Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest


per luttà contru a maffia:
https://massimususini.corsica/

____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Fabianu FLORI
Goto page: <  1, 2, 3, 4
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> fole , conti , sturiette, risate
Previous topic :: Next topic  
Author Message
Luigi Giacomoni


Offline

Joined: 26 Jan 2013
Posts: 558
parlatu: Rutali
masciu o femina?: Masculin
rughjone: Nebbiu

PostPosted: Sat 8 Jul 2017, 14:56   Reply with quote


Carugnetu



Spinella



u casgile di a Spinella



Biccarellu



u Valdu



SCUPERTA DI I PIAZZILI À LU FIANCU DI U MONTE CINTU

Per quelli chì volenu cappià e calmane di e piaghje, vi prupongu una piccula spassighjata nant’à a sulana di Lozzi, à lu fiancu di u Monte Cintu, trà 1300 è 1700 m d’altitutine, à a scuperta di i stazzi scunnisciuti di u Valdu, di i Bagnoli, di a Spinella, di u Carugnetu, di Petra Tileri, di Biccarellu, di Sesta è di Petra Pinzuta. Sè Petra Pinzata, Sesta, Biccarellu o a Spinella sò sempre friquentati da qualchì capraghju, l’astri anu suffertu di l’abbandonu ma stuzzicanu l’imaginariu. Scuprerete e vistiche numerose d’una civilizazione pasturale sminticata, quella di i pastori di l’Acquale è di Lozzi, chì cuntava guasi 90 bande di capre è di pecure à l’entre di l’annate quaranta, una civilizazione chì punia u granu è u linu sin’à 1600 m d’altitutine.

Nant’à a cumuna di Lozzi, Rasintate u ghjargalu di u Forcu Ariu per 250 m, ghjunti à un castagnetu, attipperete à manu manca per 400 m. U piazzile di u Valdu (alt. 1260 m) si trova nant’à una spalla, si vede da luntanu cù a so ciuffa di carogni. A vista nant’à e Spiche di Forcu Ariu è a sarra di Monte Cintu hè splendida. U stazzu hè assai anzianu, u locu era cultivatu, u mio babbu mi dicia ch’ell’era un linare (u museu Francescu Flori di Lozzi pussede u solu tilaghju cumpletu di Corsica).

Cuntinuate a vostra spassighjata à vista d’ochju (nisunu chjassu) cù u Capu Vardatu (alt. 2583 m) in puntu di mira. Ghjunti à u ghjargalu di a Cappiaghja, seguitate l’acqua sin’à l’altitutine di 1500 m. Scuprerete u piazzile di a Spinella, occupatu da pocu da dui capraghji, Mathieu è Jean-Baptiste Susini, chì u rimettenu in statu. Unu di i casgili hè magnificu, si trova sott’à un petronculu, appena di più in bassu.

Da cullandi di u ghjargalu di a Cappiaghja, u chjassu passa à paru à lu fiancu di a sarra. Si vedenu e vistiche di i Bagnoli cù e so lenze è i so pagliaghji numerosi, u locu era postu à granu, a tarra hè ricca, à più di 1500 m d’altitutine, si scopre un’aghja, forse a più alta di Corsica. Cuntinuate sin’à u ghjargalu d’Alzi Mozzu è a so funtana (alt. 1700 m), un chjarasgione attira i sguardi, l’arburu ch’ùn frutta mai, signala u stazzu di u Carugnetu (alt. 1500 m). U tettu si n’hè falatu in u 2002 ma i piatti, a caffittera è e ramine sò sempre ind’è l’incritte o annant’à e scancie*. U tempu s’hè arristatu, u locu hè statu ammansatu da l’omu, l’acqua ci corre in abbundanza, una maraviglia.

U chjassu serpighjeghja avane à mezu à e filette, franca u ghjargalu di Pulella nanzu di sbuccà à u piazzile di Biccarellu (alt. 1500 m) chjinatu in a so valle arbosa à lu pede di u Monte Cintu. Dui capraghji luzzinchi, Jean è Casimir Simeoni (di Chjumi in Falasorma), uccupanu u locu.
Sè vo cuntinuate, ghjungnerete à u rifugiu di l’Ercu (alt. 1670 m). U chjassu vi cunducerà à u spendidu piazzile di Sesta (alt. 1600 m, uccupatu da Guillaume Acquaviva) è à quellu di Petra Pinzuta (alt. 1600 m, uccupatu da Fortuné Savelli). I stazzi di Sesta è di Petra Pinzuta sò di più cunnisciuti, una pista ci passa vicinu. Eccu… di falata, aghju vistu duie pesce in u fiume d’Ercu, a prussima volta riculleraghju cù a mio piscaghjola.

Fabianu/Fabien FLORI

* Scancie o scancerie

Back to top
Publicité






PostPosted: Sat 8 Jul 2017, 14:56  

PublicitéSupprimer les publicités ?

Back to top
estrimei
Mezanu

Offline

Joined: 07 Jun 2012
Posts: 1,924
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sun 9 Jul 2017, 18:29   Reply with quote

ci ne serà frescu quassù ? qui à toccu di 900m si spadansceghja di nott'e di ghjornu . Embarassed o chi piecè
aete scrittu i Bagnoli, senza esse sicuru e senza prutenssione mi pare chi u I ùn si sente ? chi ne pensate di Bagnioli
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Luigi Giacomoni


Offline

Joined: 26 Jan 2013
Posts: 558
parlatu: Rutali
masciu o femina?: Masculin
rughjone: Nebbiu

PostPosted: Sat 23 Dec 2017, 16:58   Reply with quote

Eccu una sturietta nant'à l'artistu corsu Julien de Casabianca. Illustrazione: a prima riprisenta u travagliu di Julien è a siconda u dipintu chì hà inspiratu u so travagliu.


Julien de Casabianca, NUART, Aberdeen, 2017


Jules Bastien-Lepage, Going to School, 1882 (Museum of Art, Aberdeen)


I zitelli sminticati d’Aberdeen

Julien pruminava u so sguardu maliziosu nant’à e facciate di granitu grisgiu di a piazza centrale d’Arberdeen. Era unu di i sette artisti di « street art », selezziunati frà i più talentosi di a so generazione, chì u « Nuart » d’Arberdeen avia invitatu. U « Nuart » era cum’è a Mecca di i streetartisti, ghjera una cunsacrazione d’esse quì, u segnu di a ricunniscenza d’un talentu instintivu raru è ammaistratu. A municipalità d’Aberdeen avia attribuitu un muru nudu à ogni artistu chì a libertà era tutale da rializà un’opara uriginale è persunale. A tecnica di Julien era sempre a listessa, analizava e cullizzione d’un museu di a cità ospite nanzu di selezziunà un ditagliu nant’à un dipintu, un’alleguria, un visu, un persunaghju anonimu. Ripigliava ‘ssu ditagliu di qualchì centimetru, u trasfurmava da fanne un’opara for di misura, di dece, vinti o trenta metri, nant’à una facciata urbana senz’anima, dendu a pussibilità à ognunu di scopre appena di e ricchezze piatte in e sale scure di i musei, tucchendu i cori i più aridi. U merre d’Aberdeen avia cunsentitu à Julien un muru lucalizatu in una stretta senza sboccu, una stretta ceca o piuttostu guarcia, una stretta chì partia da a piazza centrale, una stretta traversata da duie verghe, dui ponti sinistri, chì i muri sarebbenu u spaziu d’espressione di Julien. À mezu à e millaie d’opare di u museu d’arte d’Aberdeen, Julien scelse un dipintu di Jules Bastien-Lepage, un elevu di Gustave Courbet, un maestru di a scola rialista francese di l’ottucentu. Stu dipintu riprisentava una zitella nant’à a strada di a scola, una zitella sola in un paisolu agrunchjatu da u freddu, una zitella cuparta da un velu chì u visu angelicu, alluminatu da un ragiu di luce, sottulineava u benefiziu suciale di l’educazione in ‘ssi tempi scuri. Julien ùn pobbe spiegà a so scelta, u so sguardu s’era postu nant’à ‘ssu visu è li parse d’esse l’evidenza, cacciarebbe ‘ssu visu di a sminticanza, risusciterebbe u so candore da e tenebre, ùn era più un’opara ch’ellu sciglìa, era un’anima chì u chjamava, si sintia attrattu da una manu invisibile è irrisistibile. Si messe à travaglià è à u capu di qualchì ghjornu rimarcò una donna di un’età indefinita chì stava à vardallu, muta è misteriosa, u sguardu intintu di cumpassione. U visu di a zitella era avane guasi compiu è Julien falò da a scala meccanica chì li permittia d’alzassi à l’altura di a verga. A donna s’avvicinò è li disse, « avete sceltu bè ». Julien ùn capì micca subitu u sensu di ‘sse parolle è a donna li spiegò chì à l’entre di l’ottucentu, centinaie di zitelli funu suttratti à e so famiglie, incarcerati quì, in ‘ssa stretta guarcia, maltrattati, ridotti à a schiavitù, nanzu d’esse mandati in America. In Aberdeen, quand’e vo’ passate per ‘ssa stretta, si dice ch’ellu si sente spessu un currente d’aria calda in a palma di a vostra manu, ghjè un zitellu chì vi tene appellamanu, un zitellu chì cerca aiutu è affettu. Daveru, Julien avia sceltu bè, senza sapella avia datu un visu à ‘ssi fantasmi zitellini ciumbati in u scordu.

Fabianu Flori

NB : si pò ritruvà stu scrittu in u so blog : http://fabienflori.over-blog.com/

Back to top
Di Sfughjita


Offline

Joined: 14 Jan 2013
Posts: 537
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Thu 28 Dec 2017, 09:32   Reply with quote

Bellissimu impegnu di questu u merre di quella cità è bravu - sciacchitteghju ancu à dui mani - à l'artistu chì cunnisciutasi a storia di quella stretta scartata è guarcia chì li fù assignata si sente omu ancu di più toccu è cummossu. Grazie o Luì d'avecci fattu cunnosce st'opera di carrughju. Okay

Una dumanda :

- ABERDEEN duve si trova issa cità ? In Ollanda forse ?
_________________
À chì hà Tempu, ùn aspetti Tempu

Back to top
Luigi Giacomoni


Offline

Joined: 26 Jan 2013
Posts: 558
parlatu: Rutali
masciu o femina?: Masculin
rughjone: Nebbiu

PostPosted: Thu 28 Dec 2017, 10:50   Reply with quote

in Scozia
Back to top
estrimei
Mezanu

Offline

Joined: 07 Jun 2012
Posts: 1,924
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Fri 29 Dec 2017, 08:46   Reply with quote

Di Sfughjita wrote:


Una dumanda :

- ABERDEEN duve si trova issa cità ? In Ollanda forse ?


o Disfughjì, un cuniscite u whisky ? Very Happy Very Happy Very Happy Very Happy Very Happy Very Happy Very Happy Very Happy


bone feste à tutti!
o chi piecè o chi piecè o chi piecè
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Di Sfughjita


Offline

Joined: 14 Jan 2013
Posts: 537
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Fri 29 Dec 2017, 10:33   Reply with quote

Embarassed Avà ch'o sò duv'ella hè quella cità furtunata, tuccheraghju un bichjeru à a Salute di Tutte è di Tutti lampatu ch'Ellu averà 2017 u s'ultimu fiatu.. Mr. Green Okay
_________________
À chì hà Tempu, ùn aspetti Tempu

Back to top
Luigi Giacomoni


Offline

Joined: 26 Jan 2013
Posts: 558
parlatu: Rutali
masciu o femina?: Masculin
rughjone: Nebbiu

PostPosted: Mon 2 Jul 2018, 18:54   Reply with quote

U nostru Fabianu cuntinueghja i so viaghji per st’Europa o Mediterraniu.
Stu racontu d’attualità hè attempu storicu è cummuvente.


Alivu

Esodiu

Amina aprì l'ochju mancu mentre chì i cigli di l'astru firmavanu incullati da u sale. Bench'ella fussi intimurita da a prisenza di 'ss'omi in tinuta militare, a giuvanotta fù ricattata di vede à u so fratellucciu vicinu à ella, pusatu nant'à a rena, ruzzichendu u pezzacciu di pane chì u guardiacoste li avia datu. L'avianu fatta, bugie u mercante turcu ùn avia contu, a zattara di plasticu avia tinutu u colpu, da culandi avà eranu, micca in tarra ferma ma nant'à una isula greca di u Mare Egeu, un scogliu seccu è bagnatu di sole sminticatu da Diu. Ùn avia nulla di a Tarra Prumessa st'isulottu tintu è corciu chì vardava a Turchia da sempre ma Amina è i soi caminavanu avane nant'à un pezzu d'Europa.
Scuru diventò u sguardu d'Amina quand'ella vidì à i so genitori atturniati da un gruppu d'omi in tinuta cacchì. U maritu strignia a moglia impaurita mentre chì u sceffu di u gruppu ùn la facia à cumunicà cùn elli in inglese. U sole pichjava nant'à u tupezzu di u militare chjocchipilatu, u sudore pirlava nant'à a so fronte, era stancu, li scappava a pazienza, si dumandava ciò ch'ellu avia fattu à u Signore per finisce nant'à st'isula maladetta à arrigistrà 'sse reghje di disgraziati. Anc'assai, questi quì eranu vivi, ne avia trovu tanti nant'à a piaghja, gonfii è sculuriti, l'ochji magnati da i granci o l'acelli, naufragati d'una brutta guerra, una strage vulsuta è cuncipita da unepochi di putenti imprigiunati da e so certezze.
"Bampà, Mamà", Amina corse ver di i genitori acciucciulati nant'à a rena. À l'iniziu, nimu ùn s'era arvistu chì a zitella avia interpellatu à i parenti in grecu ma quandu u babbu li rispose, Andreas ricunniscì subitu u dialettu ch'elli parlanu sempre i vechji di u so paese in Creta. "Sò Cretesi !", disse Andreas, una cria cummossu, mentre chì u sceffu si grattava u tupezzu, un suppulellu scuncertatu dumandendusi s'ella era pussibule. Amina era difatti l'erede di 'sse pupulazione musulmane di Creta chì funu dipurtate dopu à u trattatu di Lusanna in u 1923. Sti disgraziati s'eranu stallati nant'à e teppe di u Monte Qasiyun chì supraneghja Damascu in Siria, dendu u so nome à u quartieru di Muhâjirîn, litteralmente i rifugiati.
Parlavanu listessa lingua è i militari grechi si sintinu subitu più vicini à 'ssa ghjente, una cumpassione nova nascì, una spezia di cumpassione fatta di sulidarità ver di una famiglia guasi paisana. Amina è i soi ùn eranu più rifugiati ma naufragati, a sfumatura era significativa, ùn si trattava più di fristeri. Tamanta irunia, l'antenati scacciati da Creta un seculu fà per via di a so riligione avianu trasmessu un idioma chì era diventatu u passaportu per a salvezza.

Fabianu Flori

Back to top
Contenu Sponsorisé






PostPosted: Today at 01:10  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> fole , conti , sturiette, risate All times are GMT + 2 Hours
Goto page: <  1, 2, 3, 4
Page 4 of 4

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky