Index - FAQ - Rechercher - Membres - Groupes - S’enregistrer - Messages PrivésConnexion


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Invité

____________________________________________________________________________________________________

Petru GHISONI

 
Poster un nouveau sujet   Répondre au sujet    Foru corsu,lingua corsa,pulitica ,estri e cuntrasti nustrali, Index du Forum -> LINGUA -> fole , conti , sturiette, risate
Sujet précédent :: Sujet suivant  
Auteur Message
Luigi Giacomoni


Hors ligne

Inscrit le: 26 Jan 2013
Messages: 542
parlatu: Rutali
masciu o femina?: Masculin
rughjone: Nebbiu

MessagePosté le: Sam 29 Avr 2017, 15:01   Répondre en citant

Stalbatoghji di Minutu Grossu scritti da u nostru amicu gran pueta ma dinù cuntadore Petru GHISONI * di Santu Petru è ricacciati in u so libru “Quattru petre per un muru” esciutu in 1994, JPC Infograffia Bastia. Avemu rispettatu a grafia di l’autore. Eccune qualchidunu :

Di a duttrina
U prete stà facendu, a dumenica, a duttrina. Ghjuntu a u passu “Panem nostrum quotidianum da nobis hodie”, interroga a Minutu :
- Dimmi perchè dumandemu a u Signore u nostru pane d’ogni jornu ?
- O Messè, sarà forse perch’ellu sia più umbule !

U cantadore
Una volta ghjunse in paese un furesteru chi si prisentò cume musicante e cantadore. L’omu era vestitu di stracci ed e dite di i pedi l’escianu da i scarpi.
- Aghju una voce, dichjarò, chi ne possu fà ciò che vogliu !
- Fattine un paghju di scarpi ! disse Minutu.

A lettera
Un giovanu chi imparava u mistieru di macellaru in Corti, cherse a Minutu di falli una lettera pè u babbu. E Minutu scrisse :
“Caru Babbu,
Averebbi assai cose a dibbi ma manchendumi u tempu, prufittu di l’occasione chi m’è offerta per infurmabbi chi, a u cuntrariu di ciò che noi cridiamu, dumane mi faranu pulzà e fra tre ghjorni mi faranu spellà !”
Sta lettera mise a famiglia in susultu. Per furtuna un prete, più capace che u babbu, spiegò ciò chi u figliolu avia vulsutu dì.

U casgiu di u pastore
Un pastore era venutu in Perelli a vende furmagliu. Un parente di Minutu avendune compru qualchi piccia circava una sporta per purtallu.
- Induve vai ? disse Minutu, osservandu chi u casgiu era pienu di peli. Què u poi puru piglià pè i capelli !

A barba bianca
Un Talianu stabilitu in Alisgiani e digià d’una certa età, li dumandò :
- Cum’è ch’avete i capelli più grisgi che a barba, invece ch’eiu aghju barba bianca e capelli neri ?
- Perchè hai più travagliatu di manselle che di testa !

U freddu a u nasu
U Generale seguitu da parecchj partigiani passava un ghjornu d’invernu u Monte di Muteri per andà in Corti. Incuntrò Minutu chi facia listessa strada. Paoli era a cavallu, ben cupertu da un bon cavallu, mentre chì Minutu vestitu di villutu frustu trimava di freddu e un si ne piattava.
- Un mi pare pò ch’ellu faccia tantu freddu, disse u Babbu di a Patria, sentu solu un pocu di freddu a u nasu a cagione di stu ventulellu perchè so’ a cavallu, ma tu chi vai a pedi avereste d’avè più callu.
Minutu surrise. Paoli s’avvide chi u nostru omu era prontu a cappianne una e li dumandò u perchè.
- Eiu, rispose Minutu, unn’aghju che un solu locu chi sia callu e s’ell’unn’era a vostra Eccellenza, li averebbe dettu di metteci u nasu per scallassilu!
U Generale rise e a cumpagnia altrettantu.
U populu un face tante manere e raconta chi Minutu disse : “Mettite u vostru nasu indi u mo daretu e voi sarete tuttu callu ed eiu tuttu jalatu !”

L’uscita e l’entrata
A malattia chi u tumbò li dava una forte sciolta chi durò assai jorni.
- Cume va ? li cherse un visitatore;
- Quand’è più l’uscita che l’entrata, e cose un ponu andà che male !


* natu in u 1916, mortu u 14 di ghjennaghju di u 2016. Vede a necrulugia in estri è cuntrasti rubrica Disgrazie.

Revenir en haut
Publicité






MessagePosté le: Sam 29 Avr 2017, 15:01  

PublicitéSupprimer les publicités ?

Revenir en haut
Montrer les messages depuis:   
Poster un nouveau sujet   Répondre au sujet    Foru corsu,lingua corsa,pulitica ,estri e cuntrasti nustrali, Index du Forum -> LINGUA -> fole , conti , sturiette, risate Toutes les heures sont au format GMT + 2 Heures
Page 1 sur 1

 
Sauter vers:  

Index | Panneau d’administration | créer un forum gratuit | Forum gratuit d’entraide | Annuaire des forums gratuits | Signaler une violation | Conditions générales d'utilisation
Powered by phpBB
Appalachia Theme © 2002 Droshi's Island
Traduction par : phpBB-fr.com
Designed & images by Kooky