Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest


per luttà contru a maffia:
https://massimususini.corsica/

____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Ghjuvan' Carlu CASTELLI
Goto page: <  1, 2, 333, 34, 35
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà
Previous topic :: Next topic  
Author Message
Ghjuvan Carlu


Offline

Joined: 30 Nov 2014
Posts: 243
parlatu: Casinca
masciu o femina?: Masculin
rughjone: Fulelli

PostPosted: Sat 9 Nov 2019, 08:49   Reply with quote

MA DUVE SO ?
Sentu gridi di ghjandaghje, trizinimi di falchette
Cantà nantu e sepalaghje russignoli, è capinere
Sentu fischjulà u merlu, sentu u ciocciu tutt’è sere
Ma ùn sentu più cantà pernice per stè cullette

Sentu à leticà di corbi per pocu baschicciu à sparte
Scontru, banderetta in capu e pappusge pè a strada
U masciu di a turturella cantà pè a so namurata
Ma stè rondine casane, ùn hànu trigatu à parte

Una trentina di sturnelli fàcenu a cùra di l’alive
U fruttu ùn trova madure chè quellu chi hè farcitu
L’acellu ùn hà tanta scelta nanzu chè stàssi famitu !
Manghja cose naturale, per elli, ùn sò e più schife

Canta u ghjallu à perde fiatu, cerca amatore di sprunate
Sentu imbelà una capra, a s’allungava, ghjè sola !
U canacciu, ùn hà cignale! si tenghi l’abbaghju in gola!
Pè u sumere ùn ci hè ribombu chi rispondi à e runcate !

Di stà vita campagnola, tantu pocu n’hè fermatu !
Un si face paragoni, u presente hè crudu è nudu
Ci era u silenziu, ghjè brèa, dùve era animatu, mutu
U ghjornu ci sguassa a notte, u mudernismu, u passatu

Digià oghjè ùn n’hè più eri, chi nè saremu dumane ?
Di tuttu stù cambiamentu chi ci prumette l’avvene ?
Quandu noì strapparemu st’ultimu filu chi tene
Ogn’unu capiscerà cio chi vulia di : « PANE »

Ghjuvan Carlu CASTELLI

i Fulelli u 22 di Ottobre 2019 (N° 1320)

Back to top
Publicité






PostPosted: Sat 9 Nov 2019, 08:49  

PublicitéSupprimer les publicités ?

Back to top
Ghjuvan Carlu


Offline

Joined: 30 Nov 2014
Posts: 243
parlatu: Casinca
masciu o femina?: Masculin
rughjone: Fulelli

PostPosted: Sat 16 Nov 2019, 09:00   Reply with quote

MINACCE ???
U celu s’anniuleghja, ci’abbughja attempu ogni còre
Una malasorte veghja chi vole o, chi ùn vole mòre
D’ella ùn ci sperà cunfortu, vene à purtatti vilenu,
Francatu, fruntiera o portu, vumita u so troppu pienu

Un nè capimu a ragione, qui spalancanu e fruntiere
A tal’ puntu chi a nazione mette u populu, in pensere
Tuttu, diventa infernale cio chi nanzu era divinu
Capiciotta ver di u male trista lascida di Cainu

Un si parla chè d’acquistu, à ùn sapenne u chi fanne
Dùv’ell’hà fiascatu Cristu, sperenze ùn si deve danne
Saria per noi un mancà, chè di ùn cuncede larghezze!
Ma cuncede è trapassà, per elli, sò dibulezze !

Un sò mai chè cose vane, sapè apre l’uscii in grande !
Porghji puru à duie mane, ellu, hè altru chi pretende !
Esse di u toiu u patrone ma, si u pattu ùn ti cunvene
Stàcci ùn n’ai l’oblicazione,vaì puru ! ùn ti ritene

Cù quale, d’oghjè si ragiona si pò sente stù discorsu
Và crescendu, ùn’impressiona micca solu chè u corsu
U bughju ci piatta u ghjornu, s’hè stallatu nantu à terra
Aghjustatu à stù frastornu, u nigà d’ùn dicci hè vera

U nostru celu s’hè abbughjatu cum’è di noì ogni core
Di e lezzione di u passatu scherzu nè senti discore
Ma, ghjè scritta è pò ‘ntravene l’oraculi ùn sò bugiardi !
Pregu pè i dumani à vene ancu si per mè, ghjè tardi !!!

Ghjuvan Carlu CASTELLI
i Fulelli u 03 di Novembre 2019 (N°1324)

Back to top
Ghjuvan Carlu


Offline

Joined: 30 Nov 2014
Posts: 243
parlatu: Casinca
masciu o femina?: Masculin
rughjone: Fulelli

PostPosted: Sat 23 Nov 2019, 10:18   Reply with quote

A VOCE DI U SILENZIU

A voce di u silenziu, muta si fàce sente
Sà megliu què nisunu a manera di transmette
Entre indu a nostra mente, c’impone di riflette
U sbagliu ùn l’hè permessu, ella ci n’hè attente

Chi troppu forte dice, accionca à u più spessu
Fàce ribombu in capu sorte cumu hè entratu
Gode di stù sapè si à tutti ùn ci hè datu
Chi più chè pate ùn pò, ci starà sottumessu

Sai u silenziu hè d’oru di ventu hè a parulla
Ssù dettu, santu è saviu, mi vene spessu in mente
«Runcate di sumere u celu ellu, ùn nè sente »
Dùve ùn volta ribombu ùn si passa più nulla

Certi vi diceranu, à voce hè di a ragione
Un altru aghjusterà, inno !di l’etnia a cuscenza
Cercu, pensu è ripensu ùn trovu a differenza
Cu voce di l’internu per chi hà cumpassione

Ssà chjama di u silenziu intesa da chi vole
C’invita à ripensàcci duiè volte pè u menu
Un reagi chè dopu, ritrovu u to serenu
U miraculu, esiste, micca solu indù e fole

A voce di a ragione, l’internu, esse prufondu
Chi ci fàce riflette, chi chjamemu « a cuscenza »
Ghjè quella chi ci aiuta è ci ridà sperenza
Di rivede più bella, a faccia di stù mondu

Ghjuvan Carlu CASTELLI
i Fulelli u 13 di Nov 2019 (N°1334)

Back to top
Ghjuvan Carlu


Offline

Joined: 30 Nov 2014
Posts: 243
parlatu: Casinca
masciu o femina?: Masculin
rughjone: Fulelli

PostPosted: Sat 30 Nov 2019, 10:36   Reply with quote

FURESTERU DUVE ME

Aghju cunnisciutu, pàce, cumbuglii di nanzu guerra
Vissutu tantu bè chè male u tempu di l’occupazione
Chi si nè tenissi à tandu riteneria a lezzione
Ma chi ùn l’hà cunnisciuta pò pensà chi ùn hè vera

L’usu cambia cum’è u tempu, indùve mè sò furesteru
Un si parla più di quandu primurava a fratellenza
Oghje l’andaria megliu di chjamalla, indifferenza
A l’usciu, ùn sente «avanti» ùn hè per mè un penseru

Chjami u parente, ùn ci hè, l’amicu ghjè acciuncatu,
Dùve tù picchji, nisunu ! usciu chjosu è lume spentu
Ben chi mi nè sia avvezzu, in bocca l’amaru sentu
Un sò ssè manere di fà chi zitellu aghju amparatu

« Si t’ai bisognu di nunda » ùn ti disturbà sò prontu »
Vi rinfranca chi traduce ssù parlatu in parabole’
L’adoprava spessu u Cristu allevu di l’anziane scole
Sentendu da quale vene, sò bè nantu a quale contu

Prufettu indù so paese ùn vi sarà dada di vede
Chi a pruvessi una volta nè sorte un tantu mucatu
Dò à chi mi tende a mana, cio chi à mè nimu hà datu
Ma, tendissi èiu e duie, mi stò nantu à fame è sede

Da tantu e cose sò chjare ùn mi strugu da l’adisperu
Quandu sò in cerca di calore, cambiu di dipartimentu
U Pumonte m’apre l’usciu, passu un felice mumentu
A fami dimenticà chi qui dùve mè, sò un furesteru

Ghjuvan Carlu CASTELLI
i Fulelli u 15 di Nov 2019 (N° 1335)


bona festa pe u nostru amicu ANDRIA di CASTINETA
è tutti QUELLI CHI PORTANU STU NOME

Back to top
talavesu


Offline

Joined: 05 Nov 2015
Posts: 28
parlatu: sutanacciu(taravu)
masciu o femina?: Masculin
età: 61
rughjone: taravu

PostPosted: Sat 30 Nov 2019, 12:26   Reply with quote

Bona festa pà Andria di Castineta e ancu pà tutti.
Bravu o Ghjuvan Cà pà "furesteru duve me".
bravune
_________________
61 anni talavesu.
si campa in cità senza maì scurdaci di u nosciu paese.

Back to top
fringhellu


Offline

Joined: 10 Jan 2013
Posts: 279
parlatu: cismonte
masciu o femina?: Masculin
età: 72
rughjone: Nebbiu

PostPosted: Sun 1 Dec 2019, 08:54   Reply with quote

 
Ma, o Ghjuvan Cà, serà a sorte di u pueta di campà ind’una torra chì si piglia tutte e matarusciate di u mare d’inchjostru induv’ellu intinghje a so penna è tinghje e so pene. Ùn sì micca solu nemmenu furesteru quì, chì simu parechji ad aspettà i lampi di u to fanale. Teni forte ! 

Back to top
Di Sfughjita


Offline

Joined: 14 Jan 2013
Posts: 538
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Sun 1 Dec 2019, 11:35   Reply with quote

Megliu tardi ch'è mai grattacapu Embarassed , nè o Andrì ? Passata a festa, i vi pregu dulcissimi, i tanti ghjorni à vene.

In quant'è à esse "Furesteru duve mè", mi pare chì furesteri simu tutti nant'à sta terra Sad qualsiasi u locu duve omu nasce, stà, invechja, ecc. ? U pueta, ellu, hè u più furtunatu Mr. Green chì tuttu què non solu u sente ma in più u pò è u sà dì. Ellu sì chì sà sfugà ciò ch'ellu hè da veru esse umanu Question Exclamation nant'à sta terra. È noi altri u stemu à leghje è accade ancu ch'ellu ci schjarisci a zucca, almenu à mè accade Okay

Bellissima ghjurnata à tutti, pueti Okay o nò Sad
_________________
À chì hà Tempu, ùn aspetti Tempu

Back to top
estrimei
Mezanu

Offline

Joined: 07 Jun 2012
Posts: 1,928
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sun 1 Dec 2019, 15:38   Reply with quote

a ringraziavvi a tutti persti saluti d'amicizia Embarassed Very Happy
o Disfughjì ,
quandu leghju i vostri scritti (e quessu mi piece assai) m'avecu chi 'ncù assai ampatia, rispettu e umiltai u furesteru hè si più casanu que u nustrale pigliatu da a febre di a riescita, di a prutensione e di "bling bling"
ah si tutti i corsi , i veri , quelli chi sò "più corsi che i corsi" aianu 10 % di u vostru rispettu e a vostyra passione pè u nostru Paese....
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Luigi Giacomoni


Offline

Joined: 26 Jan 2013
Posts: 560
parlatu: Rutali
masciu o femina?: Masculin
rughjone: Nebbiu

PostPosted: Sun 1 Dec 2019, 16:44   Reply with quote

Dopu à Talavesu, Fringhellu, Disfughjita è Estrimei*, anch’eu vogliu sprime à Ghjuvan Carlu tutta a mo simpatia.

O Ghjuvan Cà, ti sentu propiu amaru !
Solu in Pumonte ne trovi u calore ?
Ma ancu in Cismonte ti tenenu caru
Tutti quelli chì sanu u to valore

Per esse fresteru ind’i to lochi
Ci vole propiu à truvà ingrati
Chì ùn ricunnoscenu più
L’ottantottenne arradicatu

Ciò chè tù chjami indifferenza
In realità ùn hè chè apparenza
L’usi forse anu cambiatu
Ma quale’hè ch’ùn ti vole à latu ?

Hè vera chì in i paesi soi
A vacche vincenu i boi
Seranu numerosi in Casinca
À nigà u pueta di prima trinca ?

Sò sicuru chì in fondu di u so core
Tutti ti portanu stima o amore
A Corsica sana loda a to penna
A cunsecrazione venerà perenna.


PS : Cù un ghjornu di ritardu ma di core, bona festa per Andria.





Back to top
estrimei
Mezanu

Offline

Joined: 07 Jun 2012
Posts: 1,928
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sun 1 Dec 2019, 17:04   Reply with quote

Quote:
=
u furesteru hè SPESSU più casanu

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Ghjuvan Carlu


Offline

Joined: 30 Nov 2014
Posts: 243
parlatu: Casinca
masciu o femina?: Masculin
rughjone: Fulelli

PostPosted: Sat 7 Dec 2019, 10:16   Reply with quote

"O MA! scrivi tu per me a Babbu Natale poi dilli !


« BABBUCCIU NATALE »
Un nè vole ghjuculelli pè u so regalu di Natale
Porta grane di ciarbelli à sti sgio di a capitale
Impiecati à facci crede chi sò ghjente generosi
Ma,ùn sbramanu di vede tanti babbi corsi chjosi

Un hè pè u nostru chi scrivu, ghjè pè so amicu di scola
Un santu ! mai gattivu ! à mama u s’alleva sola
Dopu u so babbu afferratu, chjosu è stanghittate e porte
Quellu chi l’hà cundannatu ùn tene à vedelu sorte

Da tantu ch’ellu hà pregatu hà e dinocchje mugate
Mancu st’annu u l’hànu datu, custi a pietà, pensate !!
Puderianu fà ssù sforzu ma, vistuci accettatori
Per chi porta nome corsu mai, averà d’issi onori

Cio ch’in parlatu cummunu chjamemu, omu di lege
Fessi, u paru pè ogn’unu ma, ùn ci hè ghjustu pè rege
Secondu chi t’hà in manu cunniscerai a sentenza
A prigiò, è quessa a sanu, tomba sinu à l’esistenza !

So pè stràda di finisce, u zitellu a mi dumanda
Tù si saviu, sai capisce perchè nunda ti cumanda
Sente di, chi stù Natale, per tutti ùn sarà u stessu
L’angoscia, li face male, palisà, u scopu hè quessu.

Purterà stà lettarella u fattore, oghjè o dumane
Un sia stunatu per ella, chi segna, sò duie mane
T’abbraccemu à tè babbucciu, ti tenimu tantu caru
Chi brama un mo zitellucciu ? un Parici,vede chjaru !

Ghjuvan Carlu CASTELLI
i Fulelli u I9 di Nov 2019 (N° 1338)

Back to top
Contenu Sponsorisé






PostPosted: Today at 14:29  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà All times are GMT + 2 Hours
Goto page: <  1, 2, 333, 34, 35
Page 35 of 35

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky