....


Shocked È u mutivu chì hè Question Ci serà una raghjò à un attu sìmile, ci serà ! grattacapu A cunnosce qualchissia 'ssa raghjò Question
_________________
À chì hà Tempu, ùn aspetti Tempu

Back to top
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Mon 22 Sep 2014, 10:15   Reply with quote

U mutivu ? A raghjò (o a cagione), seranu i « cocoricos » chì si discetanu ? Mi pare di senteli : “sois français et tais-toi! »
Ma ùn ci serà micca dirittu per a Corsica à l’Autunumia tuttu fendu parte di a Republica francese ?

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Mon 22 Sep 2014, 11:28   Reply with quote

salute voi dui e a tutti quelli chi ci leghjenu ,
a mè mi pare chi e cagioni ponu esse numerose: da quelli chi volenu nicà à Aleria , quelli chi sò ghjelosi di stu fattu (e ci sò!) , quelli chi sò laziosi e ùn rispettanu nunda ,à e "barbouse" a a ritirata chi volenu ghjucà a i sicastroni e tutti i nemichi di a Corsica .
u fattu si stà chi Aleria ci hè statu, chi Aleria hà discitatu e cuscenze , chi Aleria hà dinunziatu una scruccuneria e un' ecunumia dannighjose pè u nostru Paese .

quelli chi mi cunoscenu a sanu chi sò sempre arechje tese e prontu a dì ciò chi ùn mi gherba . rimproveri publichi a E.Simeoni li ne aghju fattu assai e si Di' e vole lin ne turneraghju a fà , ma a possu assicurà incù tutta a mio sinceritai , chi ,u 22 d'Aostu in Aleria , Edmondu Simeoni avia organisatu una ceremonia rispettuosa di TUTTI, senza scherta a nimu .

stu pezzu di vetru hà custatu soli e tempu , ma si ALERIA 75 a decide , per contu meiu , sò torna dispostu a dà una participazione .(l'indirizzi di l'associu sò 'nù u primu scrittu di sta pagina .)

Aleria hè statu un mumentu di a nostra storia , un mumentu chi ci face onore, e a nostra storia , avà che n'avemu cuminciatu a cunoscella , nimu nù a puderà cacciàcilla di capu .

per cuntinuà nù u spiritu di u scrittu di Luiggi Giacomoni , vi sciaccu a dédica di u so librettu Aleria , fatta da l'associu U Palazzu Naziunale :

a Edmondu SIMEONI
A tutti i patriotti corsi
chi si sò privi di LIBERTA'
per ch'ella vinci a GHJUSTIZIA
a u Populu corsu liberu , mantenidore di a Nazione corsa storica

U Palazzu Naziunale

Back to top
Visit poster’s website
Contenu Sponsorisé






PostPosted: Today at 22:10  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> PULITICA -> da u prufondu a u sprufondu All times are GMT + 2 Hours
Page 1 of 1

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky