Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Ghjuvan' Carlu CASTELLI
Goto page: <  1, 2, 331, 32, 33, 34  >
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà
Previous topic :: Next topic  
Author Message
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Wed 15 May 2019, 09:10   Reply with quote



PULITICHELLA


Puliticante d’oghjè, repuplica scunciata
Ti pò mette à l’onore chi deve andà in prigiò
Nè cerca i meritenti, nè sà ‘ndùv’elli sò
Chi more pè salvà, gloria l’hè misurata

Una borsa guarnita, di diccia puntellatu
Trovi u Signore à dorme senz’avè da cercà
Ma sorti di ssù mezu, chi ti ferma, sperà ???
Ssù pocu chi t’accore ùn vale esse citatu

Chjamati da l’ infernu, per suffià nantu e brasge
Ci hè vulsuta l’armata per salvalli di u focu !
Di ritornu à u paese, ‘festati ùn simu à pocu’
Pè rituali di rutina à l’eroi di a strage

Ti sbaglii di parcorsu, ghjè umana a ragione !
A colpa ùn hè mai toia sò l’altri, ti ne vene
Quandu sanu chi a vita appesa à un filu tene
Togliela à i suldati, ùn si cerca occasione

Pulitichente sceltu ghjè cio chi deve esse
S’ell’ hà cultellu in mana taglia è t’affetta l’altru
Contru repuplicana tre volte nantu à quattru
E attu à fà passà chi u filà ghjè u tesse


Ghjuvan Carlu CASTELLI

i Fulelli u 14 di Maghju 2019 (N°1227)

Back to top
Publicité






PostPosted: Wed 15 May 2019, 09:10  

PublicitéSupprimer les publicités ?

Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 18 May 2019, 07:56   Reply with quote



CULLEMUNE DUI



Cullemuci dui cavichjoli di a scaletta culturale
Ci videremu tesori piatte da e cusarelle
Richezze chi, a luntanenza presentanu mignulelle
Ma sò tamanti valori, d’inviglie internaziunale

Dui ! ancu pè parè pocu aprenu e porte indù mondu
Di ssè stanze sugellate dùve si piatta u sapè
Dancie, si pò fà pruvista tuttu hè secondu u vulè
Più si feghjerà d’altura, più piglierà pède u fondu

Ghjè a porta aperta à tutti ùn esisge l’alte scole
Si un sugettu porta frutti ci pò bastà largamente
Per cio chi saria un’ valore, tenimu insetu, è sumente
Da fanne ogn’unu pro soiu è regalu à chi nè vole

Un rinneghemu u passatu, mancu nè femu l’avvene
Per tuttu cio chi ghjè stàtu nè sia asgiatu u ricordu
Ma, cio chi ùn ghjova più, di core, in perfettu accordu
Femune pezze di museu in cambiu à ropa chi tene

Di a scaletta culturale cullemu dui scalelli
Ma chi puderia tre ùn sia suggettu à disparu
Ogni parulla hè sacrata regni indù vucabbulare
Si per noi hè digià tardi, prufiteranu i zitelli


Ghjuvan Carlu CASTELLI

i Fulelli u 16 di Maghju 2019 (N°1228)



Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 25 May 2019, 08:26   Reply with quote



MANGHJERIA ELETTURALE


Per modu abbituale, mi spiecu : ‘man’ di fattore’
Ci mudernizemu avale, milla !! a carta d’elettore
Per mè, ùn l’hànu capita? chi a so cumedia hè finita

Chi aspetta u mo suffraghju, deve suspiràll’ un pocu
Voglia di vutà, ùn n’aghju, mi ghjunghji puru u gobbu!
Nanzu mè, ghjè stàta detta, ‘avà ti cunnoscu erbetta’ !

L’interessu, u principale fora un titulu d’elettu
Ghjè di fà girà più male, mette l’acquisti in difettu
Tira petre, poi, mana piatta, dopu, à discapitu tratta

Vuterà ghjè u so affare, chi hà capu indù a sachetta
Facci cum’ella li pare, dò asgiu à chi u mèiu aspetta
Sò ghjungu a l’urna dumane sarà pè vutà u mo cane

Pensarete à cantà « gloria » ma, ùn mancate à u duvere
Un si festa una vittoria chè viotendu e rastellere
E accantà qualchi milione, in vista d’altr’elezzione

Pè ssù nuvellu canale mi ripetu, da u fattore
Ghjunghje, cosa pocu vale u ‘credu d’ogni aspiratore’
Un vi rumpite ciarbellu sò di a buggia un mudellu

Cusi dicu è cusi facciu nè sò avvezzu oramai
Mi dessite un nome in «acciu»! ùn vi cercheraghju guai
Pè stù mundigliu o puleghju, ‘u diavule’ teme u peghju

Ghjuvan Carlu CASTELLI
i Fulelli u 25 di Maghju 2019 (N° 1230)

Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 1 Jun 2019, 08:26   Reply with quote



" PE A FESTA DI E MAMME "


Un hè a festà di e mamme, u celu in silenziu pienghje
Ssù segnu lascia à pensà, ùn pò esse di bon ‘augura
Gode in pace un benistà, più và, è menu hè sicura
Si nantu à u focu chi cova, ci lampanu oliu pè spenghjè

Centu prumesse si sà, ùn facenu un pagamentu !
A chjachjara ùn ci dà pròve, di noi quale ùn hè ‘nchietu
Ben chi fermi a suluzione sparte e teppe cù l’arghetu
Tandu, s’ellu fussi u casu cambia di campu u spaventu

Avisu à chi ùn ci hà pensatu è si u so ciarbellu bolle
Ch’ellu rifletti à tre volte cio chi una vurria fà
Si schinchellu trova in strada, li cunveneria vultà
I trivuli muntagnoli ùn sò aghjevuli à’ngolle

Si tù si saviu è mi leghji, feghja prima di pone u pede
Un ti si dia fà passi, più longhi chè a ‘nfurcatoghja
Piu prufonda hè a venice, tantu hè dura a cascatoghja
Chi fessi in sì, di pruvà, pè l’avvene m’hà da crede

Sia pè a festa di e mamme cum’è tutte l’altre à vene
Regni nantu a nostra terra gioia, amore, è santa pace
U sole luce per tutti, l’omu a pruvessi, a ci face
Ma li ci vole a luna, e stelle, à e so brame, ci tene !

Ghjuvan carlu CASTELLI

i Fulelli u 26 di Maghju (2019 (N°1233)

Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 8 Jun 2019, 08:25   Reply with quote


CITATINU


Un si omu à suppurtà, timpani di sunagliere
Una pecura chi’mbela, un’abbaghju à u luntanu
Un si fattu pè a campagna, ùn ai stintu paisanu
Un ritornu indù a cita, feghjà ! fattine un pensere !

Ti castica u mo ghjallu s’ellu si sgorga à l’albetta
Ssù puzzicutu di beccu nantu à u pughjale in faccia
E voce di cignalaghji quand’elli mettenu caccia
E i scarpi stacchittati nantu a ricciata di a stretta !!!

Taglia e so legne u vicinu, t’annerba a sega mutore
Ssi miavulimi di a notte ‘ndù negru a ti passi in biancu
Ti sceglii e tripulazione è ùn ti nè accorci mancu
Un si omu à stà incù noi, di nostru, nunda t’accore

Voli sorte, fora piove sò pozzi longu à u stradone
Lavoranu, à tempu seccu, ghjunghje a polvera in casa
Taglia l’erba u to vicinu ghjè più à tè ch’ellu rasa
E quandu tù penciuleghji, mette à runcà Bazzicone

Mi nè tenissi à i to lagni, ghjè a vita di merturiatu
Si ghjuntu in cerca di riposu ùn ai trovu chè guai
Un teme, di fà ritornu pè sse ville, ùn si sà mai !
Ancu per sentedi di :« ci era, ti nè si andatu » !


Ghjuvan Carlu CASTELLI
i Fulelli u 26 di Maghju 2019 (N°1232)

Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 15 Jun 2019, 08:05   Reply with quote




M’INVENGU NIOLU

Di ghjunghju, pè u vinti tre, feghjinu à lasciami solu
Vogliu, a mo musa incù mè, staccine incu tè, Niolu !
U core à bughju ma fieri, cruvatta è bracciale, neri

Un sentimentu di rivolta s’hè spartu da Cintu à piaghja
Ma chi cullessi una volta, in Corscia, parlà cù l’aghja !
Di tristezza è da l’urrore, ghjacciu indu spinu li corre

Faccia à u putere altieru, u corsu degnu di rispettu
In più di un bracciale neru, fioccu di dolu à u stilettu
Pregherà, riposu eternu, è pè s’ebbrèi, focu d’infernu !

Dùv’elli eranu impiccati, pè ammaci quaranta ghjorni
Quella di ùn esse intarrati aghjusta, guai à frastorni
Pè l’assassini, à ghjustizia, avia pè rimà, sterpizia !

Turture è altri atti infami, pè u Niolu sottumette
Ondeci ! da quarant’ott’anni, sinu à u zitellu, dicessette
Senza prucessu, impicati ! poi sposti à u sole è lasciati

Un cambia ! stà vita hè dura, sò pochi à teneci caru
Di a bilancia ùn hè sicura vede, duie purtate à u paru
Sia civile o carcerale, ghjè un statutu culuniale

Peghju à fatti animaleschi, di a storia hànu scartatu
Cu genuvesi, è barbareschi, mai fù peghju u passatu
Di dritti di l’omi, i signatori, di criminali ? l’autori !


Ghjuvan Carlu CASTELLI
i Fulelli u 09 di Ghjunghju 2019 (N°1243)

Back to top
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Mon 17 Jun 2019, 10:16   Reply with quote

Ndlr :
Bravu o Ghjuvan Cà per sta bellissima puesia ! Di rima in ottu in ottu tradiziunale, què ghjè pè a forma. Da rammintà a Storia cù a strage di u 1774 è l’annessione di a Corsica da a Francia dapoi 1769, què ghjè per u fondu.
Luigi Giacomoni

*ammacì : ammarzì, immerzì, infracichì




Back to top
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 22 Jun 2019, 08:06   Reply with quote



ESODIU PRUGRAMMATU

Campanu da esiliati, donne è omi, i nostri cari
Ind’un’isula, ingrandati, poi, chjamati d’altri mari
Causa di a vita dura è i tercani di u lascia corre
Dilusi di a so sventura sò fughjiti, quessa o more !

A u ritornu di duie guerre, quelli brasgeri d’infernu
Vistune u stàtu di e terre, metteci e mane era indernu
A sepali eranu i so orti, più chè sterpi i so animali
Per sola esciuta, i porti, via ssè scole, poste, arsanali !

Si un’impiecu mischinu, u corsu s’hè prucacciatu
Sperendu à miglior’ destinu, i so lochi s’hà lasciatu
Per andassine in Caiena, u Maroccu o l’Algeria
A girà l’anime in pena, per quantu à u so santu credia

N’avessi o ùn avessi voglia, stà soli ùn era una vita
L’omu, hà pinzuta pè moglia, donna, pinzutu marità
I primi anni veneranu, qualchi ghjurnata l’istate
Piu tardi si scurdaranu, cio chi e filette chjamate

L’opera ùn saria cumpletta, si patroni ùn sò patroni
Per ùn fà « isula netta », ci hànu inviatu i razzoni
Avale ci hè da scimisce, per noi corsi risa è dannu
Hànu e donne à perturisce, ancu duie volte l’annu

Poi, l’usu di sti toglii vite, riversi di e situazione
Donne corse impinzutite, ùn si parli creazione !
Trà minighetta di e scole, è un bon’sensu naturale
Salvi a razza chi vole, pè u stàtu, ùn hè peghju male !

Ghjuvan Carlu CASTELLI
i Fulelli u 15 di Ghjunghju 2019 (N°1248)

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 29 Jun 2019, 14:07   Reply with quote

Les entraves à la liberté d’expression se multiplient : formatage médiatique de l’opinion, dictature du politiquement correct, vérité historique officielle, dictature des minorités agissante, théorie du complot… Ces derniers jours, les menaces viennent du pouvoir : l’inutile loi contre la haine sur internet d’un député LREM, une volonté de réforme de la loi de 1881 sur la liberté de la presse de la ministre de la justice, volonté de création d’un conseil de l’ordre des journalistes du secrétaire d’état au numérique.

Pays des libertés individuelles, la « pensée » française devient-elle uniforme, indifférenciée ? Les Français sont-ils devenus incapables de débattre ? Quels présidents de chaînes publiques remettra à l’antenne des émissions telles que « Apostrophes » de Bernard Pivot ou « Droit de réponse » de Michel Polac ? Plutôt que d’interdire Dieudonné, capable de remplir une salle sur un simple SMS, ou un Soral, ne vaudrait-il pas mieux les combattre par la réflexion ? Plutôt que de s’apostropher par tribune journalistique ne peut-on pas échanger, même vigoureusement, pour échanger des idées, chercher à convaincre et se laisser avoir droit de changer d’opinion ?

Pourtant, la libre manifestation des idées est l’un des fondements de notre République. Elle est une source de progrès. Elle est source d’ouverture et de vérité. La liberté d’expression suppose le droit d‘exprimer une opinion contraire à la majorité sans risque physique pour soi ou les siens, sans risquer l’opprobre et les insultes. La liberté c’est la liberté d’exprimer sa pensée ; d’avoir le droit de penser faux, de se tromper ; d’avoir le droit d’argumenter avec sincérité ses opinions.

Quelle est la fonction de la liberté de la presse dans une démocratie ?

Dans un régime démocratique où les citoyens sont destinés à exercer leur autonomie politique, la fonction essentielle de la presse consiste à leur donner les moyens de développer leur sens critique, d'évaluer leurs représentants et leurs administrateurs, et de former leur jugement politique. Il est par conséquent indispensable que la presse puisse fournir des informations pertinentes sans dissimuler des faits déplaisants, par prudence, par crainte ou par déférence à l'égard d'un pouvoir illimité.

Cette liberté d'informer est si essentielle à la démocratie qu'elle ne saurait être limitée sans mettre en danger les droits politiques de chaque citoyen. Comme l'écrivait Tocqueville, l'auteur de De la démocratie en Amérique : "Dans un pays où règne ostensiblement le dogme de la souveraineté du peuple la censure n'est pas seulement un danger, mais encore une grande absurdité". Aussi faut-il avoir des raisons supérieures, impérieuses même, pour la contraindre légitimement.

La liberté de la presse, c’est la liberté d’expression émise par une personne particulière : le journaliste. La multiplication des organes de presse du type BFM TV, I-Télé, France Info pousse la presse à divulguer des informations insuffisamment vérifiées, commettant des erreurs, et mêlant des faits incertains à des faits avérés. Or, comme le monde politique, le milieu journalistique n’est pas exsangue de toute critique. La collusion entre les deux mondes se révèle au grand jour (par sympathie ou par pression). Il ne s’agit bien sûr pas de condamner toute interaction entre le monde politique et le monde de la presse (la coexistence est aussi facteur d’échanges utiles). Il ne s’agit pas de condamner chaque fois que la presse se rend coupable d'erreurs de bonne foi, on ne produirait qu'un seul effet : la censure de la presse par son autocensure. La loi du 29 juillet 1881 sur la liberté de la presse et la combinaison des articles 4, 10 et 11 de la Déclaration de 1789, présente dans le préambule de la constitution, sont suffisantes pour protéger et limiter la liberté de la presse.

CAMPAGNOLU
Facianu i campagnoli lèa stretta incù a natura
Da zitelloni i figlioli cunniscianu ogni pianta
Si oghjè mandi un zitellu per coglie l’erbe si quentu
Parterà, ma ùn sarà quellu, chi a cena t’assicura

Per frutti quale più sà, quand’ella ghjè a stagione
Dumanderà di cumprà chjarasge mezu ghjennaghju
Quantu à pudelli spiecà chi maduranu di maghju
Canta si t’ùn ai da fà ! tantu ùn capisce ragione

Pè l’acelli ci campemu nè contu ma mi nè lasciu
Cunniscidori à cunfonde maddurachjoli è sturnelli
Di, chi a volpe sottu e fronde, piatta capretti è zitelli
U vitellettu di Anselmu u s’hà pigliatu un falcacciu

U corsu ùn cunnosce più s’arte di campà di a terra
L’isula ùn ci pò cuntà, ùn hè campagnolu di tandu
Chi ghjè andatu à cercà ? quante volte mi dumandu
Ma ùn vecu flanelle crosce, sia pè piaghja o pè serra

Nantu a banniera stampatu u moru ùn hè quellu d’eri
Rucchjittava nant’à u ponte pettu à i fucili incrocchji
S’allena u mandile in fronte, li fala à tappalli l’ochji
Ancu a faccia hà dimutatu è ci n’hè, chi nè sò fieri

A terra hà sempre pagatu ogni goccia di sudore
Un li si pò rimbeccà d’esse incù noi un’ingrata
Ma chi andessi à cercà, quantu oghjè ghjè tribulata
Saria fieru di u passatu micca di u tempu chi corre

Ghjuvan Carlu CASTELLI
i Fulelli u 20 di Ghjunghju 2019 (N°1250)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 6 Jul 2019, 08:50   Reply with quote

CEUX QUI PIEUSEMENTSONT MORTS POUR LA PATRIE........

DOPU A NANZU


Ghjè crùda a situazione ! di sti patti, à chi nè simu?
Ci regala ogni elezzione più pagliacci chè ùn credimu
Da chi messulu à pusà parla, di l’interessu soìu
Stoccafissu, baccalà, prumesse di crise, annoìu !

Canditatu, cantarà cu noì « u Salvi Regina »
Da l’indumane sarà, « l’albata per a ghjallina »
U moru faccia sbiancata, dupita chi ùn nù a scrocchji
Porta a so benda allenata pè ùn vede piatta l’ochji

Corri a l’urna lampi un votu pensi difende è to ideie
Ti sbaglii, t’ai fattu un nodu, per toie, quantu pè meie
Puntelli a so raggio, l’inversu di a so prumessa
Di un si, nè farà un nò, vulè o ùn vulè, ghjè quessa !

Si à l’urna pettu a pettu, mi scontru cù i candidati
Di rabbiina è pè dispettu, diceraghju à ssi bèati
Cuntami stà sera à u scutinu, ùn nè averete l’onore !
Poi mi facciu u mo spuntinu, cu voti è carta d’elettore

Dicenu chi à u stirpatore ùn manca capre a stirpà
Ma per chi ùn hè chè amatore pensu hà d’avè u da fà
Ssù moru chi mette a benda pè ùn vede più spavecchju
Sà : elettu chi ùn s’amenda ?si perde, famitu è techju !


Ghjuvan Carlu CASTELLI[/b]
i Fulelli u 03 di Lugliu 2019 (N°1260)

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 13 Jul 2019, 10:39   Reply with quote

"En à peine un mois, c’est un demi million d’électeurs, selon les chiffres validés par le conseil constitutionnel qui ont signé la proposition interdisant la privatisation d’Aéroport de Paris et pour l’organisation d’un référendum d’initiative partagée.



le tutoriel pour signer, en ligne ou auprès de votre mairie
1 demi million de signatures en un mois

D’après le décompte de Libération ou encore le compteur participatif de David Libeau, qui dénombre 478 000 soutiens vendredi 5 juillet, le nombre de soutiens validés, a dépassé 10% des 4,7 millions de signatures nécessaires pour qu’un référendum soit organisé.

Le rythme de signatures est reparti à la hausse et une dizaine de milliers de personnes signe chaque jour la pétition référendaire."

CUMU TAGLIEMU E CARTE

Mèssuci u cullare, a briglia poi, fattu girà in tondu
Republica !ùn t’assumiglia ! sò cose di un’altru mondu !
Ogni pruposta avanzata ghjè pè facci perde pede
Caru à noi ci hè custata ! n’ai puderi, è ùn cacci sede !

Da chi trovi una surgente, d’acqua pura face inviglia
Unu in posta, sempre attente à rianghjulà in famiglia
Un inventu nunda di troppu, di e cose, e vecu è ùn dicu
Chi chjama una capra, sciocca, si pò grattassi u billicu !

S’ell’ùn ùn hè legale, hè d’ùsu, l’usu si sà, batte a lege
Cio chi ci pare cunfusu ghjè una simplicità in vece
Per chi pensa esse quellu chi a spartera hà rinnegatu
Fughji ! ma ùn facci appellu, in ghjustizia o u senatu

Ma,chi nasce a bona luna, di u bon sensu distibuitu
Bè puntellatu ùn dighjuna, pò peccà ùn nasce u figu !
Allora, statemi à sente, sò chi mi ringrazierete
Oghjè un ziu pulitichente, vale più chè un ziu prete

Mi capiscerà chi vole, apre l’ochju è tende arechje !
Per sorte di l’alte scole, o t’imbuffi o campi à crechje
C’un pocu di filusofia è per mo contu diceraghju
Per mè sia cum’ella sia, sinu a morte camperaghju


Ghjuvan Carlu CASTELLI
i Fulelli 11 di Lugliu 2019 (N° 1266)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sun 14 Jul 2019, 10:08   Reply with quote

Par Jean-Clément Martin

professeur émérite à l’université de Paris I-Panthéon-Sorbonne



Alors que le « peuple » réclame qu’on l’entende, il n’est pas inutile de faire un détour par la constitution de 1793. Adoptée en juillet 1793, elle fonde en droit la République qui avait été proclamée le 22 septembre 1792. La déclaration des droits de l’homme et du citoyen qui ouvre cette constitution de l’An I invoque immédiatement « le peuple » et se clôt par l’article 35 qui proclame : « quand le gouvernement viole les droits du peuple, l’insurrection est, pour le peuple et pour chaque portion du peuple, le plus sacré des droits et le plus indispensable des devoirs ».

Indiscutablement, en légitimant l’insurrection du peuple cette déclaration crée une rupture dans l’histoire politique du monde dont on pourrait s’inspirer, s’il ne fallait pas rappeler aussitôt que la constitution de 1793 ne fut jamais appliquée et, avec une certaine dose d’ironie, qu’établir le « gouvernement du peuple, par le peuple et pour le peuple » constitue précisément le principe de la constitution du 4 octobre 1958, de notre Ve République !











QUATTORDECI LUGLIU CORSU

Un vi pàrlu chè di u nostru, mi pare cosa nurmale
Cio chi mi ferma d’inchjostru u tengu pè u generale
Chi un quattordeci lugliu in babbu di una nazione
S’alzò pè sguassà l’inghjulie fatte à una populazione

Ssù quattordeci purtava pè l’avvene una sperenza
Ma Parici ellu intrecciava, fùne pè a preputenza
Si lunatica ùn dissegna, pè ‘ngabbulà boni tutti
Hànu ancu viziu di fà legna, di l’arburu chi dà frutti

Da l’arsura sti puderi, quanti nè hànu accurtatu !
Oghjè ghjè peghju chè eri, poche cose hànu cambiatu
I Rè s’elli hànu manghjatu, ci ferma sempre qualcosa
Marianna, averà, lasciatu, piattu viotu a l’arritrosa

U nostru maestru di scola, ci parlava di dittatura
Ci pensu, pare una fola, sò seculi chi ella dura !
In solu di durà, prugressa, incù ruspenti ultra muderni
Solu u benistà rigressa, pè lagnenze o pienti ‘nderni !

A capu d’altre nazione qualchi omone ùn si sbaglia
Abbraccia a custituzione di u zitellu di Merusaglia
Esiste ? nimu hè più degnu, ci privanu ancu di st’onore
Pè spugliacci, basta un segnu ‘nviatu à l’ordinatore

Stù quattordeci di u babbu, feghja corsu ! ùn ti scurdà !
Si nimu hà mai rispettatu, ssù credu pè a liberta
Malgratu u tempu chi corre, malgratu quellu chi passa
Chi di noi u lascia more, ghjè a so storia chi sguassa
Ghjuvan Carlu CASTELLI
i Fulelli u 14 di Lugliu 2019 (N°1267)


_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Ghjuvan Carlu


Offline

Joined: 30 Nov 2014
Posts: 236
parlatu: Casinca
masciu o femina?: Masculin
rughjone: Fulelli

PostPosted: Sat 20 Jul 2019, 08:19   Reply with quote

CE N'EST PAS LA MERE MICHELE CHI PENDRA SON CHAT

BOCASSA
Ghjè chjamatu « Bocassà » per via di u so culore
Di statura pò passà, ma negru di pelu è di core
Ghjè un misgiu fate puru, nunda aspettate in ritonu
Pè un ringraziu sò sicuru, ùn sarà dumane u ghjornu

Quattr’anni chi u mi curgu s’hè stallatu in pensiuneru
Mi lascia e spese è vi ghjurgu, di l’esitu ùn nè sò fieru
Mi vulessi avvicinà à menu di tre passi hè ‘ndernu
Simbuffa è mette à suffià cum’è una bocca d’infernu

Pè a bellezza ? un paone, quale ùn s’innamora d’ellu
Ma, una grazia di lione, è u micidiu sottu pelle
Si nè stà acciucciulatu longu à u corpu piatta a coda
Per timenza u scelleratu, tucchendula, ella s’annoda

Aghju avutu tanti misgi ma cum’è st’ultimu, mai
Ci n’era russicci, grisgi, bianchi, tre culori assai
Un sò quanti sainati, pelu rasu, pò u ricciulatu
Ma cusi indiavulati in casa, ùn hè mai entratu

S’ella vi si dà di vene indù portacudù u truverete
Da ssù cantu dùve si tene, da ch’affaccate vi vede
Siate attente fate pianu, di ghjocu quessu ùn hà brama
Un li tendite a manu, ùn cunnosce nancu a mamma !

Negru cravattatu biancu, s’ellu hè quellu chi cercate
Un ci hè disturbu per tantu venite è u vi pigliate
Un aghju pensadu à di : ssà razza ùn saria di quella
Sutisfattu di una piazza à u caldu sottu a l’ascella

Ghjuvan Carlu CASTELLI
i Fulelli u 15 di Lugliu 2019 (N° 1269)

Pare chi saria canditatu pè e prossime elezzione



Last edited by Ghjuvan Carlu on Sun 21 Jul 2019, 14:41; edited 1 time in total
Back to top
talavesu


Offline

Joined: 05 Nov 2015
Posts: 25
parlatu: sutanacciu(taravu)
masciu o femina?: Masculin
età: Francu i 60
rughjone: taravu

PostPosted: Sun 21 Jul 2019, 12:22   Reply with quote

Vi ringraziu ô Ghjuvan Carlu,

Intesa a radio "dite a vostra".
Mi possu permette di fà una copia e di spartalla nant'a reta ? twitter .
copia integrale senza scurdami di cità l'autore e u foru corsu di estremei.
Leghju stu foru sempre inc'un piacere tamantu.scusate i sbagli di scrittura.
Bona fin di settemanne à tutti. a prestu, d'a leghjevi.
talavesu
_________________
60 anni talavesu, campu in cita d'aiacciu ma sò di u vangone di u taravu

Back to top
estrimei
Mezanu

Offline

Joined: 07 Jun 2012
Posts: 1,921
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 27 Jul 2019, 09:26   Reply with quote

Alexandre Langlois fait l'objet d'une exclusion temporaire de six mois dans la police nationale après avoir révélé en interne et à la presse un certain nombre d'éléments graves au sujet du ministère du l'Intérieur. Suicides, agressions sexuelles, falsifications de chiffres, gazs lacrymogènes toxiques, le policier dit tout.

APRITE L’ARECHJE

Corsu ùn puderai piu bèie
Acqua di e nostre surgente
A sò ! ùn mi voli crede
Pocu è micca stai à sente
I danni chi tu ai fattu
Pè stimalli ùn ci hè luseru
Cio chi venerà indù piattu
Ghjè per dumane ùn penseru

Sti vileni chi si lampa
Per aria cum’è indù a terra
Nè more più chi ùn nè campa
Nè sterpa più chè una guerra
Tù, pensi fà un’acquistu
Pienghje a natura ferita
Si t’ùn ti nè si avvistu
Ogni pianta hè ‘ncancarita

Un basta l’arburatura
Oghjè tuttu hè per l’uguale
Di cio chi ghjèra natura
Cercu ùn trovu naturale
Quandu sarà pruipitu
L’impiecu di ù sterpa tuttu
U dannu sarà cumpiitu
Omi, bestie, arburi à fruttu

L’opera in fine cumpletta
Cu a rumenzula interrata
Indu a vita nunda si ghjetta
Ma, pare chi righjarata !!!
Poi ! si sà chi a truvulata
Ghjè quella chi’ngrassa u porcu
Cumu ùn sarà regalata
Ghjettanne saria un tortu

Ghjuvan Carlu CASTELLI
i Fulelli u 22 di Lugliu 2019 (N° 1273)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Contenu Sponsorisé






PostPosted: Today at 14:51  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà All times are GMT + 2 Hours
Goto page: <  1, 2, 331, 32, 33, 34  >
Page 32 of 34

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky