Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest



____________________________________________________________________________________________________


mi dispiece ma l'unica manera di publicà in lingua nustrale impone d'auprà u frencese in testa di scrittu-abbastanza longu-
Merendella di i pueti corsi in Calacuccia

 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> fatti e detti
Previous topic :: Next topic  
Author Message
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Fri 13 Apr 2018, 20:23   Reply with quote


Merendella di i pueti corsi in Calacuccia d’agostu 1954 (1)

Sopra : - ?, Pampasgiolu (Don Ghjaseppu Giansili), ? , Maestrali (2), U Barbutu di Chera (Culioli), Minellu d'Ascu (Guerrini), ? , U Furcatu (Leca), ? , A Buradia (A Purraghja, Poireaux) , ? , Prete Gentili (dettu Gnigninu).

À mezu : Patre Ghjuvanni (o Jean) Luciani (3), Dumenicu Ceccaldi (o Menicu) d’Osani, Picciafocu di L'Acquale, Carulu Giovoni, Peppu Flori, ? , Rigolu Grimaldi (Niolu).

Sottu : Paul Taclet Simonpaoli, Antone Flori (di Rutali), Marcellu Acquaviva, Michele Federici ( Rusiu), Tintin Pasqualini, cunfusione trà i dui : sia Orsu Paulu Giovannoni di Campile o Ghjuvanni Giocanti (autore di Paese spentu) (4).

Note :
(1) Da ringrazià à l’amicu pueta Ghjuvan Paulu Flori figliolu di fù Antone Flori di Rutali, per stu ritrattu è i nomi.
(2) “Prontu”, babbone (caccaru) di l’amicu pueta Ghjacumu Santu Guidoni.
(3) In santuariu di Lavasina, hè statu Pruvinciale di i Franciscani.
(4) Paese spentu, parolle di Jean Giocanti è musica di Vincent Orsini, canzona chì svelò è permisse à Antoine Ciosi in u 1963 di vince u grande premiu di u festivale di a canzona corsa in Parigi à l’Olympia. Patre Jean presentò ‘ssa serata davant’à duiemila Corsi. Altri cantadori presenti : Maryse Nicolai, i Fratelli Vincenti, Charles Rocchi, Regina è Bruno, Maguy Zanni, Carlu Ferrari, Colomba Mazzoni, Antoine Griffoni, Ange Damiani, Rudo Cardi, Malo Albertini, Michel Lucky, Jean Casi, Marfisa, Francis Leandri. Presidente di u ghjuratu : J.B. Biaggi.



Last edited by Luigi Giacomoni on Thu 5 Jul 2018, 09:06; edited 1 time in total
Back to top
Publicité






PostPosted: Fri 13 Apr 2018, 20:23  

PublicitéSupprimer les publicités ?

Back to top
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Sat 12 May 2018, 08:36   Reply with quote

Vistu à Ghjacumusantu Guidoni in Pontenovu, m’hà dettu chì ùn hè micca u so babbone Maestrali dettu ‘Prontu’in sta futugrafia per via chì ghjè mortu nenzu à 1954. Si puderia trattà di Maestrali Ghjuvan Battistu autore di u "Lamentu di u pastore" è amicu di Minnellu d’Ascu.
Grigolu Grimaldi presente in sta futugrafia ci puderia indittà tutti i nomi. È cusì dà impurtenza à sta Merendella chì hà riunitu tanti tarcani.

Back to top
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Thu 5 Jul 2018, 09:13   Reply with quote



Eccu a versione di Rigolu Grimaldi di Calacuccia chì ringraziu assai.

Merendella di i pueti corsi in Calacuccia 1960*

Sopra (da a manca à a dirita) : Dumenicu Acquaviva o Dumenicu Flori di l’Acquale, quellu cù a beretta ùn hè micca Pampasgiolu, ? , Maestrali d’Ascu è Isula, U Barbutu di Chera (Culioli), Minellu d' Ascu (Guerrini), ? , U Furcatu (Leca), un Giovannoni (altru chè Orsu Paulu), A purraghja (donna chì vindia i porri), ? , Prete Gentili (dettu Gnigninu) hà dettu a messa.

À mezu: Patre Ghjuvanni (o Jean) Luciani, Dumenicu Ceccaldi (o Menicu) d’Osani, Picciafocu di L'Acquale, Carulu Giovoni, Peppu Flori, ? , Rigolu Grimaldi 22 anni tandu cù a maglia arrigata.

Sottu: Paul Taclet Simonpaoli di Bastia, Antone Flori di Rutali, Marcellu Acquaviva, Michele Federici di Rusiu, Tintin Pasqualini, Ghjuvanni Giocanti, Orsu Paulu Giovannoni di Campile.

*Secondu à Rigolu Grimaldi, ci sò state e Merendelle in Calacuccia in 1959, 1960 è 1961. Questa quì Rigolu Grimaldi, presente in stu ritrattu, a data di 1960. Hè l’ultimu à esse in vita di tutti sti ritrattati.
Dunque sta Merendella d’estate di i pueti corsi ùn hè micca di 1954. Fermanu cinque persone à identificà.

Nota :
Pueta Rigolu Grimaldi hè coautore di « In Corsica tandu, Autrefois, la Corse » cun Pasquale Marchetti in 1984, di « Memoria Corsa, photographies » cun Pasquale Marchetti è Rinatu Coti in u 1997. Stà in Parigi ma rientre in Corsica à i bellli ghjorni. Per a morte di Pasquale Marchetti in Parigi, li hà fatti un picculu omagiu.

Back to top
Luigi Giacomoni


Offline

Joined: 26 Jan 2013
Posts: 552
parlatu: Rutali
masciu o femina?: Masculin
rughjone: Nebbiu

PostPosted: Mon 17 Sep 2018, 10:38   Reply with quote


Strattu da u libru Quandu Merta filava, 1974. Puesia per a merendella di 1958 in Calacuccia.

Infatti, e merendelle(o mirindelle) anu principiatu in Calacuccia in 1958. I pueti, m’hà dettu Rigolu Grimaldi, anu creatu tandu l’associu Musa Corsa. L’annu dopu escìa di maghju 1959 u primu numaru di a rivista o giurnale Monte Cintu.Eccu per a merendella di 1958, una puesia d’Antone Flori (1913-1981) ricacciata da u so libru Quandu Merta filava à oghje.

A Pieve di u Niolu
Merendella in Calacuccia u 30 agostu 1958

Eppuru !.. A Pieve di Niolu
Ritrova cun sta Ghjurnata
Tale è tala* figliolu
Fruttu di l’antinatu o di l’antinata
Li quali sapemu percosa
Pertinu lascendu porta chjosa..

Ùn ci scurderemu mai..
Anu elli in la so partenza
In memoria le to virtù i to guai
La to sperenza !..
È à noi ind’alti lochi nati
Ci anu indiziatu d’esse à tè fidati.

Sia sicura !..Pieve di la fiertà !..
Chì mai l’ùn ci scurderemu
La ghjurgu in tutta libertà
Sempre di core cun tè saremu…

Oghje l’ùn sò solu, sò cunvintu
Da risente cummove in la me persona
La fiertà d’esse da pede di u Monte Cintu,
Credu chì nisun si stona !..
Sì stu mughju d’amore :
Sò NIULINCU ! n’aghju onore !..

Fà vogliu una preghera
À la Santa in Casamaccioli
È pregalla di manera
Chì da mè li me figioli
Restinu in la tradizione
Di mammona è di babbone….

Aghju salutatu cun forza
La nova sucietà furmata
Salutu sinceru à MUSA CORSA
Cun auguri di longa durata
È à tutti chì site fratelli
Vi abbracciu vechji è zitelli…

Antone FLORI

*Ndlr : di regula « tale » averia da esse invariabile.

Back to top
Contenu Sponsorisé






PostPosted: Today at 14:32  


Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> fatti e detti All times are GMT + 2 Hours
Page 1 of 1

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky