Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Capu d'annu

 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> Ghjorni signalati
Previous topic :: Next topic  
Author Message
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Thu 1 Jan 2015, 12:37   Reply with quote

L’annu 2014 s’hè compiu cù e so gioie è le so pene. À quelli chì sò in dolu, cumpassione, ricunfortu è fede in l’altra Vita. Chì i spariti ferminu sempre in u nostru core.
Eccu l’annu novu è à tutti, auguri, ome di pace è salute.
Chì 2015 arrechi felicità, benistà è riescita.

Vi mandu una puesia di fù Prete Gambotti d’Antisanti, ricacciata da u so libru Tempi è tempi. 1981. Stamperia Mattei, in L’Isula Rossa.
Aghju attualizatu a so scrittura.


Capu d’annu

Cusì santi sò i voti
U ghjornu di capu d’annu
Per ch’ognunu sia sanu
Eppo’ in pace cù tutti.

Pè i parenti è l’amici
Pè tuttu u vicinatu
Di core hè dumandatu
Ch’elli sianu felici.

A grazia di u Signore
Ch’ellu spend’à piena manu
Ùn ci sia data in vanu ;
A ci porghje per amore.

“ O sgiò curatu, hè nurmale,
Sì stamane hè tempu frescu ;
Or chì vo’ siate vescu,
Sinnò papa, cardinale.”

Prete Gambotti Anghjulu

Ndlr: À un prete, li si pò augurà d’esse vescu papa o cardinale. À ognunu di noi, un impiegu s’ellu ne hè à a ricerca, o di cresce di gradu. Infine ciò chì conta ghjè u migliuramentu.
Aldilà di a famiglia, di a ghjente, auguremu per a Corsica a pace, a prusperità, a ricunniscenza di i so diritti da Parigi è suluzione per u megliu.

Back to top
Publicité






PostPosted: Thu 1 Jan 2015, 12:37  

PublicitéSupprimer les publicités ?

Back to top
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Fri 2 Jan 2015, 11:23   Reply with quote

Salute è Pace à Tutte è à Tutti è chì 2015 v'arreghi assai bè è menu guai !

o chi piecè
_________________
À chì hà Tempu, ùn aspetti Tempu

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sun 4 Jan 2015, 12:18   Reply with quote

Pace e salute a tutti , l'aghju precata a tutti in capu di pagina, ma avà vuleria   vuleria fà i miò voti a stu foru  chi pè disgrazia ùn ci hè mezu  ch'ellu picci .
li precu chi quelli chi ci si affaccanu piglinu cuscenza   chi u cuntrastu , u scambiu , a spalluzzera d'infurmazioni ne avemu tutti bisognu  per fà avanzà a nostra riflessione persunale .
o ghjente , u nostru avenne ùn hè tantu fiuritu.
se no ùn vulemmu  sprufundà  , ci tocca a stringhjeci   e a sperte e nostre riflessioni; tandu qualcosa puderemu parà !
hè per ciò ch'aghjusteraghju a i miò voti di capu pagina:
cuscenza , rispunsabilitai e intelligenza  a tutti ! chi tandu a nostra lingua , u nostru Paese  , u nostru mondu puderanu esce di st'affani .
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 2 Jan 2016, 13:53   Reply with quote

PACE E SALUTE A VOI TUTTI E A TUTTI I VOSTRI !
vogliu salutà à tutti quelli chi anu fattu chi stu foru appie pussutu francà u 2015.
vogliu ringrazià dinù a tutti quelli chi , à a mudesca , si facenu ,di tantu in tantu , un'affaccata .
a prutensione ddi stu foru e di :
- sperghje e pruttegge a nostra lingua e mantene u spiritu nustrale (u chjamanu dinù cultura ).
-permette a ognunu di dà u so parè , di cuntrastà ,'nù u rispettu di tutti per primurà a demucrazia naziunale .

si in 2016, stu foru -sta petricella - 'ùn ghjova che un chjinchjì seremu fieri cume paoni .
fratellenza a tutti
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Sat 2 Jan 2016, 18:39   Reply with quote

Evviva à Noi, evviva à Voi o Estricuntrasti ! Avà hè ghjuntu l'Annucciu Novu, novu framante ch'ellu hè ci porghje a manu è casca bè chì simu pronti "à sguassà a croce" (*), ùn hè ? Mr. Green Okay

V'auguriu Salute è Pace..., Pace è Salute in Casa è Core Vostru o Andrì ! Inseme petricelle pruveremu à suminanne torna pè sti lochiforu cusì accuglianci in grazia di voi quantunque à l'iniziu !

(*) A spressione "sguassà o squassà a croce", l'aghju trova per dì "relever le défi". Site d'accordu o esiste un'antra manera, forse ancu di più spùtica per dilla grattacapu

Bellìssima fin di ghjurnata à tutti è ben intesu à prestu prestu... bravune
_________________
À chì hà Tempu, ùn aspetti Tempu

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 2 Jan 2016, 20:31   Reply with quote

Di Sfughjita wrote:
Inseme petricelle pruveremu à suminanne torna

sìate puru sicura o Disfughjì , chi e vostre , e petricelle , c'ingonffianu u core e c'assennanu u cerbellu .
bravune bravune bravune bravune bravune bravune

Di Sfughjita wrote:
A spressione "sguassà o squassà a croce", l'aghju trova per dì "relever le défi".

eu 'nù a cunoscu ! ... e a dilla franca dubbiteghju .....
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sun 1 Jan 2017, 10:52   Reply with quote

2017 hè ghjuntu , andate a sapè ciò ch'ellu ci purtera ???a nostra lingua ripiglierà fiatu o s'agrunchjerà a pena di più?
una cosa hè sicura ancu se no simu pochi a scrive , gradune a Ghjiseppu, à Disfughjita , a Ghjuvan'Carlu a Fringhellu a Luiggi e a Pindente , stu foru ùn manca di pruvà à assicurà i puntelli .
chi stu mumentu di sperenza sie l'occasione per me , di ringraziavvi a tutti e di precavvi cume a tutti quelli chi venenu a leghje , Pace , salute , e fratellenza per l'annu novu
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Lùlù


Offline

Joined: 17 Oct 2012
Posts: 261
parlatu: castagniccia
masciu o femina?: Masculin
rughjone: Ghisonaccia

PostPosted: Tue 3 Jan 2017, 11:56   Reply with quote

AUGURI d’auguri
V’aghju datu’a mo parolla chì vi ghjovera per fola
cumu rigalu per e strenne, à mente puvete tene
prumessa scritta di penna :Luna in pozzu bella piena.

Back to top
OTTOBRE


Offline

Joined: 01 Feb 2013
Posts: 30
parlatu: PUMUNTINCU
masciu o femina?: Masculin

PostPosted: Thu 5 Jan 2017, 00:22   Reply with quote

PACE E SALUTE A VOI TUTTI,E A I VOSTRI
Back to top
Visit poster’s website
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Thu 5 Jan 2017, 19:09   Reply with quote

Mi piacenu st’auguri mandatimi da Pasqualandria MAGNAN di Muratu è chì tramandu.


Back to top
fringhellu


Offline

Joined: 10 Jan 2013
Posts: 275
parlatu: cismonte
masciu o femina?: Masculin
età: 72
rughjone: Nebbiu

PostPosted: Sat 7 Jan 2017, 20:28   Reply with quote

Salutendu à Pasquale Andria chì face tantu pè a salvezza di u nostru patrimoniu in paese di Muratu è preghenduli un bon annu...


Zittu è musciu
l'annu chì passa
si tira à l'usciu
è po si sguassa
Ind'u passatu
prestu scurdatu
ellu si svene
Quellu chì vene
cù grand' inviglia
prumette avvene
di maraviglia
Fuss'ella puru
per voi tutti
dolci i so frutti
gonfii d'azuru
È piacè ancu seria
di vede cresce
bella alegria
à borru mesce
l‘ochju puesia
Ma nanzi tuttu
ciò chì mi piace
hè quellu fruttu
« Salute è Pace »

Da pudè sparte
cun voi stonde
chì vanu tonde
pè strade aperte
dunde a nostr’arte
chjama è risponde

Back to top
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Mon 1 Jan 2018, 13:25   Reply with quote



Bon dì, bon annu, bon Capu d’Annu, Pace è salute per tuttu l’annu.
Chì u 2018 ci porghji pace, salute, riescita ind’i prugetti.
Cù u ricordu di quelli cari partuti.
Riescita dinù à a Cullettività unica di Corsica è pè chì a Corsica avessi una vera Autunumia.

Aghjungu quì sopra l’auguri di Pasqualandria Magnan di Muratu : Nant’à u caminu di u 2018. Pasquale Andria hè à a testa di l’associu Imagina, presidente di u Festivale di u filmu di Muratu ogni annu in estate. Si pò cunsultà u situ internet Imagina di Muratu chì dà parechje infurmazione.

Back to top
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Wed 3 Jan 2018, 11:23   Reply with quote

Okay Altretantu à Tutte è à Tutti Okay
_________________
À chì hà Tempu, ùn aspetti Tempu

Back to top
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Tue 1 Jan 2019, 16:20   Reply with quote

Auguri di Bon annu in paese tempi fà:

Bon dì * è Bon annu
Bon capu d’annu
Pace è salute
Per tuttu l’annu.

(Li si dava à i zitelli un picculu rigalu in solli o dulciume. Per quelli ch’ùn davanu nunda, certi aghjunghjianu:
« un chjodu ind’u calcagnu *! »)

Altre formule per i maiò :
Bon principiu è meglior fine.
Quist’annu megliu chè annu.
Salute è pace, a roba si face.

Nb : * « dì » parolla chì vene da u latinu « dies » chì vole dì ghjornu. Si ritrova in un dettu d’aprile : aprile una goccia per dì.
*Calcagnu, prununziatu dinù carcagnu.

Back to top
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Wed 2 Jan 2019, 09:59   Reply with quote

Ch'ogni ghjornu à vene sia Dolce è Serenu à Tutti. Pace è Salute à Tutti Okay è Pace è Salute à Voi o Luì. È grazie per tuttu ciò chì ci amparate Okay spartendu u vostru sapè chì pare senza fine Idea Mr. Green ... è tantu megliu Okay
_________________
À chì hà Tempu, ùn aspetti Tempu

Back to top
Contenu Sponsorisé






PostPosted: Today at 14:52  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> Ghjorni signalati All times are GMT + 2 Hours
Page 1 of 1

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky