Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Ghjuvan' Carlu CASTELLI
Goto page: <  1, 2, 3, 432, 33, 34  >
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà
Previous topic :: Next topic  
Author Message
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:14   Reply with quote

                        ANCU ASSAI
                                   
Ci fù pàra piglia è teni, tempu vistu  'ssù pachettu
Secondu d'indùve tu veni, si un santu o un suspettu
Mà, 'ssà sottu prefettura, hà caponi cumpetenti
Sanu prevede a sciaura, sò struitoni è attenti !

Pachettu à testa di moru, speditu dà.... una vindittera ?
Casu à fàlli ghjunghjè u sforu di tantu dubitu ci era
Draguignan cherse u succorsu di eminenti artifizieri
U suspèttu essendu corsu, ghjè dà mettevi in penseri !

C'un periculu tamantu, ancu a minutella conta
Un s'hè aspèttà tantu, quellu, chi a morte affronta
Cù so calmu abituale, è ùn vulendu spaventà !
Disse:" u dubitu hè tale, megliu, saria fàllu saltà!

Prima i centu funziunarii, si sò salvi incu l'onori
Sempre fieri è vuluntarii sò scappati à corri corri
Poi a ghjente di u quartieru, ordine di stanghittassi
Chi u casale tuttu intieru, anch'ellu ùn si nè falassi

Duie ore dopu meziornu, ùn s'attempa, si decide !
Quellu presente à l'intornu ùn tenia laziu à ride
U nostru omu maneratu ancu di più chè curagiosu
Cu i so ernesi hà fracellatu, l'oggettu periculosu

Figatellu, cunfitura, ci era di chè fà merenda
Senza farina, sicura! bomba, mancu di pulenda!
Senza pulenda si sà, bomba di chè? à u fondu
Chi ci era neutralizà? o mondu! si d'istù mondu ?
         Ghjuvan Carlu CASTELLI
 i Fulelli u 16 Marzu 2013  (N°399)






(U  sottu prefèttu di Draguignan hà datu ordine
di fà saltà un pachettu pustale chi venia di Corsica
ùn si sà maì ch'ella ùn fussi cunfitura di melingrane
è figatelli sumerini)
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Publicité






PostPosted: Tue 6 Aug 2013, 07:14  

PublicitéSupprimer les publicités ?

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:16   Reply with quote

                             SUSPIRI
                                   
Per u tempu chi mi ferma cio chi ùn videraghju maì
L'omu chi a Francia guverna, piglii primura di noì
E prumesse eletturale avanzanu à passu di boì
Schisanu, u bè pè u male, è ci crescenu i guaì

E chjàme di l'alti eletti, sò misere è pocu intèse
Aì l'asgiu si tu aspetti una mòssa di qualcosa
Si ti vulessi fà sente, sò scapòchji à l'arritrosa
Da quellu, in postu, presente pè i voti ò e fin' di mèse!

L'accordi "Miot" rinnegati, volta facce traditori
Di ghjente oghje bè 'stallati chi noi sustenimu sempre
Di dirittu ci rivene! mà, chi hà più ochji chè ventre
Un ci assicura à l'avvene, chè divizia d'amarori

A nostra lingua materna, ùn n'hè nàta à bona lùna
In bocca u stàtu a c'imperna, tème e regione ghjalose!
A ciuccia pò tene ormai, e sò fasciole cacagliose
Corciu si tù ùn nù a sai, più stinzi, piu allonga a fùna!

"MARIANNA"à e prumesse, micca sempre face onore!
L'omu corsu hà compiu d'esse, attempu à e so baiunette
 Largi, à empie l'arsanali, pagalli sò messe dette
E l'eredi, per avali, coglie u frùttu, ponu corre !

Nanzu di passà a mana vuleria in fine vède
Dà u meziornu à tramuntana un rimorsu di a ghjustizia
Smarisce u squincu di a cinta, vultà pace è amicizia
Mà, micca amicizia finta, quella vèra ! devu crede ???
                 Ghjuvan Carlu CASTELLI
        i Fulelli u 29 di Marzu 2013 (N°401)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:18   Reply with quote

S**            L'ORTU DI E TO BRAME
                                      
Spassieghju silenziosu in l'ortu di e to brame
Per gode un pocu di riposu è cogliene i so sintori
Bè tracciate sò e stradelle, di seta parenu i fiori
Un si nè trova piu belli tantu sò fine e so trame

Mezu à istu silenziu sentu, chjuchjula e cardelline
Dà chi un sùppulu di ventu mi scarta i ghjambulelli
 Vegu u nidu dùve hè natu quatru o cinque spugliatelli
Marturiati ind'u passatu dà e svampe zitelline

Nantu à u mùru d'accìnta, nasce l'erba benedetta
U saltu pè ùn fà l'avvinta, parlu à i bugiartuloni
Francu scalzu u guaglinu chi corre mezu à i pentoni  
Mentre, u vechju mulinu macina a so canzunetta

 Ci hè i frutti à spurtellate cum'à u tempu di babbone
 Curiosu ascòltu e cacciate di a ghjandaghja teatrina,
 Duve i cunigliuli à l'uscuru, ballanu a manfarina
Un n'hè un sognu, sò sicuru, sentu a rùncata  di Pappone! 

Vòltu à l'entre di u callàghju, pettu à mè una casetta
Qui, duve era un sebalaghju a mandria nova hè nata
A u palu à sei furconi, a culaghjola appiccata
Cu a tinella, dui stagnoni è, una vechia beretta

 Mi rinfrescu à la surgente chi tìra à cannone pienu
 Scàlda u core è m'acunsente quandu a mana benedetta   
 Vene è diràsca a lamaghja, sgradeca raze è filetta  
 Perchi l'omu volti à l'aghja è spuli granu à u serenu
                                                                                                  
       Ghjuvan Carlu CASTELLI  à l'amicu Ghjuvan Battistu  GIACOMONI
    Pè u so librettu  L'ortu di è mo brame    chi aghju lettu cu tamantu piacè                 
                                   I Fulelli u 30 di Lugliu  2011  (N°251)
                              

                                 
                                 
                                 

 
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:19   Reply with quote

s l'amicu Ghjuvan Battistu  GIACOMONI ,s'ellu  leghje sti filari eviva , ch'ellu sie ringraziatu per a so manera di amparacci a lingua e a puesia . bravune bravune bravune

l'ORTU DI E MO BRAME
http://www.albiana.fr/Rumanzi-e-nuvelli/Lortu-di-e-mo-brame.html

per quelli chi volenu cumprà u libru eletrònicu:
http://www.youscribe.com/catalogue/livres/litterature/romans-et-nouvelles/o…


_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:20   Reply with quote

Luigi Giacomoni wrote:

Felicitazione à Ghjuvan Carlu per sta bellissima puesia chì ci face bramà i tempi di a nostra giuventù. In quant’à l’Ortu di e mo brame, 'ssu rumanzu ne vale propiu a pena di leghjelu. Ghjuvan Battistu hè forte in prosa quant’è in puesia.



_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:23   Reply with quote

                      PARULLE DI TROPPU
                                  
Vi palesu, era un piacè sente issù vèscu discore
Cu l'arechje spalancate  m'ascultàva l'emissione
Rispundia cum'è un saviu, cù tamanta precisione
A li so detti accunsentia, certi ancu, i pigliava à còre

Ci hà parlatu di certe piaghe, senza ritenuta alcuna!
Di fatti contru natura o, scandalosi è brutti affari
Cosi chi portanu u lozzu, di sinu à nantu a l'altari!
Infàme pè a religione, è pè u cleru, a sfurtuna!

Pè a nostra "SANTITA"nòtu, un vinti nantu à vinti
Dùve ùn simu d'accunsentu vuleria ch'ellu mi scusi
Mà cio chi u corsu ùn tene, ch'ellu si tocchi à certi usi!
Tanti di so paruchjani, diceraghju!... ùn l'hà cunvinti!

S'ellu ci hè ind'ù signà l'ochju, un qualcusella di male
O un'offesa qualunquè di u corsu in versu "DIU"
Qui, nisunu ci hà mai vistu, un' àttu infamu o impiu
Simu carne battizata! cù acqua benedetta è sale

U corsu hè di divuzione crède, à e scritture sante
Crede in tuttu cio chi tocca "Diu, a vergine Maria"
Chi certi usi sò peccati, quale di noì a crederia?
Megliu, ghjè cercà altrò, cosi storte ci n'hè tante!..

Quandu i veschi, cum'è mè trafrancheranu ottant'anni
Chi fermerà pochi foglii di u librone di una vita
Tandu, l'ochji verdi u cèle, opera santa cumpiita
Penseranu à cio chi hè scrittu, pè l'usi, i peccati, i danni
                   Ghjuvan Carlu CASTELLI
            i Fulelli 08 di Aprile 2013 (N°404)


_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:24   Reply with quote

      ACQUE MARZULINE
                         
Mancu pè i 'mprèstaticci à s'hà cacciata
Più di un mèse hà tenutu una beretta
Soga ùn vulia più ch'ella fùssi detta
Chi sette nè cambiava indù a ghjurnata

Berètta ,visèra à sguciulatoghju
Dùve falàva, acque chjare a funtane
Ci n'hà lampatu in cinque settimane
Pè dissetacci è da pulicci u coghju

Rianghjuli, pè u fiancu di a culletta
Trapienu, u fiumicellu di a burgata
Cù  salgetu, facìa una ragiunata
E cappiava ligname ogni lenzetta

Oghjè, u sole ci lampa u so calore
Sorte, ancu ceppe d'èrba di a muraglia
Veranu, pianamente è bè travaglia
Per empie u bursellu di u pastore

A ciàtta, cèrca pè sgrìgne è tuvoni
Un locu, fondu è sicuru pè fà u nidu
Ghjè à ghjorni à vultà u cùccu fidu
Cuccùla u culombu pè i pulloni

L'acèrtula 'saffàcca à u so balcone
Mà cù a misgiaccia, hà u so da fà
Puderia l'asciàlla, mà ùn pò 'stà!
Un li possu fà capisce ragione




U sbiru, di e so ale taglia l'aria
Quandu à rasu di terra, quandu à e stelle
Prufita, hè divizia di bulabulelle
Sà chi per ellu, ùn ci hè pane 'ndu a meria

Verde rughju, di culore a lenza di granu
Dà qui trè mesi, sarà un marre d'oru
Samartinu ! pè a libra suminata di moru*
E pè a scièra, l'omu a so falgia in manu
                            
          Ghjuvan Carlu CASTELLI
i Fulelli u 09 di Aprile 2013 (N° 405)

*A libra suminata di moru (Granu dettu MORU)
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:25   Reply with quote

                           VIULENZA
                                     
A viulenza! rachji puru ùn si cunnosce e cunfine
Un m' impacchju di sicuru à detti spulati à u ventu!
Pudè purtacci rimediu saria bè! m'à cio chi sentu
Si nè và di male in peghju, nisùnu nè vole a fine!

Tutti bocca spalancata, pronti à cundannalla à morte
Mà si sà, "di 'sse runccade ùn nè colla in Paradisu"
Scherzi sò chi veramente si tu voli u mo avisu
Sarianu d'accunsente, per di: basta! chjodeli e porte

Un ciùcciu sottu e risette piatta u so esse ribellu
Un li cuntà barzulette ùn n'hè u zitellu d'eri
Viaghjendu trascinone pò erpià cum'è i sumeri
Pè mustratti a pritenzione di fà a so legge à ellu

Attempu à scola materna maneghja l'urdinatore
Bell' invenzione muderna è  matre di tutti i vizii
Chi vòle struissi in male, ci trova tutti l'indizii
E d'issu fàttu à chi vale, fà spese pè un prufessore ?

Dopu, ci avimu a cascetta chi pàrla è 'nvia fiure
Quantu l'aghju maladetta! quessa macucca i cerbelli !
Tuttu cio chi ùn ci vurria ghjè imparatu à i zitelli
Maì, di cuntrà vi si dia,'ssi marchenti di sciaure!

Da chi nascimu, a viulenza ci accumpagna in 'igne locu
Ci merzisce l'esistenza, mà, ùn nè femu una primura!
Ci pò cullà da u carrughju fallà da i sgio à l'altura
Un ghjornu ci farà bughju, chi duv'ella passa, ghjè focu

Viulenza ùn si nè compra, da tutti ci hè rigalata!
Senza cèrcalla si scontra chi sà, da duv'ella vene ?
Spèssu affacca da Parigi, ancu u guvernu a mentene
Giovani o capelli grisgii; quanti l'hànu suminata!
                                
                Ghjuvan Carlu CASTELLI
     i Fulelli u 27 Decembre 2012 (N°379)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:26   Reply with quote

a tempu a u fattu pueticu avemu un omu chi dà u so parè nantu a una sucetai  chi manda u mondu a l'abbissu.
in sottu sottu ci lampa una chjama per di a ognunu :se no cappiemu e nostre rispunsabilitai di "citadini" , diventemu complici.... nenzu di diventa vittime.
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:27   Reply with quote

Luigi Giacomoni wrote:

Ingrendà cù a religione, cù i cummandamenti di Diu, sapè perdunà. Di sicuru ci hè u bisognu di ghjustizia, di fassi rispettà, di difendesi, d’affirmassi. Ma ricusà u cultu di l’arme, di u più forte, di u disprezzu pè l’altri. Ci vulerebbe à principià cù i chjuchi, micca offreli ghjoculi di arme, tuttu ciò chì ghje fattu per tumbà.
Sse video per i zitelli entrenu indì un mondu virtuale chì macucca i cerbelli.
Eppo' per a nostra Corsica, basta, basta tutti 'ssi crimini !

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:28   Reply with quote

sò d'accunsentu o Luì ,
hè ghjustu ciò ce tu dici , ma mi pare chi u più primurosu hè l'allevu .
mi và male a mè chi ùn aghj'avutu figlioli , ma si i parenti chi a tempu a l'affezzione amparavanu  u rispettu ,  a cunsiderazione di l'astru  ( forse di più pè u disgraziatu che per l'astri ) .
 troppu regalli ùn ghjovanu a nunda: i zitelli ùn si ghjocanu micca di più , e amparanu  a avè sempre di più voglie.
hè capita chi un zitellu chi a tutti i vezzi , quand'ellu diventa un omu ùn ne hà  mai abbastanza  e hè cusì ch'ellu si diventa appasci e ch'ellu si tomba  a laziu senza rispettu ne di l'astri , ne di sè stessi .
mi pare anc'a mè ,  chi sta cultura cristiana (troppu spessu insignata  ma pocu aduprata) hè  U solcu chi pò aiutà  i zitelli a diventà omi degni  .... serà sempre a a moda ??
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:29   Reply with quote

          A VOLPE DI GREGORIU
                               
Hà fattu u pullinaghju in fondu di u giardinu
Poì,compru ottu pullezze è un bellu cantarinu
Per piu di sicurezza,hà ciosu sopra è in latu
Cu i stolli di pullone è di rèta ferrata
Ci hà lasciatu un tavone, a pullina sicura
Sorte per prufità di è cosi di a natura
Qualchi grillu,chjarasgia da l'arburu cascata,
O secondu u so estru,fassi anc'una ruspata!...
A sera, zia "Rusina"paspava ogni ghjallina
Assicurava dopu,l'intrata, à buglittina
Da chi cascava a notte,andavanu à fà cèna
Pòi una stonda fora gode d'aria serena
Gregoriu, sbonoratu sei ghjorni a simana
S'alzava à u primu cantu di u so ghjallu a mane
Casca chi ghjè dumenica,u disceda Rusina
-"O Gregò !sò dicia sett'ore di matina" !
-"Oghjè sò di riposu,stancu mi sò chjinatu"
Durmia cum'un ceppu, paria esse allobiatu
'Stà notte quante à mè m'azzecava "Murphèa"
Manc'u ghjallu aghju intesu,pudia fàlla a so brèa !  
U tintacciu! ùn pudia cantà è so canzone
"Musina"l'avia a notte stracciatu a partizione
Spessu si di u pullinu s'annigrisce u destinu
Ghjè chi cumare volpe si nè face un festinu.
Esse ghjucatu a risa,cacciatore di mistieru
"Gregoriu"bestimiava peghju chè un carriteru
-"Ghjurgu,di a to pellaccia m'aghju da fà un tapettu
Per carpighjatti megliu ti stallu in latu à u lettu" !...
A sèra tende u cappiu,furtuna l'indumane
"Cumare era custi ligata cum'è un cane
-"Veni è feghja o "RUSI' 'stà mane femu i conti !
Chjama à Petru è Filice i rucchjetti sò pronti"
Mancu u tempu di dilla,"Petrettu hè affacatu"
Dopu ghjunghjè "Filice" u scupettu 'ncrucchjatu
-"Tiratevi di nanzu ,li fracellu a cerbella" !
-"Un tirà !chi u piombu,li tazzeria a pella"!
Pigliatevi à vista mà, ùn mi fàte privu
Di leghjeli a sentenza cu rucchjettu d'alivu
Eppo casca d'incanti semu sempre d'imbernu
Hà da ghjunghje spugliata à è porte di l'infernu" !
-"Avale ghjè a to ora o pessimu animale !
T'aghju da rende l'onori degni di un generale
Cu rocchju à duie mane mena,u sgalabadacciu
Un tomba micca a volpe ma li strappa u lacciu
U fucile arrimbatu à quellu pullinaghju  
In dui salti a volpe,dentru à u sebalaghju...
-"Accendila o "Fili"! focu chi m'hè scappata !
-"Dopu chi nè faraì, di a pella tavunata ?....
-"In fine di matinata,parteraghju à u mercatu
Cusi indù a ghjurnata u ghjallu hè rimpiazzatu
Ritenderaghju u cappiu tutte e sante sere
S'ella hè dentru una màne,viodu,duie cartucciere !...
                                 
             * Ghjuvan Carlu CASTELLI  
            I fulelli u 14 Lugliu 2009 (N°79)
                                   


Un n'hè micca una fola ghjè un stalbatoghju
averaghju avutu una duzina d'anni solu i
nomi sò 'stati cambiati
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:30   Reply with quote

                    AVALE A SO
                               
Tamantu à un tappu di zucca eppoi zitellu
Furzava a voce per sente di:"ghjè un'omu ellu !
Dicia :"a sò, a sò, a sò, a sò !....
Debule tenerone veranincu
Averia datu ancu l'anima à "Pincu"
Tantu paria sicuru, dicia : 'stà vòlta, a sò!....
Oghjè mi voltu è cèrcu ind'u passatu
'Stà  terra dùve tantu aghju tripulatu
Un sò mancu, s'ella hà maì giratu !
Eppoi ! l'armata compia mi sò sveghjatu
Per cunnoscè di a vita,fiori, amore, soldu pocu stantatu
Tè l'amore !mi ci mittia di core !...
Mi tinia allocata, una pera pè a sete
Dopu a vàcca arrabiata, vita più chè ritrosa
Si richjara a pensata, ferma sempre un qualcosa
Ch'in tupezzu ficcatu tene, mi podi crede
Si amatu ? accunsente, ghjè bunaccia,
Megliu chi voli sente ? ti si abbraccia!...bu  na ccia !
Cio chi mi smaraviglia in'stà galera,
Ghjè, di ùn n'avè piu 'nviglia, di cio chi ghjèra,
Tutte dimenticate e notte bughicose !...
Biscattonu averia vulsutu pruvà :"a sò !
Cercava, ricercava, mà trovà ? è bè!...nò !
Ottantesimu chjoccu, 'stù nodu mi castica !
Mi lascia mezu scioccu, chi voli ch'èiu ti dica !...
Diceraghju :" sò sicuru chi t'ùn saì,
Perche oghjè eiu sò, chi ùn saperaghju mai
A vita, i soldi, l'amore,è certi fiori
Un saì maì si tu i senti, o si elli, hànu culori
Ghjè tuttu cio ch'èu sò! mà quessa,...a sò!...
                             


  Ghjuvan Carlu CASTELLI
i Fulelli u 25 Settembre 2011 (N°262)

"Adaptation du texte de :"Jean Lou Dabadie"
                    "JE SAIS""

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:31   Reply with quote

Okay  è noi ci hè un pezzu avà chì no' a sapemu ch'ellu hè dunatu st'omu quì chì ci rigala di tanti scritti fini fatti à l'inchjostru sceltu chì piace à a lingua schjetta chì tandu si lascia almanaccà mansa mansa senza mancu resiste di manera chì pè u lettore tòrnanu  sciali i versi di Ghjuvan Carlu di i Fulelli ! À gode senza muderazione alcuna ! 
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 6 Aug 2013, 07:32   Reply with quote

                       LINGUACCIA
                                  

S'elle sò quèsse e manere per u guvernu attuale
Usà schinchelli, chimere, è cuntà catavoglie u male
S'elle hè quèssa ch'ellu spèra l'avvene li sarà pèghju
Calieghja è u so pudere ghjè à l'orli di u ratalèghju

Un n'hè u megliu piazzatu pocu hè chi ellu si nè vanti
Chi pò di, 'stù disgraziatu? indegnu di DIU è di Santi!
Si cum'è ghjalline hà l'ovu è chi racchja cum'è u corbu
Li ramentu "Pontenovu, u Niolu, o Fiume d'Orbu" !...

 Sortenu di l'acqua asciutti, è cuntrariu à Samartinu
Un n'hànu chè panni brutti pè lampacci nant'à u spinu
Quèsse sò e so difese nunda altru in corpu ùn n'hànu
E pè ringrazii offese, i corsi è d'altri òghje à sanu!

A quèstu chi hà criticatu, dà chi nisunu ùn l'hà dettu
"L'erede, di chi hà impicatu ùn parli di canapettu"!
Mischià viulenza è cultura segnu di pocu cerbellu
S'in Corsica tantu dura, ghjè nucente 'ssù vitellu?...

A chi mòlla à chi tira, altru chè prumesse ùn sentu
A sfiera di l'ora gira mai si vede cambiamentu
Pristu è prestu istù guvernu, pè perte facci u fangottu
E fà di u ministru di l'internu, un ministru di carcialottu

E so parulle vituperie ùn sortenu di a mo mente
Cumu speranne più serie in bocca d'issù serpente
Si noi corsi simu viulenti,si ell' hè a nostra cultura
Per ellu i belli mumenti, nè godi sin' ch'ella dura
               Ghjuvan Carlu CASTELLI

    i Fulelli 08 di Maghju 2013 (N°409)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Contenu Sponsorisé






PostPosted: Today at 22:29  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà All times are GMT + 2 Hours
Goto page: <  1, 2, 3, 432, 33, 34  >
Page 3 of 34

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky