Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Ghjuvan' Carlu CASTELLI
Goto page: <  1, 2, 329, 30, 31, 32, 33, 34  >
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà
Previous topic :: Next topic  
Author Message
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 15 Dec 2018, 10:44   Reply with quote

VI RIGUARDA ?

Chi v’interessa s’eu nè facciu di mo testa ?
Marchjà cu capu di l’altri, caru costa
A mo capaccia à mè, ghjè sempre tosta
Ci hè cerbellu à imprestà è ci ne rèsta
Eppoi chi vi riguarda u mo cumportu
Si u mo billicu hè plattu, o pinzu è tortu

Lasciu passà s’ellu nè fussi u casu
Mi nè tengu à bassa timperatura
Ma toccu i centu gradi ùn hè sicura
Ch’ellu mi cali mosche nantu à u nasu
Cio chi mi rallègra, ghjè d’ùn esse solu
A pudè ferrà mosche, o calavroni in volu

Chi vi riguarda à voi a mo salute
So stessi bè o male chi v’importa?
Si a mo caccara d’estru ghjèra storta
Cu e risposte, longhe, corte o mute
Un sò in cunfessa, voi ùn site curatu
Ripigliate à vultà a via chi v’hà purtatu

Ci n’hè, à vulè tuttu sapè, ma di regalu
Per pàga, ci saria menu di sti curiosi
Cu mè, sò tutti à paru ùn ci hè ghjalosi
Risparmiu nanzu e risposte chè u palu
St’avisu u dedicu à quelli chi ùn sanu
Chi a grazia à mè, m’hè scappata di manu

Ghjuvan Carlu CASTELLI
i Fulelli u 09/12/18 2018 (N°1160)

Back to top
Publicité






PostPosted: Sat 15 Dec 2018, 10:44  

PublicitéSupprimer les publicités ?

Back to top
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Sun 16 Dec 2018, 17:38   Reply with quote

Mr. Green Ùn mi riguardava forse micca innòne , ma, cumu fà grattacapu ? A sapete cum'ella hè, u Pueta, seduce sà seduce è tandu pianu pianu l'ochji, l'interdettu, u si francanu prestu prestu Embarassed è ... . Mi riguardava, ùn mi riguardava ? Vulè o ùn vulella, l'aghju letta, è Okay O Sgiò Puè fù un piacè Okay !
_________________
À chì hà Tempu, ùn aspetti Tempu

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Thu 20 Dec 2018, 11:04   Reply with quote

Di Sfughjita wrote:
Mr. Green Ùn mi riguardava forse micca innòne , ma, cumu fà grattacapu ? A sapete cum'ella hè, u Pueta, seduce sà seduce è tandu pianu pianu l'ochji, l'interdettu, u si francanu prestu prestu Embarassed è ... . Mi riguardava, ùn mi riguardava ? Vulè o ùn vulella, l'aghju letta, è Okay O Sgiò Puè fù un piacè Okay !



_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 22 Dec 2018, 10:10   Reply with quote

REGALU di PATRIGNU NATALE

Babbu Natale antivistu è birbone
Un passa pè u cherminu cum’è sempre
Gira a nazione, ci porghjè u so curlone
Noi l’ampemu, si n’empie l’odre in mentre
Ghjè l’ora di rinnuvà, per cambia d’eri
A u riccu sparte manna, à noì, penseri

Per esse tutti umani, ùn simu pari
Per dipulèlli, in gattive cundizione
Cunstretti di campà cu pocu affari
Un riccu tocca a parte di u lione
Depule è sgualtru, ùn sò à u stèssu segnu
Chi ùn si’nghjotte l’altru, ùn sarà degnu

Stù guvernu, agisce forse hà ragione
Fàce e stàcche di vechji più liggere
Di tantu hè bravu, mostra cumpassione
Un hè pè l’interessu, hè per duvere
Menu noi averemu, pesi à purtà
Più prèstu, goderemu di l’aldilà

Natale, babbu, degnu di un cristianu
Un lampa un più di legna indù fucone
St’annu, u calore sarà da più luntanu
Un si sà mai , pò scuppitta u tizzone !
Pè prufezie, ghjè un partu cuntrariatu
Fattu à disciuplicà, in cunsigliu di stàtu !!!

Ghjuvan Carlu CASTELLI
i Fulelli 11 di Decembre 2018 (N°1161)

Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 29 Dec 2018, 11:25   Reply with quote

E VOLPE GIRUNDANE

In ssi canti di u levente per ssè cuntrate luntane
Ci campa volpe indulente sò à dighjunà indù e tane
Si nè sparghjè quà è in là, allerganu i so rughjoni
Dùra pè un volpu quallà, qui, pascenu soli i muntoni

Da chi ci n’affacca unu, si sveghja u nostru bon core
Ghjè a fine di un dighjunu in più, si buscà calore
Si vede cambià pilame e sanne si sò appinzate
Dopu, pò cacciassi a famme, ancu si menu nè date

Da francadu e so cunfine u volpu, cambia in lione
Sianu ghjalli o ghjalline ùn hà tanta cumpassione
Mancu ci hè bisognu di dà, sà servesi da per ellu
Per fatti di ringrazià sò corne sott’à u mantellu

Tuttu hè bonu per s’artistu roba di casa o di campi
Ancu si t’ùn l’ai vistu, ùn ci hè nunda chi si franchi !
Pè risorza ? una lagnenza per man’ di gendarmeria
Ma poca ghjè a sperenza per cio chi hè partutu via,

A chi di ghjallina hè natu peduteghja è in terra ruspa
Chi di pocu ghjè scalatu si t’ùn cedi, u metti in crusca !
A volpe, perde u pilame ma ci agghjustu si t’ùn sai
Sia techja o morta di fame, u viziu ùn nu perde mai !

Ti chère ti fàce onore, l’ai in bon’ ochju sai capise
Sia ancu ropa di valore l’accetta ma, pè ùn ti sgradisce
U ringraziu hè pocu o micca, à chi prò dassine a pena !
Dà puru, tantu a ti ficca è si t’ùn dai, guasi ti mena

Ghjuvan Carlu CASTELLI
i Fulelli u 15 di Decembre 2018 (N°1163)


Bone feste di fine d'annu ma cappiate
i cani e volpe so in giru

Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 5 Jan 2019, 11:27   Reply with quote

CISMONTE PUMONTE

Da unu à l’altru ùn nè facciu, un’ombra di differenza
Ajaccinu , bastiacciu, besgiu chi attacca impurtenza
Ancu pè cambià un pocu, m’incanta, u parlatu corsu
Ci stuzzichemu per ghjocu ma, frà di noi ùn ci hè fossu

Sente stù corsu stagliatu mi scalda, anima è core
Quale sarà l’insensatu chi pensa, a lingua si more
Pè ùn dispiace, u spuzzettu chi hà pruni dùve pensu
Ch’ellu si compri un sunettu, i so detti ùn hànu sensu

Ogni spressione o parulla ghjè granella per canzone
Si pensa, ùn vole di nulla, fiurisce una partizione
Ghjè, ssù dolce naturale per noi regalu divinu
Basta un suspiru per vale, una nota di viulinu

U corsu di a castagniccia, mi corre à fiumi ogni vena
Privamine, ùn vi piccia, pruvalla, ùn nè vale a pena !
Cio chi mi vene da mamma vale reliquia, hè sacrata
Nunda sentela mi spànna sia parlata o, sia cantata

Parlemu corsu in paese parlemu corsu à u strangèru
Chi ùn nè piglia difese, cumu pò mai esse fieru ?
Neglicentà vene à di, chi cedimu à bon’ mercatu
Tutti sti valori chi, l’anziani ci hànu lasciatu

Si sti detti ùn ai capitu è chi pensi ch’èu traparlu
Un sài sprime sculpitu chè u‘cuccurucu’ di u ghjallu
Di tumbà l’usi ùn ti guardi ? ùn ci hè scusa nè ragione
Ghjè u to esse chi perdi, u so creditu a nazione!

Ghjuvan Carlu CASTELLI
i Fulelli u 03 di Decembre 2019 (N°1167)


Pace è salute per l'annu novu è sempre
fieri di parlà corsu in casa è fora

Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 12 Jan 2019, 10:39   Reply with quote

I FURTUNATI


Un sò micca tutti morti i sgio di tempi passati
A l’usi antichi i piu torti ci sò sempre aggradicati
Cio chi ghjè di u casale ghjè sacratu ùn ci si tocca
Ma u toiu, ghjè normale si per so contu u ti scrocca

Quantu s’hè fattu patroni di lochi di puvarelli
Spessu indu e cundizione tantu pocu degne d’elli
Cumu facianu i s’acquisti, sò pochi chi oghje sanu
Chi l’arte di l’arrivisti brama u fà cambià di manu

Ci n’hè tanti l’hànu sempre, in corpu cum’è stintine
Cio chi’ngrassa fàce ventre pè tercani di e cumbine
Vi prumettenu i ricatti pè rimediu à u vostru male
Ma cio chi vi danu in fatti a nunda è pèghju pò vale

Speranu rivede un ghjornu cio chi fù tant’anni fà
A schjavitù di ritornu elli a capu di prufità
Fà zimbinà da l’albore sinu à bughju cecu a sera
Dissuchjatti ore è ore, pagati in solda ligera

Offreti un ghjornu di festa pulendina è acqua di fossu
Si pè furtuna nè resta, un fondu di pignatta, un’ossu
Cio chi gira à l’azizume chi ùn tene à l’indumane
E pè spacchjalla ùn sà cumè ùn l’annasa mancu u cane

Si elli ùn sò tutti morti, i chjuchi hànu prugressatu
Struiti eppoi, colli corti ùn sò, i servi di u passatu
Per cuntrà un superiore nimu hà piu quella paura
U so regime di terrore ristallàllu ùn hè sicura

Ghjuvan Carlu CASTELLI
i Fulelli u 06 di Ghjennaghju 2019 (N° 1169)

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Mon 14 Jan 2019, 21:01   Reply with quote



PRUMESSE SULENNE

Chjama di un partitante di : « stàdùvesi »



Indù nostru partitu, si farà, tuttu cio chi prumettimu

ùn ci hè mai chè e capraccie à pensà chi

ùn ci batteremu micca contru a i scrucconi

in sti detti ci hè qualcosa di sicuru per u nostru avvene

l’unestità cù fatti chjari sò e fundazione di u nostru partitu

saperemu dinu mustrà chi ghjè stupitità di crede chi

i mafiosi guverneranu cumu pè u passatu

v’assicuremu senza l’umbrore di un dupitu chi

a ghjustizia suciale sarà a primura di u nostru mandatu

malgratu quessa ci hè sempre ghjente stupita chi pensa chi

noi avessimu da guvernà cù i vizii di a vechja pulitica

quandu saremu a capu di u pudere faremu tuttu per chi

venghi a fine di stè situazione, privilegiu traficu d’influenza

un permetteremu, a manera chi facci, è chi

a nostra giuventù avissi da pate a fame

passeremu u nostru puntu ancu si tutta

a riserva in banca strughjissi a vista d’ochju

c’incalcheremu à incalchera sinamente chi !!

lettu què, capiscerete, à parte da oghjè-ghjornu

sapemu, cù « Stàdùvesi » cio chi nè sarà dumane


Leghjite a falera cio chi sò e prumesse eletturale

A cullera cio chi ne sarà di tutte dopu l’elezzione



Traduzzione fatta da : Ghjuvan Carlu CASTELLI

Stù scrittu era in francese ùn cunnoscu l’autore

« i Fulelli u 13/01/2019 (N°1170)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Mon 14 Jan 2019, 21:06   Reply with quote


_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 19 Jan 2019, 09:54   Reply with quote

GHIGLIUTTINA

Ghjèramu in l’annu ottant’unu di u seculu passatu
Un ghjuratu di ghjudèi cundanna a pena di morte
Prima di parla sentenza si cunniscia a so sorte
Vittoria pè l’assassinu, salvu di esse accurtatu

Tantu fieri di a vittoria è sorteci incù l’onori
Cechi tandu quantu è oghje di a purtata di u male
Un nu a sanu chè i nucenti cio chi ssù stravazzu vàle
Speremu ùn sarà dumane chi vi lamperanu i fiori

Una mannaghja oghjè ghjornu accunceria tante cose
A timenza di u ghjandarme face sempre teme u ladru
E ssù fattu di presentà u so capu indù so quadru
Puderia cambia l’idèa di ogni stintu tinebrosu

Per fà risorge un passatu, turnà saria bon’augura
Di travagliu ùn mancaria l’impiecu t’hè assicuratu
Trent’ott’anni chi tu manchi u pèghju s’hè aggravatu
Dàtti un colpu di rutaghjola saria a nostra primura

Fèghja cara ghigliuttina, volta è fanne a to fèsta
Si t’ùn ci andessi di core, tuttu pàrte pè u prufondu
Si prepara una timpesta, chi pare una fine di mondu
Veni à purtacci ricatti ! si ‘nd’un cantu ti nè rèsta .


Ghjuvan Carlu CASTELLI
i Fulelli u 02 di Decembre 2018 (N° 1155)

Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 26 Jan 2019, 10:43   Reply with quote

DEMUCRAZIA MUDERNA

Stè cosi chi ùn sò nucente ùn si ponu sempre tàce
Chi gèra u nostru presente, s'ell'ùn accuncia, disface
Un cunnosce differenza da chjetutine à viulenza

Veste piume di culomba mette sgrinfie di falchetta
Ci pone nantu à una bomba di manera ùn pò più netta
Cumu pò esse accettata, ssà miseria prugrammata

Dapoi a mo zitellina ùn sò cum’ella si face
Da chi elettu a so duttrina, ghjè bucugnulà stà pàce
Ci munghje, dopu ci’mperna, stà demucrazia muderna

S’hànu spartutu a nazione in duie o tre categorie
Per una hè meza razione pè l’altre sò manghjerie
Clienti di cinque stelle o di ziu « Geniu Pubèlle »

A fratellenza ? un duvère, ricchi è poveri sò pari
I mettimu à u pudere per dacci un buccone amaru
Un prufittanne, peccatu ! ch’in gabbia, tuttu hè pagatu !

Dicenu chi a terra gira, giremu incù ella, aiò !
Ogn’unu chi avemu in mira ghjè à mette capu in ghjò
Dalli à gode un bè servutu, sopra è sottu incù l’ambutu

Dopu molte riflessione, à demucrazia muderna
S’ella ci ghjova di lezzione mai sarà stàta inderna
Cù ragione o chè mi sbaglii ghjè un’arme à dui taglii

Ghjuvan Carlu CASTELLI
i Fulelli u 20 di Ghjenn 20I9 (N°1174)

Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 2 Feb 2019, 10:40   Reply with quote

M'HA DETTU UN SAVIU

Un portanu pane in casa i sogni nè mancu i lagni
Fà, corsu cum’è i to antichi !legati u mandile in fronte
Ci hè e ripate in muntagna, in piaghja e lenze sò pronte
A empie grate è granachji fà girà mulini è fragni

Si tu voli vede menu pè fureste corre i fochi
Fà l’allevu è micca solu di stè vacche d’assistenza
Ma di st’animali corsi avvezzi à fà differenza
Per sterpà i sepalaghji, chi pascenu indù i to lochi

Pagà u pane à stù prezzu, pare più chè scandalosa
Ma granu ùn si nè sumena per aspetta u turistu
Fumà forni pè i paesi sò anni chè ùn aghju vistu
L’avvene prumessu tristu, nantu a fanghicciu riposa

U bàsta solu di pregà ricumandassi à u signore
Per mette e cose à u chjaru hà sempre rispote pronte
Ti guadagnerai u pane, cu i sudori di u to fronte
Seculi fà a ci’hà detta ! ma qui prima u lascia corre

Quandu in altu viderete e ripate à fasgiulete
In piaghja sinu à e marine suminati d’orzu è granu
Ringraziarete sti savii per i cunsiglii chi ci danu
Ma, vi senteranu più quandu voi ci penserete ?

Si pò mette dui mandili unu in fronte l’altru à u collu
Si tu i bagni tutt’e dui ùn sarà mai tempu persu
Ma si tu i caccessi asciutti vedi e cose à l’arriversu
Megliu hè cuntà nantu à sè chè di l’altri esse à l’affollu

Ghjuvan Carlu CASTELLI
i Fulelli u 31 di Ghjenaghju 2019 (N° 1179)

Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 9 Feb 2019, 11:06   Reply with quote

CONTACI PURU

Un cuntà nantu à u sustegnu prumessu da i paricini
Ghjè amarore u s’impegnu di u marrubbiu o di lupini
Rinneganu e prumesse, «chi mai hè stàtu, ùn pò esse » !

Dui seculi e trent’anni, più di u pèghju ùn cunniscimu
Pè sustegni sò affanni chi ùn avemu chèrsu à nimu
Muneta di cumpensazione, per depite di a nazione

U paradisu prumessu, ùn hè prontu à vede ghjornu
S’autori di l’interessu, u ponenu dentru à un cornu
Da e so prime suffiate, spulanu note impagate

Ci prumettenu esse danci in periode eletturale
Dopu eletti, tanti granci, di classa internaziunale
Fieri puntelli di a cricca, tercani di u ficca ficca

Per quellu chi fàce ciàbba li ferma sempre a sperenza
Spazzulittacci di rabbia spone i soi in referenza
Di lingua i cultelli accuzza per fà u tazza è minuzza

Apri l’occhji spalancati sfogati ùn ti nè fà privu
A bona luna tagliati di carpine frassu o alivu
Fà ghjocà s’accurtatochji ricatti à scimiscitoghji

Un mi parlate di ssà ropa d’alti ranghi paricini
Hànu a falzità di a scopa, l’amarore di lupini
Di a Madonna rinnigati ma, da u populu, tecchjati

Ghjuvan Carlu CASTELLI
i Fulelli u 05 di Ferraghu2019 (N°1184)

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 9 Feb 2019, 20:21   Reply with quote

«chi mai hè stàtu, ùn pò esse » !
iè o Ghjuvan' Cà' !
stu dettu casca cume casgiu nant'a e lazagne e ci aiuta a mette sale in zucca e a apre l'ochji à quelli chi un volenu fiighjà.
un vale a sturzuna, a forza ùn hà che una voglia : imponesi!......
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 16 Feb 2019, 10:25   Reply with quote

STANCU U PUETU

In manu una penna anch’ella stanca
Pensosu cerca e rime longhe à vene
Nunda si stampa, a carta resta bianca
Cio chi li soffia a musa ùn li cumbene
Stracqua dui filari ch’ellu sguassa
Da dumandàssi, puètu ! chi si passa ?

Nunda li vene per parlà di u futuru
Mancu pensa ricorre à u so passatu
Pur di caccià sugetti, da l’uscuru
Parlàcci di a terra, indùve hè natu
Longu a so vita zuffula di ricordi
A ramintàcci, nanzu ch’ellu si scordi

Ma, si perde à pensà, scrive ùn hà tempu
Mentre sbucina u filmu di a so vita
L’annate passanu ind’un colpu di ventu
Tempu di principià una ghjè finita
Dopu a scola, l’usina, pò a ritirata
A pensemu venuta, ella hè passata

L’anni sò corti, ci sfilanu in un lampu
Di certe penne s‘hè siccatu l’inchjostru
Pè ogni via ci si trova un’inciampu
Nantu caminu chi purtantu era u nostru
Ssù tempu, à ogn’unu di noi accurdatu
Un torna più dopu chi hà capulatu


Ghjuvan Carlu CASTELLI

i Fulelli u 14/02/ 2019 (N°1189

Back to top
Contenu Sponsorisé






PostPosted: Today at 15:31  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà All times are GMT + 2 Hours
Goto page: <  1, 2, 329, 30, 31, 32, 33, 34  >
Page 30 of 34

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky