Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest


per luttà contru a maffia:
https://massimususini.corsica/

____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Ghjuvan' Carlu CASTELLI
Goto page: <  1, 2, 3 … , 33, 34, 35  >
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà
Previous topic :: Next topic  
Author Message
estrimei
Mezanu

Offline

Joined: 07 Jun 2012
Posts: 1,924
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 21 Sep 2019, 14:39   Reply with quote

Okay Okay Okay Okay Okay

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Publicité






PostPosted: Sat 21 Sep 2019, 14:39  

PublicitéSupprimer les publicités ?

Back to top
Ghjuvan Carlu


Offline

Joined: 30 Nov 2014
Posts: 240
parlatu: Casinca
masciu o femina?: Masculin
rughjone: Fulelli

PostPosted: Sat 28 Sep 2019, 07:41   Reply with quote

RINNOVU

Per fà cum’è tutti i so antenati
Ghjennaghju veste a tenuta di sposa
Sottu à u biancore a natura riposa
L’arburi eri, più di metà sfrundati
Sò in fiori tutti di u stessu culore
Di stelle luccichente, un splendore !

Ssà bella vista durà dui o tre mesi
Sinu à chi Marzu ùn si sulpi a bianchina
Ma dà chi u veranu si sbucina
Sentu di canti, chi più l’avia ‘ntesi
Più ‘ntesi, è mancu avia piu vistu
Di un vechju nidu fanne u riacquistu

Aprile, maghju, ghjugnu o quanti fiori !
Future grane o u frutti pè dumane
Tale altri pè licori o pè tisane
Ghjuntu a cursura averanu l’onori
A sera dopu tocca una cert’ora
Quale ùn brama scallassi dentru è fora

L’ultimi mesi ti ferma pè duvere
Pinta di sangue è oru ogni campagna
Carpighjatu a to uva, coltu a castagna
Compie s’ellu ti ferma suminere
Ti nè rientri un fasciu di scopa a sera
Un nè perdi l’avvezzu u to sumere

Passatu què, un pocu di riposu
Pensu chi st’annu l’ai meritatu
Ssù qualcusella à fà chi t’ai lasciatu
Un ti paga di cio chi ùn ai gosu
A sudatoghja ùn sara mai indernu
Si felice podi affruntà l’imbernu

Ghjuvan Carlu CASTELLI
i Fulelli u 19 di Settembre 2019 (N°1300)

Back to top
talavesu


Offline

Joined: 05 Nov 2015
Posts: 26
parlatu: sutanacciu(taravu)
masciu o femina?: Masculin
età: 61
rughjone: taravu

PostPosted: Sat 28 Sep 2019, 09:05   Reply with quote

Okay bravune
cusi bè dita :
A sudatoghja ùn sara mai indernu (indar(n)u, si prununcia ind'nosci locchi).
_________________
61 anni talavesu.
si campa in cità senza maì scurdaci di u nosciu paese.

Back to top
Luigi Giacomoni


Offline

Joined: 26 Jan 2013
Posts: 558
parlatu: Rutali
masciu o femina?: Masculin
rughjone: Nebbiu

PostPosted: Sat 28 Sep 2019, 20:10   Reply with quote

Belle sistine à a rima ABBACC.

Bella descrizzione di a natura è di e faccende di l’annu.

Back to top
Ghjuvan Carlu


Offline

Joined: 30 Nov 2014
Posts: 240
parlatu: Casinca
masciu o femina?: Masculin
rughjone: Fulelli

PostPosted: Sat 5 Oct 2019, 08:10   Reply with quote

L’OMBRA E L’AMICU DI SCOLA

Più ‘ndocu viderai fuconi cinderosi
Nè mancu più paghjole appese à e catene
Un stamperanu più i muri fumicosi
Duie ombre à aspettà quellu chi ùn rivene

Un senterai sgranà, preghere è ghjè vera
Attempu à u fucone si sò spente e so voce
L’ultimu focu accesu cunsumava ssà sera
Cio ch’ell’era fermatu di u vechju lettu di noce

U fattore ùn ci hè più s’hè persa a lettarella
U figliolu quallà, mortu anch’ellu luntanu
A piu pochi di noì li si stringhje a cannella
Di tandu, a giuventu, ùn sò tanti chi sanu

L’ombre ùn riturneranu à scallasi à u fucone
Cum’è i tizzoni anch’elle un ghjornu si sò spinte
Di e negre muraglie si nè parla in canzone
Quelle chi ùn sò falate, l’hànu scialbate è pinte

Ci pensu è, quandu scrivu vede sfilà mi vale
Un soffiu di zitellina, pensu avella digià detta
So l’annate quaranta, a scola cummunale
E u bancu spartutu à u primariu in Barchetta

Pè u ricordu di l’amicu u puetu (T- PASQUALINI)

Ghjuvan Carlu CASTELLI
i Fulelli u 27 di Settembre 2019 ( N° 1305)

Back to top
estrimei
Mezanu

Offline

Joined: 07 Jun 2012
Posts: 1,924
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 5 Oct 2019, 11:10   Reply with quote

bellu ricordu,..... e cusi ghjustu!



tizzoni , ùn ci n'hè più, i castagni so secchi,
i vechji simu noi e guasi tutti lecchi
[a vita , a marina a s'hà pigliata tutta
tutta colma di sollu , d'appasci e di droga
a ghjuventu chi resta,li contanu e folle
l'ingonfianu u capu , a facenu 'mbercà
sperendu un ritornu chi mai ùn si ferrà.....
u sgalabatu
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,924
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sun 6 Oct 2019, 12:17   Reply with quote

GHJERA REALITA

Supitu aghju pensatu avè sunniatu
Dopu una nuttata un pocu agitata
Strufingu l’ochji, tandu realizatu
Ssù fattu? ghjèra a realita spuglita
Buggiardu ! stù pudere si nè tene
Pè nucente, d’ùn avella vista vene

In solu di ùn avella vista vene
L’hà crèata, à ellu l’hà arrangiatu
Ma oghjè chi pàga di e so schene
Un hè maì quellu chi si n’hè tichjatu
Si bè, ùn finisce cum’è una fola
Chi ama pesciu, s’aspetti à lisca in gola!

U diavulu, di a stessa manera
Vi forza à fà malfatte pò e palesa
Ma Cristu, ùn fàce i so conti ogni sera
Per pagà chi a merita, ùn feghja spesa
Piu longu si dà tempu è più raporta
Cun ellu, ùn vultà maì viota una sporta !

Quandu nimu ritrova conti chjari
Riscalla l’aria è bollenu i ciarbelli
Tandu hè d’usu, chi frà d’amici cari
Fàssi di quelli onori, usa trà di elli !
Tandu sò più poche e discussione
A parulla, hè lasciata à e munizione

Quand’ella accade si campanu in Parici
Combiu u pudere si nè strufina e mani
Và bè per elli ma, tù corsu, chi nè dici ?
Quandu di fratellu ai sangue indù e mani ?
Babbone da quassù ghjè spaventatu
A carne di a so carne, un rinnegatu ???

Ghjuvan Carlu CASTELLI
i Fulelli u 05 di Ottobre 2019 (N°1311)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,924
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 12 Oct 2019, 10:03   Reply with quote

CORCIA DI TE
Corsica corcia di tè ! ma ‘ndùve sarai cascata ?
Si nè faranu un piacè vedeti un ghjornu appaghiata ?
I to pretesi figlioli di megliu ùn ponu avè trovu
Chè fa gjunghjè fantiglioli à i morti di Ponte Nonvu

Dùve saranu quelli eroi chi hànu fattu a nostra gloria ?
Morti pè salvà i soi, ssi nomi, sò a fiertà di a storia
S’in casu oghjè unu casca, ùn hè pè salvanne d’altri
Spessu, cugliendu a ‘frasca’ dùv’elli sò i più sgualtri !

Quand’ unu di to figlioli si picchja à cullà una scala
L’altru sega i cavichjoli pè feghjà cumu ellu fala
Pocu importa quale hè sottu, chi crepa noi l‘interremu
A chi pienti à còre rottu, chi cù rise cum’è un scemu

Stè manere à l’antigogna ùn hànu mai fattu pròve
Si vo’ ùn avete vergogna mittite in pratica e nòve
Un populu ghjè à l’ascolta mustrateli stintu corsu
S’ellu nasce una rivolta ùn vi basterà u rimorsu !

Finimu cù sbruffa e spaccate, i termini sò francati
Sti ghjochi infetti, arrestate ! pè u riposu di l’antenati
Tenitevi stretti a mana, parlate di una sola voce !
Nantu a l’urna ssà villana s’ellu ci vole fate a croce

Si cunsiglii ùn nè vulete, pigliatela nantu à voi
Un ghjornu capiscerete cumu venenu l’annoi
Vi dumandu per piacè chi nè risentissi offese
U peghju ùn sarà più pè, u bambulu casinchese!

Ghjuvan Carlu CASTELLI
i Fulelli u 07 di Ottobre 2019 (N°1312)







_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Ghjuvan Carlu


Offline

Joined: 30 Nov 2014
Posts: 240
parlatu: Casinca
masciu o femina?: Masculin
rughjone: Fulelli

PostPosted: Sat 19 Oct 2019, 08:46   Reply with quote

COLPI PE I VECHJI

Nunda à tiràcci ! ghjè vera s’ell’ùn hè pè creà spese
Simu a vecchiaria intera chi ruinemu u paese
Levateci e ritirate, è s’ell’ùn basta, cucculate !

Un vechju, rivene caru o pò esse di bon’ raportu !
Un costerà più danaru, da u ghjornu ch’ell’hè mortu !
Chi ùn si decie è trica, basta una stretta ogni vita !

Ci n’hè, correnu à ricatti per trè pruni indù suttanu ?
S’elli sò custi, ti gratti ! quessa ancu e scimie, a sanu !
Ma, pè tanti polli bagnati, sò sepalaghji chi sò nati !

Pè furtuna chi ù guvernu, taglia qualchi zifulellu
Dùv’ellu mena ùn hè ‘ndernu, Limbu pè vechjarellu
Hà dettu un’altu piazzatu : l’aspettu chi rendi u fiatu !

Per chi abbraccia i milioni, sò misere fine di mese!
Un ci hè alcuna ragione di frenà, è cuntrullà spese
Ma u vechju stercaghjone scialappa à ogni buccone !

Per cuntà l’anni di certi, sò pochi i « pio » di a china!
Un aspettà chi nè parti, ma per ghjunghje, chi ruina !
Piazza à sti novi scalati, st’artificieri aggrègati !!!

Chi spèrava à l’armunia sentendu u cantu di u ‘ghjallu’
Menu dilusu saria pigliendu un calciu di cavallu
Anni n’aghju ottantanòve, ùn aghju, mai vistu pròve !

Ghjuvan Carlu CASTELLI
i Fulelli 11 d’Ottobre2019 (N°1313)



un hè per mè chi parlu 89 anni mi so sempre zitellu

Back to top
talavesu


Offline

Joined: 05 Nov 2015
Posts: 26
parlatu: sutanacciu(taravu)
masciu o femina?: Masculin
età: 61
rughjone: taravu

PostPosted: Sat 19 Oct 2019, 17:18   Reply with quote

Saluta o Ghjuvan'Ca,

L'anima ziteddina un ti cappiarà mai, bravu.
Nutizie di Di Sfughjita ?
Ancu senza cunnosciala, a leghju e l'ascoltu sempre incu piace.
Li pregu curaghju.
_________________
61 anni talavesu.
si campa in cità senza maì scurdaci di u nosciu paese.

Back to top
Di Sfughjita


Offline

Joined: 14 Jan 2013
Posts: 537
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Tue 22 Oct 2019, 07:30   Reply with quote

O Talavè, salute,
Apru u m'ordinatore per andà à leghje l'ùltimi filari di Ghjuvan Carlu Okay è trovu stu messaghju vostru chì si primura d'a mo salute... Shocked è sò tocca, tocca in pienu, tocca assai . Aghju avutu, hè vera, capatoghji di salute, volesi dì chì prima ch'elli ci rassicureghjinu i risultati di l'anàlisi medicali, in casa supranava l'inchiètudine Sad Ancu di grazia fù più a paura chè u dannu : mucata sì, ma viva !
Torna grazie tante, bellissima ghjurnata in paese vostru è di sicuru à prestu prestu pè issi lochi" estricuntrastosi" Okay
_________________
À chì hà Tempu, ùn aspetti Tempu

Back to top
talavesu


Offline

Joined: 05 Nov 2015
Posts: 26
parlatu: sutanacciu(taravu)
masciu o femina?: Masculin
età: 61
rughjone: taravu

PostPosted: Wed 23 Oct 2019, 12:32   Reply with quote

O Di Sfughjita, saluta,

A saluta di tutti i nosci cunniscenze mà chi ci hè di piu priziosu ?
Ghjenti che leghju qui o ascoltu inde l'amicu Marsilly, una famigliona pà me.
Preghemu chi i capatoghji di saluta so passati.
U paese, solu fine di settimana campu in cità d'Aiacciu.
Mi fermu qui chi femu "hors sujet'.
A poesia, u nosci'amicu Ghjuvan Carlu c'incanta sempre.
Grazia pà i nutizie, un fraternu abbracciu a tutte e tutti.
_________________
61 anni talavesu.
si campa in cità senza maì scurdaci di u nosciu paese.

Back to top
Ghjuvan Carlu


Offline

Joined: 30 Nov 2014
Posts: 240
parlatu: Casinca
masciu o femina?: Masculin
rughjone: Fulelli

PostPosted: Sat 26 Oct 2019, 08:09   Reply with quote

A DICE U SERPU
Ma perchè chi a mo vista vi ripungne è vi ‘nsischisce ?
Esse boffu ùn ci aghju colpa ! sò cumu Diu m’hà fattu !
Sentu chi vi dò schivezza, quandu chi possu, mi piattu
Ogni scontru incù l’umanu, si sà cumu ellu finisce

S’elli hànu accusatu à mè, a Eva, ùn l’aghju tentata !
U malignu pè sculpassi s’era messu indù a mo pella
Si à l’omu l’hè fermatu un figu mezu a cannella
N’avessi avutu u pudere, l’avia compia a so falata!

Ghjè vera sò magru, longu mi trascingu, senza pedi
L’ochji in focu di u dragonu una chigna à fà paura
Chi mi vede da luntanu fà l’avvinta ùn si nè cura
Paragunatu à l’urrore, ma ùn sò tale tù mi vedi

S’èo mi sciaccu una granocchja o mi casca un’acellettu
Un hè per u mo piace devu di campà dinu eiu
Quandu u mo stomacu chjama ùn hè per mè ghjubilièu
Ma ci n’hè peghju chè mè, da un lione à un falchettu

Mi chjamu u serpu, o serpacciu crèatore di u piccatu
Sfughjitu d’altri animali, da l’umani, è tutti i santi
U sò cio chi sarà in celu, nantu a terra più chè tanti
Pè salutu, vinculate sinu à chi ùn sò dirruchjatu

Aghju per mè di ripugne, aghju per mè di’nsichice
Un hè mancu colpa mèa s’èu sò boffu è facciu schivu
Si l’umanu ùn mi carezza di petrate ùn nè sò privu
Pè ghjucassi di a mo vita qui, nisunu fàce nice

Ghjuvan Carlu CASTELLI

Fulelli u 15 di Ottobre 2019 (N° 1315

Back to top
Ghjuvan Carlu


Offline

Joined: 30 Nov 2014
Posts: 240
parlatu: Casinca
masciu o femina?: Masculin
rughjone: Fulelli

PostPosted: Sat 2 Nov 2019, 10:14   Reply with quote

ACQUATA NUTTURNA


Ma ! stù sussuru sordu, ghjè tintenna o candelle ?
Sentu, vene da u nordu ! cio chi pare un’acquata !
Subitu pensu, un sognu ? a luna era piattata !
Un vedia chè nigrura, chi ghjè ? pieghjenu e stelle ?

Un lampu sopra u mare, turchina fiacculata
M’hà fattu trasaltà, ghjustu apria l’albetta
Piuvia, acqua minuta, guasi muta ma, stretta
Megliu ùn si pò sperà per dà una temperata

L’arbigliula si campa, oru st’incrusciatoghja !
Sò felici i pastori, cesseranu ancu i lagni ?
Cu sti tempi beati ridenu ancu pè i calcagni
Per elli, hè tantu casgiu à falà indù a fattoghja

A macchja spulvarata cunsente à l’animali
Sia vaccina o capruna dà menu noia à i denti
Fochi s’ellu ci n’era oramai i ci hà spenti
Ci hè qualchi puzzatellu d’acqua pè i pasciali

Sente compiu l’estate, frighje fora e candelle
Venissi da u meziornu, da punente o levente
Piace, à chi campa è spèra, mai saria dispiacente
Di prumette à l’avvene, ghjurnate di e più belle !


Ghjuvan Carlu CASTELLI
i Fulelli u 20 di Ottobre 2019 (N°1319)

Back to top
Luigi Giacomoni


Offline

Joined: 26 Jan 2013
Posts: 558
parlatu: Rutali
masciu o femina?: Masculin
rughjone: Nebbiu

PostPosted: Mon 4 Nov 2019, 17:57   Reply with quote

Acqua benedetta !

Belle fiure, belle quartine à rime chjose cù un ritmu chì ci porta à l’incantu.

Bravu à u nostru puetone Ghjuvan Carlu !

Back to top
Contenu Sponsorisé






PostPosted: Today at 23:04  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà All times are GMT + 2 Hours
Goto page: <  1, 2, 3 … , 33, 34, 35  >
Page 34 of 35

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky