Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest

PACE E SALUTE Guest E A TUTTI I VOSTRI


----------------------------------------------------
______________________________________________________________
per luttà contru a maffia:
https://massimususini.corsica
------------------------------------------------------------------

___________________

mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Ghjuvan' Carlu CASTELLI
Goto page: <  1, 2, 334, 35, 36
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà
Previous topic :: Next topic  
Author Message
Ghjuvan Carlu


Offline

Joined: 30 Nov 2014
Posts: 250
parlatu: Casinca
masciu o femina?: Masculin
rughjone: Fulelli

PostPosted: Tue 31 Dec 2019, 23:08   Reply with quote

CHI DIU ACCORDI A TUTTI L'AMICHI D'ESTRI CUNTRASTI
A TUTTU I CORSI E TUTTI QUELLI CHI TENENU CARU A NOSTRA ISULA
PACE E SALUTE PER ST'ANNU A VENE



FINE DANNU

Dicenove ghjè à l’orlu di vene à fine
Chjove a so porta si nè apre una nova
Oghjè n'hè ghjuntu à pede di cunfine
Pocu pò esse fieru di e so prove
Centu anni fà scunfinianu ferite
Ma què, ricordi, da mordesi e dite

Stà sera festeremu l’annu à vene
Ma pochi pienghjeranu u licenziatu
Dùve sangue corsu corre indù e vene
Di pannu negru ùn si sarà cappatu
S’ellu ci n’hè di cari indù a mo mente
Di què, un contu tenene sumente

St'annata parterà cum'è venuta
Un ci hà purtatu soffiu ma suspiri
Da in altu a sperenza si n’hè caduta
Nunda hè salvu dùve passanu i sbiri
Chi ùn mi crede li pregu pruvatoghju
Bazzicà, chi maneghja accurtatoghju

Preghemu chi ci porti l’annu novu
Un pucucciu, di ssù tantu aspetatu
Tuttu ghjunghjè sterilzatu in l’ovu
Ghjè u fiore chi mai ùn hà granatu
Demu un pucucciu d’oliu à « Aladinu »
Luce ellu ci farà per fà camminu

Ghjuvan Carlu CASTELLI
Fulelli u 31/12/19 (N° 1364)

Back to top
Publicité






PostPosted: Tue 31 Dec 2019, 23:08  

PublicitéSupprimer les publicités ?

Back to top
Ghjuvan Carlu


Offline

Joined: 30 Nov 2014
Posts: 250
parlatu: Casinca
masciu o femina?: Masculin
rughjone: Fulelli

PostPosted: Sat 4 Jan 2020, 10:51   Reply with quote

« MEDITAZIONE »

Surpulà sottu à l’olmu, un’orezza, un caffè
Fà di saviezze un colmu, trà di noi, chi piacè !
Incù vechju curatu, parlà di religione
Di l’omu di u passadu, peccati, redenzione
Di stà pàce indù mondu aspettata è mai vista
Cù l’inviglia per fondu, u malannu chi acquista
Di ssi ghjochi nucenti quandu eramu zitelli
Oghje più dipendenti, di e pistole o cultèlli
Di a natura in suffrenza, stà tantu tribulata
Chi u piglianciu hà sperenza, vedela à ssò purtata

Un parlà stelle spente ma, sole chi permette
Di tene u raggiu in mente quandu lùce riflette
Di u pezzacciu di terra cagione di tanti morti
Dùve l’umanu infiara, per minimi raporti
Guerre per malintese, guerre di successione
Pè lavacci d’offèse, guerre di religione
Di cio chi si critica à cio chi scàrta u male
Di u cleru a l’antica o di quellu attuale
Ma, si u nostru u curatu, brusgià l’ore o vi pare
Un ghjornu m’hà cappiatu ;’ndù veru vecu chjaru’!

« Per Diu santu » ! u curatu dùve ghjè ? à sapè !!
Ritornu indù mo cantu, ma suttane ùn ci n’hè !
Men’unu di sti prète in civile, un ghjunghiticciu
Dite si voì sapète ! un’ pretone ? un fatticciu ???
Più pensu è menu sò, cio chi mi ferma à fà
Aghju tortu o ragiò ? l’avvene a dicerà

Ghjuvan Carlu CASTELLI
i Fulelli u 20 Dec 2019 (N° 1358)

Back to top
talavesu


Offline

Joined: 05 Nov 2015
Posts: 31
parlatu: sutanacciu(taravu)
masciu o femina?: Masculin
età: 61
rughjone: taravu

PostPosted: Sun 5 Jan 2020, 14:07   Reply with quote

"CHI DIU ACCORDI A TUTTI L'AMICHI D'ESTRI CUNTRASTI
A TUTTU I CORSI E TUTTI QUELLI CHI TENENU CARU A NOSTRA ISULA
PACE E SALUTE PER ST'ANNU A VENE"

E cusi sià, ancu pà vo o Ghjuvan Cà e pà tutti i nosci amichi di "estri cuntrasti".
Paci, saluta e tanti auguri. di core.
_________________
61 anni talavesu.
si campa in cità senza maì scurdaci di u nosciu paese.

Back to top
Ghjuvan Carlu


Offline

Joined: 30 Nov 2014
Posts: 250
parlatu: Casinca
masciu o femina?: Masculin
rughjone: Fulelli

PostPosted: Sat 11 Jan 2020, 09:55   Reply with quote

DOPU L’ATTRACHJU
U ventu s’hè calmatu ùn trineca una fronda
Solu, una brèa sorda colla di a naziunale
Digia quassù s’hè messu in vegliosa u fanale
Manda piu pochi raggi à richiarassi in l’onda

U ghjornu cederà a piazza à l’attrachjata
U celu dopu a terra pocu à pocu s’affosca
Digià vecu appullatu l’acellu piglia mosca
Sottu a u mo terrazzolu appigiona a nuttata

A prima stella spùnta, timicone s’affacca
Ma cum’è ogni sera, sola ùn ci starà tantu
Sell’hè bughjura nera sò millaie ùn sò quantu
Si milioni n’aghjunta, chi sà quantu nè piatta ?

A mezu à ssè luciole un spricchju piglia forma
Sopra à u monte stella luce u falginu d’oru
Una cumeta ella, cumpletta ssù decoru
Nunda di più mi ci’ole, ssù faddescu mi colma

L’attracchiu poi, a notte più bella chè u ghjornu
Sottu à un mondu di stelle, di dùlcezza aghju brama
‘ndù e so bracce m’ascondu u so còre m’annanna !
Per piantà di sunnià da l’albore di ritornu

Riturnerà l’ambata à fà tremà a fronda
Rinfurzarà a brea longu di a naziunale
Luntanu a l’urizonte sprichjerà u fanale
E per millaie i raggi parteranu da l’onda

Ghjuvan Carlu CASTELLI
Fulelli u 05 di Ghjenaghju 2020 (N°1366)

Back to top
Ghjuvan Carlu


Offline

Joined: 30 Nov 2014
Posts: 250
parlatu: Casinca
masciu o femina?: Masculin
rughjone: Fulelli

PostPosted: Sat 18 Jan 2020, 10:20   Reply with quote

UN PERDIMU L’USI

Nantu a pegura morte quanti à u scarnucciu si lampa
Clienti, in cerca di manghjusca a fame nantu à i denti
Ssù carnuzzu hè u benvenutu, ma di l’attraenze attenti !
Saria manna à prupiziu si u pastore ùn lascia stampa

Ci si vede e volpe i cani, « l’acelli bianchi cù i neri »
Ci viderai e curnachje, gabbiani, in vuleghju à corbi
Da le volte affacca u ricciu e s’ell’ùn ci hè misgii i topi
Ghjè per quessa chi u filanciu sopra gira vulinteri

Da chi una bestia invechja ci hè una mossa chi si fàce
Micca pè purtalli aiuta ma, in vista di a successione
Un si pò l’ascià passà tantu hè bella l’occasione
Chi busca si n’accumoda, u buccone à quale ùn piace ?

St’annu un murtoriu di marzu, venneri santu, d’aprile
U secondu hè cristianu, u primu pè l’animale
Digià sentu racchjè i corbi, in turnate eletturale
Rode l’aglii u russignolu, trova u s’arghitu suttile

Per noi ghjè l’occasione di strappà una prumessa
Gioia n’averemu in core di sperà sinu à u scutinu
Ma dopu à i canistrelli è un bicchjerettu di vinu
Abbuleghju à tante d’altre truverà piazza ancu quessa

Sò cumu sempre sò stati un’usu ghjè fattu a chjerchju
Trova fine dùve principia, riprincipia dùve finisce
Sia balisgia o bavullu, mi sterpu per ùn capisce
Di l’usu ùn fa abbusu, disse à mè zitellu, un vechju!

Ghjuvan Carlu CASTELLI
i Fulelli u 12 Ghjen 2020 (N° 1369)

Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà All times are GMT + 2 Hours
Goto page: <  1, 2, 334, 35, 36
Page 36 of 36

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Cookies | Charte | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky