Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Ghjuvan' Carlu CASTELLI
Goto page: <  1, 2, 3, … 32, 33, 34  >
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà
Previous topic :: Next topic  
Author Message
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Fri 1 Feb 2013, 19:08   Reply with quote

"A QUISTIONE"

Venite è vi nè ringraziu di ponemi una quistione
Risponderia senza laziu s'ella era ind'altre occasione
Mà qui ci mettu primura mi tocc'a u piu altu puntu
Sò anni avà ch'ella dura, e sò felice, di esse aghjuntu

Ghjeramu in duimilenòve un stalbatu di cabretta
Un pensava fàne pròve mà, Bertulumèa l'hà letta
Cunniscimu u so talentu, hè piaciuta à l'auditori!
D'issu fattu ùn mi pentu, di ùn n'ave salvu i mo fiori

Lettera vole risposta, sinu à cherel'à u capraghju
Avà sò quant'ella costa di stuzicà un vespaghju !
'Ssà risposta l'hanu avuta è, quale l'avessi detta
Scritta, mancu esse criduta da l'unghjola di bichetta

Mi cridia malignotto, anch'eiu cum'è ci n'hè tanti
Indu bullore m'hanu cottu, è 'nghjuttitu capu avanti
Oghjè cum'ellu si dice "i scontri facenu a lèa"
Passu e stonde felice chi, l'amicizia e ci crèa

Emissione culturale cu detti, puesie, canzone
Di manera uricinale 'nsegna, u parlà di babbone
Tutte e parulle ritrove sò lampata a suminera
'Stà fede purtarà prove, di cio chi oghjè u corsu spera

Testimoni qui presenti pè ùn soffre d'alcun' difettu
Siamu cum'è i musichenti, ind'unu accordu perfèttu
Solu u seriu pagherà difendimu u nostru acquistu
E u corsu risorgerà cum'è u mondu ùn l'hà maì vistu

Ghjuvan Carlu CASTELLI
i Fulelli u 24 di Ghjennaghju 2013 (N°384)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Publicité






PostPosted: Fri 1 Feb 2013, 19:08  

PublicitéSupprimer les publicités ?

Back to top
fringhellu


Offline

Joined: 10 Jan 2013
Posts: 275
parlatu: cismonte
masciu o femina?: Masculin
età: 72
rughjone: Nebbiu

PostPosted: Fri 1 Feb 2013, 20:29   Reply with quote

L’amicu Ghjuvan Carlu mi face pensà à un fiume carriendu millaie di fiure di ropa nostra. Un fiume serenu, pacificu, sicuru di a so forza è di a so fede. Mi piaceria ch’ellu sia messa sottu quì sta puesiola fatta per ellu qualchì mese fà …


Ùn la vidite ss'onda chjara
chì corre linda trà e cote
ch'ell'alliscia è accarezza
cù a so mana di bunezza
sgracinendu e mille note
d'una natura tantu cara !

Ùn lu sentite u so cantu
cù u so versu muntagnolu
chì vi tocca à u prufondu
cusì bellu hè u so mondu
ancu puru stuzzicaghjolu
per quella chì li hè accantu !

Ùn la sapete di quale parlu
Innò ? Parlu di Ghjuvan...parlu

fringhellu

Back to top
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Mon 4 Feb 2013, 11:03   Reply with quote

estrimei wrote:
"A QUISTIONE"

Venite è vi nè ringraziu di ponemi una quistione
Risponderia senza laziu s'ella era ind'altre occasione
Mà qui ci mettu primura mi tocc'a u piu altu puntu
Sò anni avà ch'ella dura, e sò felice, di esse aghjuntu

Ghjeramu in duimilenòve un stalbatu di cabretta
Un pensava fàne pròve mà, Bertulumèa l'hà letta
Cunniscimu u so talentu, hè piaciuta à l'auditori!
D'issu fattu ùn mi pentu, di ùn n'ave salvu i mo fiori

Lettera vole risposta, sinu à cherel'à u capraghju
Avà sò quant'ella costa di stuzicà un vespaghju !
'Ssà risposta l'hanu avuta è, quale l'avessi detta
Scritta, mancu esse criduta da l'unghjola di bichetta

Mi cridia malignotto, anch'eiu cum'è ci n'hè tanti
Indu bullore m'hanu cottu, è 'nghjuttitu capu avanti
Oghjè cum'ellu si dice "i scontri facenu a lèa"
Passu e stonde felice chi, l'amicizia e ci crèa

Emissione culturale cu detti, puesie, canzone
Di manera uricinale 'nsegna, u parlà di babbone
Tutte e parulle ritrove sò lampata a suminera
'Stà fede purtarà prove, di cio chi oghjè u corsu spera

Testimoni qui presenti pè ùn soffre d'alcun' difettu
Siamu cum'è i musichenti, ind'unu accordu perfèttu
Solu u seriu pagherà difendimu u nostru acquistu
E u corsu risorgerà cum'è u mondu ùn l'hà maì vistu

Ghjuvan Carlu CASTELLI
i Fulelli u 24 di Ghjennaghju 2013 (N°384)




Serebbe pussìbule di sapenne di più nantu à 'ssu 'stalbatu di cabretta' chì pare avè mossu "A quistione" ?
A dilla franca ùn capiscu bè l'affare !  Sad
_________________
À chì hà Tempu, ùn aspetti Tempu

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Mon 4 Feb 2013, 12:27   Reply with quote

ancu s'ellu s'affacca a l'assentuta , Ghjuvan' Carlu , ùn hè ancu decisu a participà .
per amicizia , di tantu in tantu , mi manda duie puesie ;
forse chi sta dumanda li derà a voglia ! Okay
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Mon 4 Feb 2013, 18:32   Reply with quote

Spergu anch'eo ch'ellu si deciderà à participà ! 


"À l'assentuta" : quessa  l'espressione ùn a cunnoscìa mancu stampa, ma avà ch'o a cunnoscu pruveraghju à tènemila à mente.  Okay
_________________
À chì hà Tempu, ùn aspetti Tempu

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Mon 4 Feb 2013, 19:28   Reply with quote

puru , puru ! ghjovu anc'eu! Very Happy Embarassed
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Thu 7 Mar 2013, 08:52   Reply with quote

             U SAPE
                    
Si sà chi ùn sapè, ghjè male
Sapène di troppu, hè pèghju !
S'èo sentu un gustu di sale
Quandu chi un scrittu mi lèghju
Ci portu a mo attenzione
E nè ritengu a lezzione

Quandu è parulle sapiente
Ballanu una farandola
U sugettu m'accunsente
Per mè ghjè a piu bella scola
Capu nanzu mi ci lampu
Ci trovu u meiu è mi campu

Mà pettu à u troppu sapè
Cum'è quandu era zitellu
U dupitu corre in mè
E mi macucca u cerbellu
Poì, capu à u riposu pensu
"Qui, ognun' parla à so sensu"!

Sentu e parulle nuvelle
 Povare è pocu invigliose
 Pò tante antiche chi elle
 Sò di più chè dupitose
D'altre, à dumandassi cùme
 Si sò intinte di francisume

S'elli sò pruverbi o detti
Quale, ùn n'hà colmu u so saccu ?
Dà tantu letti è riletti
I ci frustemu per baccu !
Certi vanu zuppiconi
Per pedi hànu i muzziconi


Dà i stalbatoghji à vene
Sturiette ingalluchjite
Prumesse chi ùn ponu tene
Dà zucche viote o merzite
U corsu pò vugà in tondu
Sinu à chi u mondu hè mondu
 
Gira a sfiera è merca l'ora
Gira, gira è mai si 'stanca
Vuleria cupialla! fora
 Chi a vulintà mi manca 
Quale perde più latinu
  Pè runccate à sumerinu ?
                                            
              Ghjuvan Carlu CASTELLI
          i Fulelli u 05 Marzu 2013 (N°393)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda



Last edited by estrimei on Thu 7 Mar 2013, 12:01; edited 1 time in total
Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Thu 7 Mar 2013, 08:59   Reply with quote

 
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Thu 7 Mar 2013, 11:46   Reply with quote

A pudete ancu stà à sente detta da Ghjuvan Carlu ellu stessu quì sottu :


http://www.francebleu.fr/langue-regionale/dite-vostra/dite-vostra-25


à a 8:00' minuta di u principiu di l'emissione à pocu pressu  Okay
_________________
À chì hà Tempu, ùn aspetti Tempu

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Thu 7 Mar 2013, 12:00   Reply with quote

hè capita ch'ell'hè un piecè à stà a sente a Ghjuvan' Carlu , ma , a mè , mi pare chi sta puesie  si mérita d'esse letta ... e pò riletta....
 .......Poì,  (dopu) capu à u riposu pensu .............
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Thu 7 Mar 2013, 12:17   Reply with quote

Si pò ancu gode di e duie manere, si pò. Un hè  Question  
_________________
À chì hà Tempu, ùn aspetti Tempu

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 27 Jul 2013, 12:00   Reply with quote

                     RAMENTATI
                                 
Saria ora o"Francè"di ramintassi e prumesse
Di quandu t'era aspirente à l'altu postu chi t'ai
Tandu di pedi è di mane, avia l'arte di fà carezze
Di e prumesse maì tinute, sò e rinfiate chi tù daì!

Teni in mente! l'omi corsi ùn si leganu pè un cornu!
Datu una parulla bàsta, chi dàtula ùn si cancella
Si tù rinneghi u to dettu, pè ribombu à u to tornu
Nè sarai ringraziatu di una manera, mà, di quella!

Pè ghjunghjè a l'appullatoghju, chi a to scala hà tenutu
S'era pigliatu à sperà pensava:"à una carta sicura"
Di tante prumissione, tuttu ciò che no' avimu avutu
Sò, porta senza merchjone, è torci nasi strà natura

Rinnegati ingagiamenti, per lingue minoritarie
Cernobile" ind'un missoghju*, ai fallitu* à u duvere
Arraffi* indù e successione pè nucenze vuluntarie
Intrecci è allonghi a fùna, è quì, sempre à sicutere!

U termometru 'ndùve noì, colla colla ùn pianta maì!
Di e pupularità, fala è trafala ogni ghjornu
A chi bùrla, face à sè! ti sinda 'stù dettu ormaì
Si tu vole còce u pane, pensa almenu à scaldà u fornu!

Ghjudiziu*, vurria ghjustizia, apri l'ochju è metti a manu
Assai acqua è pocu vinu ùn pò fà male à nisunu
A 'sti "sùcchja calamari", dilali s'elli ùn nu à sanu
Chi l'onore di a pupulaglia, vale quellu di tutt'ognunu

A zozzu à più d'ottant'anni ùn pensu esse imbambulitu
O quante chi n'aghju vistu alzate è ciuttate di sole
Per tè più passanu i ghjorni più mi pari imbasgialitu
 Ghjè un'arte timunieru!.. o"Francè"!..què, ùn sò fole !
                                      &
                  Ghjuvan Carlu CASTELLI
         i Fulelli u 10 di Lugliu 2013 (N°426)

Missoghju* =tavone dùve l'animale fala è ùn pò più ricullà
Fallitu*   =Mancatu
Arraffià*  =piglià guasi à arrubbera
Ghjudiziu*  ="Ghjudicamentu"  es:rende un ghjudiziu
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda



Last edited by estrimei on Sat 27 Jul 2013, 17:23; edited 1 time in total
Back to top
Visit poster’s website
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Sat 27 Jul 2013, 13:56   Reply with quote

« U più bellu ghjornu di a so vita !» dicia ellu per salutà l’intervenzione francese in u Mali mentre chì in Francia i deputati di manca vutavanu l’articulu 1 in favore di u « matrimoniu » di dui omi o duie donne.
Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:02   Reply with quote

                     PAGLIACCIU

Sò affacati prima i pedi da sottu à quellu tendone
Longhji piu di quatru palmi, punti pinzzi cum'è spade
Camisgia culor' veranu cu e maniche imbuffate
E, tracolle tribulate  pè tene u so pantalone

Da sottu à un capellacciu, surtia ciùffe di capelli
Faccia imbernasgiata bianca, nasu rossu è bocca nera
Si hà pigliàtu un'aria trista, trista  maliziosa hè vera
E  cu vistacce nucente, ci hà fattu à tutti zitelli

Un dicia tante cosi ma, 'ssù pocu chi dicia
facia ride di còre, scriampi è ghjente matura
Passivu, alegru, o afflittu, li sindia ogni statura  
Ci era una lucenda di geniu per tuttu cio chi facia

Dopu, ave fattu ride da fà sbilligassi e scimie
Tantu incu i so silenzii chè cu cacciate sapiente
Dà di manu à una trumpetta, pè purtacci cun talente
Nantu a strada di "Gelsomina" ver di e so piu alte cime

S'hè fermatu u tempu appesu, per una stonda suttile
Si sà, ch'in pettu à i pagliacci batte un core generosu
Escia d'issa trumpetta un sonu tantu pietosu
Chi, latu à mè una donna, pienghjia indu so mandile

Ci vole à esse pagliacci pè sapè soffre è fà ride
Pensemu, un'omu felice! ellu, di scarafagliu mòre
Coglie indu nostru piacè quandu s'atturcina u còre
Qualchi lagrima di gioia, pè guarisce e so ferite
                                     
                   Ghjuvan Carlu CASTELLI
            i Fulelli u 19 Ghjugnu 2012 (N° 320)







 







 
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:04   Reply with quote

                               BARUFFA

  A donna                      
Chi averaghju fattu a Cristu, per esse cusi dannata
Peghju à tè ùn s'hè maì vistu è, più tenemi zita vogliu
Nasu ciottu 'ndu vichjèru, a lingua l'aì sempre à mogliu
Un ti dà mancu penseru 'ssà faccia rossa incciabata

U maritu                         
S'èiu l'aghju rossa incciabata, l'ai negra pari a strega
Vaì è datti una pettinata, 'ssi cerli, mancu i bavochji!*
Cacci fiaccule per bocca, peghju chè pistole s'ochji
Sarà salvu! chi ùn ti tocca! è sfughjèti, ogn'unu prega

a dona.                                   &
Poi puru parlà di mè, tù, pensi esse abbracciatoghju ?
Saranu morte perchè 'sse mosche annant'à u tavulinu ?
Sarà per cacciati u coghju, u toiu u petinatoghju!
Si di l'acqua n'ai l'odiu, dà chi ùn ti lavi incu vinu ?

u maritu                                
Sentu o lingua di serpente, tù, mi voli veste di novu
Ghjè custi ch'ella ti sente, quandu mi sciacc'un vichjeru
Per mè attempu falatu, supitu megliu mi trovu
Mà tù, fami perde u capu, ghjè u to scopu, u to penseru

a donna                
 Gattivezza ùn trova piazza, in capu ci aghju u cerbellu
Mà u toiu, chi ci hè a razza, si bagna dentru a vinaccia
Babbitu paria in *accordu, sempre incu a buttigliaccia
E tantu chi mi ricordu sughjia paria un vitellu

u maritu                            
A babbu ùn n'u cercà! ghjè in campu santu è riposa
Eiu, u megliu chi aghju à fà, ghjè vultamine in cantina
Cu tè ùn si pò discore, so stessi facciu a mo ruina
Saria oghjè, pudia corre ch'eiu ti pigliessi pè sposa !



Donna                         &
Ritorna puru in cantina, lampati ancu indu tinazzu!
Finit'a vita misquina duve ci vulia à 'stà  mute
Oghjè à l'omu supranitu preghemu pace è salute
Sbuvà, invinatu un maritu, faria un bellu sbarazzu!...
                                   

                 GhjuvanCarlu CASTELLI
     i Fulelli u 24 di Ferraghju 2013 (N°392)


        *bafochju o* bavochju= "épouvantail "
        *in accordu o* à stagliu= "à la tache "
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Contenu Sponsorisé






PostPosted: Today at 15:29  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà All times are GMT + 2 Hours
Goto page: <  1, 2, 3, … 32, 33, 34  >
Page 2 of 34

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky