Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Anna MATTEI

 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> STORIA
Previous topic :: Next topic  
Author Message
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Mon 15 Jan 2018, 17:15   Reply with quote

U Prucessu

In le prigione francese
Site stati incarcerati
Dopu tamanti castichi
In Parigi ghjudicati
Per amà a vostra terra
Radica di l’antenati.

Associu di malfattori
A dicianu facilmente
L’avucatu generale
Biaggi è lu presidente
Chì u fattu era puliticu
Ùn la vulianu sente.

Biaggi vile è traditore
Hà messu a rivuluzione
D’avè vulsutu difende
Un traficante scruccone
Chì di la vostra rivolta
Hè una di le cagione.

I vinti trè avucati
È parechji testimoni
Amirale, culinelli *
U duttore Simeoni
Tutti eranu sulidarii
Ancu lu prete Bertoni.

U citeremu in esempiu
St’omu di tantu valore
Chì malgradu li so anni
Hè venutu à favvi onore
Riprisentente di Diu
Nant’à l’altare magiore.

Per purtammi lu sustegnu
Quantu ghjente assistia
N’hè ghjuntu da li cuntorni
N’hè partutu da Bastia
Noialtri li diceremu
A nostra gran’ simpatia.

A notte di la sintenza
Cun la vostra dignità
Cusì curagiosi è fieri
Vi site messi à cantà
Sbattulendu le bandere
L’avete fatti scappà.

E pene ch’elli anu datu
Ci facenu troppu male
Cundannati site stati
Cum’è grandi criminali
È quessu fù lu prucessu
Di u Statu culuniale.

Ci hè dinù d’altri fratelli
È cusì finch’ella dura
Chì deveranu affruntà
Sta brutta magistratura
Noi lutteremu sempre
Chì a vincita hè sicura.

E catene chì vi mucanu
Un ghjornu e strapperemu
À riceve i patriotti
Cun l’amici veneremu
Cantendu a liberazione
Di a Corsica Nazione.

1979. Puesia cumposta da Anna Mattei mamma d’Antone è di Dumenicu Mattei incarcerati in Melun.

Ndlr : cundannati à nove anni di prigiò in u Prucessu di Parigi d’estate 1979 da a « Cour de sûreté de l’État » dopu à l’attentati di u FLNC creatu in u 1976. Ci funu 17 patriotti corsi cundannati. Un libru « Le procès d’un peuple » editatu in 1980 da a Riscossa in Bastia hè cunsacratu à ‘ssu prucessu.
Anna MATTEI nata MURACCIOLE di u paese E Muracciole, veduva di Jules Mattei, oghje ne hè in a so 96a annata. Stà in Bastia.
Puesia di modu tradiziunale cun sistine d’ottunarii.
Attualmente hè a decana (a più anziana) di quelli chì chjamanu à l’emissione corsa di RCFM Dite a vostra, incù una bona memoria – Diu a benedica ! – per sparte u so sapè.

Nota* : culinelli o culunnelli.


Back to top
Publicité






PostPosted: Mon 15 Jan 2018, 17:15  

PublicitéSupprimer les publicités ?

Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> STORIA All times are GMT + 2 Hours
Page 1 of 1

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky