Index - FAQ - Rechercher - Membres - Groupes - S’enregistrer - Messages PrivésConnexion


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Invité

____________________________________________________________________________________________________

Ghjuvan' Carlu CASTELLI
Aller à la page: <  1, 2, 327, 28, 29
 
Poster un nouveau sujet   Répondre au sujet    Foru corsu,lingua corsa,pulitica ,estri e cuntrasti nustrali, Index du Forum -> LINGUA -> rime e puesie fatte avà
Sujet précédent :: Sujet suivant  
Auteur Message
Ghjuvan Carlu


Hors ligne

Inscrit le: 30 Nov 2014
Messages: 189
parlatu: Casinca
masciu o femina?: Masculin
rughjone: Fulelli

MessagePosté le: Sam 15 Sep 2018, 09:46   Répondre en citant

AJACCIU NIZZA

Sò scaduti i cinquant’anni voi ghjocate a piattatella
Cinqant’anni ! chi sapete ma tinite sottu bancu
Nazione di dritti di l’omu, ùn vi vargugnate mancu
Di vule copre l’autori di morti di a caravella ?

Si sà, vene d’alte sfiere, tandu a bugia piglia uzzione
Ma i finti sentimenti ùn sò degni d’una mamma
Soga vulete di stù fattu , spigne s’ellu ferma fiamma
Vistu i sintimi affisciati ci nè date l’impressione

In duiecentu è ottant’anni quantu avemu datu prove,
Di u nostru sinceru affettu, dupidu ùn ci nè pò esse
Si qui ci hè u core à dà, pè rende ùn site i listesse
Mostre d’affettu, ùn si paga, nè e vechje nè e nove

Sò tunellate di rena ch’in mare hà falatu Golu
E famiglie addulurate ùn hànu u dirittu di sapè
Nè hànu fattu affare di stàtu manera di piattà u perchè
Ma ssù perchè, hà privatu e vittime di u so dolu

Ci manca per ssè famiglie, un suppulellu di rispettu
Li dùvite a verità, ma, vi ferma onore, è core ?
A bugia hà cinquant’anni, ghjè per ella tempù di more
Aspettà un ghjornu di piu, saria peghju chè un dispettu

Sò scaduti cinquant’anni, ch’ella basti a piattatella
Ssu silenziu vulintariu ghjè indegnu di una nazione
Pè i vigliacchi, hè ora è tempu ghjè l’ora di a decisione
Chi ogni corsu piglii u dolu à latu di ogni famiglia

Ghjuvan Carlu CASTELLI

i Fulelli 11 di Settembre 2018 (N°1099)


Revenir en haut
Publicité






MessagePosté le: Sam 15 Sep 2018, 09:46  

PublicitéSupprimer les publicités ?

Revenir en haut
Ghjuvan Carlu


Hors ligne

Inscrit le: 30 Nov 2014
Messages: 189
parlatu: Casinca
masciu o femina?: Masculin
rughjone: Fulelli

MessagePosté le: Sam 22 Sep 2018, 09:58   Répondre en citant

DA INGUAGLIU


Li dà ‘nguagliu u parlà corsu, li prudisce indù billicu
Grattami, per elli ùn possu, ma,cumu a pensu a li dicu
L’isula ghjè piena di porti, di battelli ùn nè manchemu
Cunsigliu à sti colli corti, fà cumu noi tanti femu

Ci hè campi d’aviazione Puretta, Calvi, Figari, Ajacciu
Per parte ùn ci hè discussione cum’è da e volte facciu
Si u climu li cunvene vistu cio ch’in mè risentu
Ci si stallinu à l’avvene ùn sò frizzulu à rimpientu’

Ch’ellu sia u ghjunghiticciu o un ceppu aggradicatu
Pè u scalatu mi spicciu, di dilli ùn t’aghju chjamatu
Ma s’ellu hè di a nostra razza è u nostru parlà li nuce
Vaghi dùve ùn si strapazza, ma si porti s’ellu hà pùce

S’èo sentu in qualchi cantu infracicà « cavulifiori »
U fetente ùn mi và tantu, mi nè scappu à corri corri
Ma ùn dumandaraghju a puzza, d’alluntanassi una cria
Un sò omu à cercà ruzza, chi a ribella, ùn partaria !

Un sò si voi mi capite, mi pare esse stàtu chjaru
Ma, si pè u corsu partite, vultate attempu à caccaru
Di tutti ùn possu passami, per ùn di chè cio chi pensu
Per daltri ùn aghju da spellami, mancaria di bon sensu !:


Ghjuvan Carlu CASTELLI
i Fulelli u 15 di Settembre 2018 (N°1102)


Nunda a vede incu l'affare di u Fium'orbu


=

Revenir en haut
estrimei
Mezanu

Hors ligne

Inscrit le: 07 Juin 2012
Messages: 1 862
parlatu: castinitincu
masciu o femina?: Masculin
età: francu a 70
rughjone: Corti -Rustinu

MessagePosté le: Sam 22 Sep 2018, 11:43   Répondre en citant

bravune
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Revenir en haut
Visiter le site web du posteur
Ghjuvan Carlu


Hors ligne

Inscrit le: 30 Nov 2014
Messages: 189
parlatu: Casinca
masciu o femina?: Masculin
rughjone: Fulelli

MessagePosté le: Sam 29 Sep 2018, 08:42   Répondre en citant

INGALADISCU

Aghju Pocu o nunda à facci
Ben chi ùn sia un furesteru
A derivà issù penseru
S’hè stallata è conta stacci
Puntelli anziani cavati
Per piu novi ma, tarlati

Ci hànu i ghjochi alluntanatu
Di a so via culturale
Cio chi à u parlatu vale
Esse un pocu minuzzatu
Ci hè bundenza di francisate
Nantu e parulle inventate

Cio chi ferma di u corsu
Si trascina è cerca ascondu
Truvanne sarà secondu
Si a briglia tene à u morsu
U nimicu in posta aspetta
Li gira in tondu, l’alletta !

Chi u dissuchja à l’appiattu
Chi pone inseti à palesu
U francese benintesu
Ci hè servutu nant’un piattu
Tantu m’hà dannatu in scola
Chi sempre nè ferma in gola

Pè i sugetti ùn varieghja
Sò i listessi accumpulati
Pecure agnelli castrati
A i soii ogn’unu veghja
Ci era tanti altri mistieri
Ma più oghjè ! ghjèra eri !

Sò rise l’ochji annebiati !
Per dà tendenza à cunfonde
Cumu fà cumu risponde
A detti di malaviati ?
Per ùn cuntrastà mi tocca
Labbre ghjunte è acqua in bocca

So riflettu un suppulellu
Aghju passatu l’età
Pè chjachjarà o ghjucà
Muderava ancu da zitellu
Si piglii chi nè hà laziu
A mo parte è u mo ringraziu

Ghjuvan Carlu CASTELLI
i Fulelli u 27/09/18 (N°1112)

Revenir en haut
Luigi Giacomoni


Hors ligne

Inscrit le: 26 Jan 2013
Messages: 538
parlatu: Rutali
masciu o femina?: Masculin
rughjone: Nebbiu

MessagePosté le: Sam 29 Sep 2018, 17:43   Répondre en citant

Ghjuvan Carlu ingaladitu è dillusu ! Ci hè da chè ma cumu fà per parà ? In tutti i casi, ci mostra u periculu.

Adopra in sta puesia u modu tradiziunale di e sistine chì si ponu ancu cantà. Ci sò parechji modi di versificazione. Da fà casu quì à a rima ABBACC.

Revenir en haut
Ghjuvan Carlu


Hors ligne

Inscrit le: 30 Nov 2014
Messages: 189
parlatu: Casinca
masciu o femina?: Masculin
rughjone: Fulelli

MessagePosté le: Sam 6 Oct 2018, 09:09   Répondre en citant


VENTU IN POPPA

Si tu, ti nè voli andà ti preghemu ventu in poppa
Un si à cunsiderà cum’è un fratellu di lotta
Corciu hè chi ùn l’hà capita dopu avvecci spiunatu
Cunterai a nostra vita indù paese dùve si natu

Di tè poi esse fieru si tu faci u to bilanciu
T’ai cacciatu u penseru, colli un spechju senza granciu
Di qui ti nè vai serenu, stù sughiornu à tè ti vale
Sgrugnà dopu l’odre pienu, a trovula usu maiale

Parti, à u passu, o a corsa, ma parti, un ti fà penseru !
Qui basta una valza corsa, ti lascemu à « el piconeru »
Ma tu, partissi incu trenu, piglia, andà senza ritornu
Mandili ùn nè bagneremu pè feste, accendimu u fornu

Di còre ti ringraziemu ma, chè pè a to partenza
I corsi ùn ci scurderemu di a to vana presenza
Prumesse n’avia pienu l’esciuta ùn era mai quella
Cun misgiu piattu indù senu e volpe sottu à l’ascella

Si t’ùn fùssi ancu partutu, parti ! noì ùn ti basgemu
Per l’oblicu ricevutu da u rimpientu ùn spelleremu
S’in Francia ùn voli vultà farai cumu à tè piace
Parti ! ùn fa trasandà, u cane corsu mai ghjace


Ghjuvan Carlu CASTELLI
i Fulelli u 03 di Ottobre 2018 (N°1116)

Revenir en haut
Ghjuvan Carlu


Hors ligne

Inscrit le: 30 Nov 2014
Messages: 189
parlatu: Casinca
masciu o femina?: Masculin
rughjone: Fulelli

MessagePosté le: Sam 13 Oct 2018, 09:31   Répondre en citant

COSE A RIVEDE

Mai si n’hè trovu a manera da seculi ch’ella dùra
Cancellà dùv’ellu ci era stampiglia di malfattura
Un si parleria di guerra saria a santa pàce in terra

S’ellu si pudia sapè vistu un ciucciu attempu natu
Si ellu purtava è perchè u perfettu o u peccatu
Sariamu tutti a l’ascondu di e miserie di u mondu

Sè no’ fussimu amparati, campà cu bon’ sentimenti
Un pocu menu adestradi à un sumina chè pienti
Chi l’omi, oghjè altru ùn sanu, chè tene pistole in manu

Porte aperte pè a ghjustizia l’omi messi tutti a paru
Chi ùn hà soldi o amicizia un prucessu vene caru
Secondu, quale sarà, esce lisciu o pagherà

Un ci saria a muneda, chè scambiu ropa pè ropa
Camperiamu indù a seta ogni piecu faria scopa
Ma un murtulone cura, ghjè quellu di a dittatura

Ci vurria à l’altu elettu truvà duie once di ciarbellu
Ssà ropa face difettu s’ellu ci hè ghjè chjuculellu
Si chjucu à nimu accunsente, u cambii incù l’elefente

S’ellu ci fussi u ghjudiziu pè ragiunà cum’è i savii
Ma chi prima, ghjè u viziu tene in manu tutte e chjavi
Sinu à quella chi destina, l’omu à cunnosce a ruina

Ghjuvan Carlu CASTELLI
i Fulelli u 04 di Ottobre 2018 (N° 1117)

Revenir en haut
Ghjuvan Carlu


Hors ligne

Inscrit le: 30 Nov 2014
Messages: 189
parlatu: Casinca
masciu o femina?: Masculin
rughjone: Fulelli

MessagePosté le: Sam 20 Oct 2018, 08:09   Répondre en citant

« A CHIMERA "


Durmia, hà trasaltàtu l’omu dentru a so guaglia
U besgiu l’hà cunfusa cu l’anghjulu custoghju
Cumu à fàttu à ùn sapè ssù scemu ligatoghjiu ?
Chi ùn gherba à chimere, di lascià fà ssù sbagliu !

Chi tanta giuventù, mammone, omi, è ancu zitelli
O quellu calciu in corpu, à buinu li sciaccava
A calcagnate in bocca è si ellu inciampiccava
Strufinava i so pèdi, passendu nantu à elli

A bestia feghja l’omu, di rabbia salta addossu
Li manghja a curatella cio chi ghjè polpa, o ossu
Tuttu avà passserà sottu a i denti d’acciaru

L’omu dissanguinendu ghjacia aresu in terra
Mai u sguardu ùn cappiava l’ochji di a so chimera
Si muria dicendu: si tù chi tengu caru !



Ghjuvan Carlu CASTELLI
i Fulelli u 15 di Ottobre 2018 (N°I126)


-Stù scrittu ghjè una adattazione di : LA CHIMERE
Opera di :« Albert SAMAIN » natu a LILLE u
(03/04/1858 mortu 18/08/1900 a Magny-les-
hameaux


-Ringraziu l’amica Disfughjta chi m’hà cunsigliatu
S’adattazione, facciu una prova è n’accettu di bon core
Tutti i rimproveri chi voi pudede fàmi

Revenir en haut
Ghjuvan Carlu


Hors ligne

Inscrit le: 30 Nov 2014
Messages: 189
parlatu: Casinca
masciu o femina?: Masculin
rughjone: Fulelli

MessagePosté le: Sam 27 Oct 2018, 08:59   Répondre en citant

POCU MANCA TROPPU STANCA

Un nù à ci allunghemu piu, pè riccullà u nivellu
Si a rutina hè bella è bona, l’erba, rasu terra hè lazza
Nanzu chè sempre falà cullemu qualchi scalellu
Parteraghju, è l’ora ùn sona pè rivede e cose in piazza

Di e suppette riscallate ci hè tendenza à fanne abbusu
Ora hè di mette in cultura ghjemme ma, di lingua corsa
Stè sumente cumerciale, tempu hè di perdene l’usu
E di tante cose vane, megliu hè di frenà stà corsa

Ricerchemu indù passatu i detti è pruverbi persi
Spulvaremu i paginari, chi dormenu pè i granaghji
Di quelli quandu i leghjimu ùn ci faranu fà versi
Ma salveranu di un sbagliu, per di suffitti o sulaghji

Di a gramatica ? pè u corsu ci nè femu un cuncistoriu
Prununcia, cu intunazione primura più chè a scrittura
Figliu di sumere è fera, ùn face u cuservatoriu
Ma chi pensa runcà megliu, ghjè ghjargu è ùn si figura

A radica à u piu spessu ghjè, l’origine di un sbagliu
So dicu ‘cozzu è accozzu’ un si pò fà paragone
Saria, per u sveghju ora è tempu, mettevi à u travagliu !
Micca ricercà l’onori tirendu à voi u pilone

Ghjè l’ottant’ottesimu Auturnu, per mè e cose sò ’ntèse
Ghjè à voì chi rivene u drittu di sperà in l’avvene !
Vi cunfidu e mo pensate, ùn impongu e mo pretese
Mà un bè, scappà di mane di quellu chi ùn nu sà tene !

Ghjuvan Carlu CASTELLI
i Fulelli u 20 di Ottobre 2018 (N°1126)

Revenir en haut
Ghjuvan Carlu


Hors ligne

Inscrit le: 30 Nov 2014
Messages: 189
parlatu: Casinca
masciu o femina?: Masculin
rughjone: Fulelli

MessagePosté le: Sam 3 Nov 2018, 09:13   Répondre en citant

I PISCIATELLI

Di e cantine di u mercatu li n’avianu parlatu
Ssù ghjornu ghjè affaccatu da e so muntagne falatu
Cappellu neru, ghjachetta di vellutu è a cacciatora
Chi pè u lussu facia à veru, si vestia indù a sartora

Sentia cresce l’appitittu ghjera meziornu passatu
Fughjè carrughju drittu, per e strette di u mercatu
Frighjianu e curatelle sentia i denti allungassi
Incù prufume indù e nagrelle, ùn pudia alluntanassi !

Entre, li danu a pusà tandu, u cappellu, u si caccia
Vede, ‘anchjuve di u merca cundite à a bastiaccia’
Chi ghjè què o zitello ? – ‘Per accozzà l’appitittu’ !
Sai, famitu cumu sò, principià per què ? ma zitu !

Li porta, coppa, prisuttu un troncu di pastizzu di porcu
Dopu sciaccatusi tuttu poi, bèn’ allenatu u corpu
Chjama quellu zitellone, ci hè di a piazza e sò aviatu
Fasgioli, arrostu di muntone, curatella, s’hè campatu

Vinu ùn nè hà betu tantu medità di una mezzetta
Acqua fresca ùn credu mancu ùn sentia cannella stretta
Eppoi n’hà a vulintà fresca è pura pè i so lochi
Un si pò micca imbudrà di quella pè spinghjè i fochi

Uva, noce, casghju vechju, fichi secchi incu nuciole
L’omu ùn era mai techju ùn si prumette, li ci vole
U giovanu era incantatu u feghjava è stava zittu
Di ! pisciatelli nè firmatu, per accuzzà l’appititu ?


Ghjuvan Carlu CASTELLI
i Fulelli u 30 di Ottobre 2018 (N° 1135)

Revenir en haut
Ghjuvan Carlu


Hors ligne

Inscrit le: 30 Nov 2014
Messages: 189
parlatu: Casinca
masciu o femina?: Masculin
rughjone: Fulelli

MessagePosté le: Sam 10 Nov 2018, 10:29   Répondre en citant

SUMERINU

Unu pensa, u sumerinu ghjè apanaghju d’alte scole
L’altru dice, ghjè u destinu, favurisce quale vole
Per mè, à luce chi vale ghjè un ragiu di naturale !

U sumerinu hè innatu, una lascita di famiglia
L’ai in tè attempu natu, si a struzzione ùn nu si piglia
Fussi u bonu, ghjè un piacè ! prufita à l’altri è à tè

Femu onori à u sapiente, quellu ùn hè mai à casu
C’infetta l’intelicente ! a vista ùn trapoghja u nasu
Pensa, à ragione li fughjè, dopu travaglia pè strùghje

A natura zitta è muta face u bellu è ùn si nè vanta
A mana pratinsiunuta rompe u ben’fattu ùn ci manca
L’omu tocca, salta u pezzu, à noi di pagànne u prèzzu

Di a natura u regalatu ghjè una richezza, c’incanta !
Ma pè u caru pagatu, tù compri, u ghjètta è si vanta
U guvernu munghjè a vacca, spula, tu l’empie a stacca

A chi ghjova à tè o a mè, s’ellu s’intraversa in gola
O ci rode pianu è bè, cumu face una tignola
Rimbecca, si t’ùn ai datu, cio chi s’averia pigliatu

Vulessi per mè u Signore o chi regge ogni destinu
Per amore o pè favore mintenghi u mo sumerinu
E pè listessa occasione à certi, menu struzzione

Ghjuvan Carlu CASTELLI
i Fulelli u 25 di Ottobre 2018 (N°1131)

Revenir en haut
Ghjuvan Carlu


Hors ligne

Inscrit le: 30 Nov 2014
Messages: 189
parlatu: Casinca
masciu o femina?: Masculin
rughjone: Fulelli

MessagePosté le: Aujourd’hui à 09:46   Répondre en citant

GHJE DURA A SUPPURTA

Ci n’hè stàtu di dùve noi, tombi da l’arme francese
Pè ringrazià iss’eroi, fùnu disprezzi è offese
Chi l’ufficiali assassini di un’assassinu guvernu
Fùnu pè i nostri, mischini, peghju à guardiani d’infernu

Ci ferma, u ricordu eternu, regalu di Marianna
In còre ficcatu un pernu, à chi, a chjamava, mamma !
Si corsu ? duncquè un suspettu micca l’omu à disculpà
Sò, galera o palle in pettu, ùn ai d’altru à aspettà

Cent’anni li ci hè vulsutu per dì, cu a punta di e labbre !
Cio ch’in fatti era accadutu, qui, a sapianu e capre!
Chi n’avessite occasione, parlatene in cuntinente
Ma ùn vi punite quistione per cio chi daranu à sente

Di ghjente ingrata è mischina u corsu ùn avia aghjuta
Ma, l’accolta di Tataouina quanti l’hànu cunnisciuta
Rivede a terra materna si a vergogna l’hà impettati
Per noi a vergogna eterna ghjè per chi ci avia mandati

L’autori, ùn nù i citeraghju per ùn imbrutta i mo scritti
Ma pensu in qualchi granaghju ssi cascioni pieni fitti
Purtaranu un ghjornu a prova di cio chi nostri sò stati
Dopu a verità ritrova, di traditori aggregati

Sangue d’acqua, core di legnu a so calumia ùn mi tocca
Ma chi ùn si nè sente degnu pianti di purtacci in bocca
Un hè mai u sò pantanu chi hà pudere d’imbruttacci
A pensa u mondu sanu ? piace o nò, ci’ole à stacci !

Ghjuvan Carlu CASTELLI
i Fulelli 11 di Novembre 2018 (N°1142)

Revenir en haut
Contenu Sponsorisé






MessagePosté le: Aujourd’hui à 22:09  


Revenir en haut
Montrer les messages depuis:   
Poster un nouveau sujet   Répondre au sujet    Foru corsu,lingua corsa,pulitica ,estri e cuntrasti nustrali, Index du Forum -> LINGUA -> rime e puesie fatte avà Toutes les heures sont au format GMT + 2 Heures
Aller à la page: <  1, 2, 327, 28, 29
Page 29 sur 29

 
Sauter vers:  

Index | Panneau d’administration | créer un forum gratuit | Forum gratuit d’entraide | Annuaire des forums gratuits | Signaler une violation | Conditions générales d'utilisation
Powered by phpBB
Appalachia Theme © 2002 Droshi's Island
Traduction par : phpBB-fr.com
Designed & images by Kooky