Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
SALE IN ZUCCA !

 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> a vità ,l'arti , a pratica spurtiva... -> vita e robba di prima
Previous topic :: Next topic  
Author Message
Lùlù


Offline

Joined: 17 Oct 2012
Posts: 261
parlatu: castagniccia
masciu o femina?: Masculin
rughjone: Ghisonaccia

PostPosted: Thu 29 Oct 2015, 22:26   Reply with quote

SALE in ZUCCA !

‘ZUCCU’, fruttu di a pianta, ortaglia o pustime, ùn hè ‘légume’che per quellu chi l’hà persu .
Tondu o longu, ghjè zuccone per ‘Aloween’è ‘Cendrillon’
U zucchu si mette à siccà per fà a zuccha bivitoghja o vinaghja
si face u tuffone di u tapu per sgranellalla è viotala cù un filu di farru ,pisticciuli di vetru, gravetta è à l’ultimu si mette u sale grossu per alisciala nentru è stringhje e fenice per ch’ell’ùn sfinghji !
u più fine hè di fà e manechje d’ogni latu, intricciate di vitalbuccia soffice .
À tempu à e vindemie si ciottava a zucca fatta in u palmentu, à mezu mostu per dalli un bellu culore

-Sale à prò di zucca ….da què a seguita :
Dà a zucca tonda à u capu, a lea … andava cù i so pedi !
U zucchinu ghjè u ciarbellu è à unu chi cappia o face spropositi si dice
U to zucchinu ! sempre megliu che : « a to caccara ! »
Per l’ortu ci sò i zucchini ma Pumontinchi e chjamanu zucchette per ùn fà u mischju, è custi zucchinu ne hanu più che noi !
- D’un zuccu seccu grossu è tondu li s’apria u corpu per viutalu è fane una gabbia
per ‘inzucchinà’l’acellucci, per u più i piugoni di cardellina è i parenti venianu
à manteneli …(inzucchinà )
-di a robba disapita si dice « ghjè zuccu »
-« Dorme cum’è un zuccu » cum’è un zocculu o un saccu …(inzuccassi)
-Zuccà u legnu o a petra (sculpì)
-Ci sò e pere zuccotte di forma zucchina ( tonde è grosse) è bunissime chi venenu dopu e San ghjuvanine è nenzu e Spadone (longue è grosse )

-Ci sò i zucchi chi pascenu in pianu .. è quelli chi s’elli trovanu un appichjatoghjusi ne collanu per aria …megliu se vo site di quessi , chi dopu a què
se vo vi firmate baullu… ? ùn serà culpa mea !!

-Ò Zitelli lampate puru u sale …E ZUCCHE CI SÒ !

PS :( Se v’avete qualchi foto per fiurà u dettu site i benvenuti)


In a famiglia Zuccu ci’hè a razza ‘Zuccaghja’ chi secca senza infracicassi
In sicchendu s’indurisce é s’allegnisce ( nunda à vede cù u francese ‘lenifier’
= indulci, ammatà appacià )
Dipoi i tempi di i tempi, i popùli, sempre in cerca di stuviglii, per trascinà è tene prima l’acqua, ne hanu capitu e virtù per fàne parechji usi :
Zucche, tinelle, piatti è vasetti è… strumenti di musica, ancu in Corsica !
( cf Dumè Gambini : mammone di u viulinu, cù una corda sola !)

-Zucchi è Zucchette hanu i fiori maschje è fème gialle chi s’aprenu di ghjornu

LAGENARIA SICERARIA :Zucca plata di Corsica amara è immanghjevule face un fiuruciu biancu chi s’apre à l’attrachju per esse inserita di notte dà mignoculi è farfalle per u più dà u Sant’Antonu (o zicozzulu :Nebbiu) : le sphinx colibri dit ‘Bonne nouvelle’
‘Sunà a zucca’ : caccià e sumente è accunciàla : ghjè ‘sunata’ quand’elle hè pulita
L’usu ùn hè statu solu paisanu : tutti i cavalieri di l’armate l’avianu

[b]Ò Zitelli lampatene puru ! cala u sale !... ma è e zucche crescenu….[/b]

Ci vulia un introitu à ‘Sale in zucca’ ma u scopu hè di parlà d’acutezza sapita è di cio chi ghjè lazzu
Dà u sapè fà à u sapè dì ùn ci’hè cunfine è ci’hè un fossu cù cio chi scaglia !:

Una puzza di lozzu hà discitatu a Corsica !
« Mì mì mì ! chi simu un’Isula ! »
I ‘Media’ si sò techji di lozzu !
D’un colpu di ‘lascia corre’.. a vita hà ripigliatu …per un tempu.. chi ferma sempre u capatoghju !
Ùn staremu tantu à ùn sapè più cunnosce a ‘filetta’ intarrata cù u toscu di u scordu..di u sale in zucca
Sumentre affacca torna u Padduc per l’abbriu di a Corsica cù unipochi di cambiamenti à l’appiattu di u Populu !
Dipoì i tempi di i tempi ‘Cumandà ghjè prevè !’
I nostri eletti volenu fà u tettu nenzu i fundimenti senza tene contu di u frasu di i fatti novi !
ci staremu torna cù una ‘manu davanti è l’altra daretu !’ chi i nostri elletti sò i primi
à piglià l’indipendenza cù a Dimocrazia !
« Ùn ci’hè più Sale in Zucca in què u paese ! »

Mà per u ZUCCHISMU ! noì simu …‘SEMPRE PRONTI !’

LULUNATA NOVA d’OTTORE

« Cumu v’hè ghjunta , per passione o per duvere ? »

-« per passione di u duvere di e cose ben fatte »

SERÀ BEN DETTA ?

PARULLE ‘RADIOATTIVE !

Intesa da un linguistu, scrittore è universitariu :
« puru cù e parulle nove a lingua tene a so cuerenza ?? »
Addiu : tene u so filu,a so unita ,seguita u so indule o a so PRATICA.. è tante altre..
... senza andà à piglià un’imprestaticcia senza radica !!
Cumu l’averia detta u so babbu o u babbone in lingua di mamma !

-Detta à ‘dite à vostra’ da un rimaghjolu chi astrazia a prosa :
« ùn sò futtuti di !
Un sà mancu dà duve vene sta parulla brutta
Cumu averianu dettu prima in lingua di mamma
Andate à traduce u cumunu : ‘futtimi u cane’ !!

-Sera megliu di fà rimà tuttu che di fascià un dettu libaru ??

-Hè calatu u nostru ‘sale in zucca’

Back to top
Publicité






PostPosted: Thu 29 Oct 2015, 22:26  

PublicitéSupprimer les publicités ?

Back to top
fringhellu


Offline

Joined: 10 Jan 2013
Posts: 275
parlatu: cismonte
masciu o femina?: Masculin
età: 72
rughjone: Nebbiu

PostPosted: Fri 30 Oct 2015, 11:32   Reply with quote

À rombu di mette sale in zucca
simu turnati salami appesi
A fumaghjine ch’omu stucca
ci hà resu un pocu offesi.
Ma ci sì tù o Lulù chì ognitantu erpiuleghji
per andattine à ruzà dopu cun l’eghji
dendu ticci è stuzzicosi butuleghji.
Ti salutu casumai una stonda quì t’arreghji.

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Fri 30 Oct 2015, 12:17   Reply with quote

a sente a l'unu --"Hè calatu u nostru ‘sale in zucca’" - e a l'astru "À rombu di mette sale in zucca ,
simu turnati salami appesi" eu un ci capiscu più nunda !
calerà u sale o seraghju trasalitu ?
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Lùlù


Offline

Joined: 17 Oct 2012
Posts: 261
parlatu: castagniccia
masciu o femina?: Masculin
rughjone: Ghisonaccia

PostPosted: Fri 30 Oct 2015, 17:15   Reply with quote

fringhellu hà scrittu wrote:

À rombu di mette sale in zucca
simu turnati salami appesi
A fumaghjine ch’omu stucca
ci hà resu un pocu offesi.
Ma ci sì tù o Lulù chì ognitantu erpiuleghji
per andattine à ruzà dopu cun l’eghji
dendu ticci è stuzzicosi butuleghji.
Ti salutu casumai una stonda quì t’arreghji.


lulù à FRINGUELLU

u sale ci vulia per casgiu è per salami
costava tandu più di stantu che di gabella
ma ci’era una salaghjola in ogni casarella
per accuncià in bocca a robba di cumpane !

(A RIMA ci’hè !!... quale mi pò dì chi SALAMI ùn RIMA cù ‘PANE’)

senza un suppu di sale ùn ci’hè dolce castagne
per dì è sapè fà ,rispettu è galateu
misuratu in zucca ùn ci vene macagne
ci tene u capu à segnu sempre à bon prò di sèu !

ti ringraziu CASUMAI in tantu ch’ò m’arreghji , per ‘l’EGHJU’
parolla Virgilesca amparata più di sessant’anni fà da u mo babbone maternu
bella intisgiata à mente mi n’aghju fattu un Credu !

SALE IN ZUCCA si n’hè falatu quì chi s’in ampara per ogni tastu
è più sopra ci’hè troppu sale o troppu zucche ?
quì à mezzu ‘arte è vita di prima’ si sente più à l’embiu !...luntanu di e mosche cavalline !

-ESTRIMEI à scrittu :« trà unu è l’altru ùn capiscu »

Ùn vole di ! ùn’hè ch’un ghjocu di parulle salimoghjate spartute in amicizia
a lingua per u sale è l'estru frescu per u pane….
sì u benvenutu ! Stuppa a zucca è caccia a prima fetta insalimita ….
qualcosa t’aghjusteremu !

Back to top
Lùlù


Offline

Joined: 17 Oct 2012
Posts: 261
parlatu: castagniccia
masciu o femina?: Masculin
rughjone: Ghisonaccia

PostPosted: Sat 14 Nov 2015, 14:33   Reply with quote

Francia ? « à ch’hà campatu cù u farru morerà da u farru ! »...vale sempre ancu avà !

« à chi sghisgia un scemu hà vintu a ghjurnata : »
A si saperà RABIN chi hà opratu per a pace ma ùn hà pussutu sghisgià u scemu chi l’hà tombu !

Ci’hè più farru che sale è sò e zucche nucente chi LÈCCANU ! per serve a suppa à i ‘Media’ chi si ne techjanu, chjamendu i ‘ghjalli di campanile à fà sente e soie !
ùn n’hè che ‘France culture’ chi si tene appena di sale !

Back to top
Lùlù


Offline

Joined: 17 Oct 2012
Posts: 261
parlatu: castagniccia
masciu o femina?: Masculin
rughjone: Ghisonaccia

PostPosted: Sat 5 Dec 2015, 12:26   Reply with quote

à FURA è à MISURA ? ? = di fora è di miseria !
dite megliu VIA VIA ! !
‘Fur’ vene di ‘fuer’ usatu in ‘à nul fuer’ =à nizun prezzu
Adopratu à u 16emu seculu in u sensu di valore, prezzu…MISURA, si perdia pianu pianu è l’anu incalcatu cù ‘misura’ fendu cusi un bellu ‘pleonasma’ tale :bellu è bonu, o francu è sanu
u Talianu dice ‘mano mano’, u Spagnolu ‘à medita che’ è l’Inglese ‘as and vhen’

Averemu cusi pocu sale ?.. per fà ‘via via’ fughje a lingua di u Nustrale ? ?

Back to top
Lùlù


Offline

Joined: 17 Oct 2012
Posts: 261
parlatu: castagniccia
masciu o femina?: Masculin
rughjone: Ghisonaccia

PostPosted: Sun 13 Dec 2015, 23:53   Reply with quote

ECCU ! u Populu s’hè avvistu à tempu ch’ellu avia u scontru cù a storia !
à parte d’oghje hè TUTTA TEPPA !
mi dispiace per i mo amici Teò Defendini è Jò antonini (Jò couteaux) chi ùn hanu pussutu campà appena di più per vede què ! ùn hanu mantenutu a strada per nunda

Per ch’ell’ùn sià l’ultima zerpittata, ora prò hè di fà valè u nostru sapè fà !
Ferma sempre à bastanza sale… in zucca di u Populu

Back to top
Lùlù


Offline

Joined: 17 Oct 2012
Posts: 261
parlatu: castagniccia
masciu o femina?: Masculin
rughjone: Ghisonaccia

PostPosted: Fri 1 Jan 2016, 08:35   Reply with quote

U 13 di dicembre 2015 hà fattu china per Natale è Capu d'annu è firmerà per Avvene

Ci vole pò a saluta à quella Culomba à què i tempi !

Saluta è S A L U TA ò zitelli ! chi pace …ùn ne volenu

è Sale per tene ...Capu à Segnu !

Back to top
Contenu Sponsorisé






PostPosted: Today at 14:39  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> a vità ,l'arti , a pratica spurtiva... -> vita e robba di prima All times are GMT + 2 Hours
Page 1 of 1

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky