Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
A Madonna di a Pietà d'Oletta

 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> a vità ,l'arti , a pratica spurtiva... -> a chjesa, a messa ,i canti
Previous topic :: Next topic  
Author Message
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Sat 16 Apr 2016, 12:16   Reply with quote

Lode à a Madonna di a Pietà d’Oletta.

I
In nu a Conca di l’Oru
Ci hè un paese rinumatu
Oletta ghjè lu so nome
A Madonna nu u so guadru
Hà pientu per un zitellu
Chì seria mortu brusgiatu.

II
Eramu un Vennari Santu *
Ghjornu cusì signalatu
Una mamma preparava
Per Pasqua qualchì mustatu
U so figliolu durmia
Accantu à lu foculaghju.

III
Una voce la chjamò …
Chì serà…chì nimu hè in casa?
Michele fieghja a so vigna
Ghjunghjerà per l’attrachjata
‘Ssa voce vene da a stanza
È mi lascia frasturnata.

IV
Ùn ci vogliu più pensà
Soca n’aghju mal capitu
Dorme lu me zitellucciu
U mio amor di Paradisu
« Ma brusgia lu to figliolu
O Marì, a ti ridicu ! ».

V
Corre è salva lu figliolu
È la Vergine pienghjia
Da la so mana inferinata
Maria asciuvò e lacrime ch’ell’avia
È la traccia si fermò
Nant’à stu guadru di Maria.

VI
O Mamma di u dulore
Madonna di a Pietà
Da Roglianu à Bonifaziu
Simu venuti à pregà
Salva i nostri figlioli
È di noi ùn ti scurdà.

Grecale (Prete Filippi) 1995.

NDLR :
* Vennari 16 d’aprile 1734 à E Rumanacce, paisolu sopr’à Oletta.
U storicu Albert Tozza (1890) indicheghja a data Vennari Santu 15 d’aprile 1734.
Prete Canonicu Pergola chì fù Piuvanu d’Oletta (durente 36 anni, mortu in 1985) hà fattu mette una lastra in a casa di E Rumanacce cù a data di u 15 aprile 1734.
U nutaru Saliceti d’Oletta hà rilatatu ‘ssu miraculu in un attu di u marti 27 d’aprile 1734 è ùn indicheghja micca u ghjornu precisu.
U 15 aprile 1734 era u Ghjovi Santu è u 16 u Vennari Santu. Quand’hè chì Maria impastò per Pasqua ? Si sà chì tempi fà, era u Sabbatu matina chì c’era a ceremonia di Pasqua è u prete benedia e case u sabbatu dopu meziornu. U Ghjovi Santu à sera c’era a prucessione in paese.

Ancu Prete Canonicu Flori di Rutali avia cumpostu una loda à a Madonna di a Pietà chì ghjè stata cantata trè anni fà in Oletta per a Triennale.

Back to top
Publicité






PostPosted: Sat 16 Apr 2016, 12:16  

PublicitéSupprimer les publicités ?

Back to top
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Tue 23 May 2017, 10:44   Reply with quote

Cantu à a Madonna di a Pietà*

In a so casa di e Rumanacce
Per u pane di u lindumane
Maria, farina impastava ;
Accantu à u fucone
Tranquillu, u figliolu ripusava.

Una voce dicia
« O Marì, guarda
Chì u to figliolu brusgia ! »

Maria u so sguardu vultò
Versu l’imagine santa
È subitu di a fiamma
U ciucciarellu salvò.

O Vergine Maria
Sopr’à u to populu olittese
Radunatu in Sant’Andria
Sparghji cun man’ curtese
E to grazie divine.

Dacci preti santi
Di Ghjesù l’apostuli
Di e pecure i pastori
Di Maria i servitori
Di a giuventù i prutettori.

A nostra Cursichella
Sicura, bella è serena
Navica cum’è una navicella
Sott’à to lucente stella.

Riturnellu :
Di trè anni in trè anni
Cun fervore in Oletta
Un populu in festa
Prega è canta
A Madonna di a pietà.



*dedicatu à fù (regretté) canonicu Pergola
Parolle di Prete Flori
Musica di Prete Pinelli.

Puesia esciuta in Corse Matin versu 1990. Canonicu Flori Ghjuvan Tumasgiu, Rutalacciu (1907- 1994) anzianu prete di Rutali, Ruglianu è Calvi hè statu currispundente di i giurnali Nice-Matin (Corse Matin) è Le Provençal Corse.

Back to top
Di Sfughjita


Offline

Joined: 14 Jan 2013
Posts: 536
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

PostPosted: Tue 23 May 2017, 15:43   Reply with quote

Okay è grazie pè sta lettura !

Tantu o chi piecè in Core è Casa Vostri...
bravune
_________________
À chì hà Tempu, ùn aspetti Tempu

Back to top
Contenu Sponsorisé






PostPosted: Today at 15:10  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> a vità ,l'arti , a pratica spurtiva... -> a chjesa, a messa ,i canti All times are GMT + 2 Hours
Page 1 of 1

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky