Index - FAQ - Rechercher - Membres - Groupes - S’enregistrer - Messages PrivésConnexion


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Invité

____________________________________________________________________________________________________

Iviu BATTINI

 
Poster un nouveau sujet   Répondre au sujet    Foru corsu,lingua corsa,pulitica ,estri e cuntrasti nustrali, Index du Forum -> LINGUA -> fatti e detti
Sujet précédent :: Sujet suivant  
Auteur Message
Luigi Giacomoni


Hors ligne

Inscrit le: 26 Jan 2013
Messages: 542
parlatu: Rutali
masciu o femina?: Masculin
rughjone: Nebbiu

MessagePosté le: Lun 2 Juil 2018, 07:53   Répondre en citant

Eccu da Iviu Battini, un fidele di RCFM Dite a vostra, autore di « Puesie ? Eppo’ !... », chì scrive dinù in « U Ghjurnalucciu di Marignana », avale bè cunnisciutu in Estri è cuntrasti, una riflessione nant’à a Lingua corsa.

Lingua corsa lingua viva o lingua morta ?

U turistu, u passageru, u ghjunghjiticciu chì sbarca, chì scala, in Corsica, sente abbastanza* parlà corsu in giru ad ellu, par dissi* chì ‘ssa* lingua hè sempre viva, di sicuru ! Avà s’ellu ne vole sapè di di più annant’à ella, sarà ancu imbrugliatu è avarà forse di i guai ! Noi stessi Corsi chì a parlemu, ùn sapemu micca tuttu d’issa lingua, vistu chì a scola ùn ci ne parla micca sempre cumu si deve. Pocu ci preme, infine, ch’ella si vesti incù panni latini o tuscani o altre vistitoghje !
S’avvede omu ch’ella tene in ella una certa unitai, è ch’ella hè, malgradu i so varii parlati di l’isula, una vera lingua. Cusì pare à mè !
Hè vera chì pari* a nostra lingua, a lingua francese hè à bellu spessu un fastidiu, par ùn dì un casticu ! Parchì pesa di di più incù a scola, l’amministrazione, i media, l’urdinatore.
L’usu, à colpu par omu, o à tacca à tacca, di a nostra lingua o di quella di u Statu francese, si sparte, suvente, sicondu u sugettu chì si tratta, sicondu quellu chì discorre, o quellu chì li s’addirizza* omu.
In lingua corsa, si parlarà macaru più vulinteri di cutidianu, di a famiglia, di l’animali, di a campagna, di a caccia, di a pesca, di a pulitichella, di a puesia muntagnola, di u cantu è a musica nustrale.
In lingua francese si trattarà più faciule di a tecnica, di ciò ch’elli dicenu i media cuntinintali, di a puliticona di Statu, di a moda, di u « rock and roll », di u « rappu », di u mondu esternu, quellu di fora, d’altrò……
Allora vinarà à dì chì a lingua corsa sarà una lingua di i tempi andati, eppo’* ancu minuritaria ? È u francese una lingua muderna, putente ?
Ma u francese hè anch’ellu una lingua minuritaria appettu à* u chinese mandarinu, l’inglese, l’arabu* o ancu u spagnolu, par ùn mintulanne* d’altre !
Sappiamu ch’una lingua chì si sarra, chì ùn vole stà cà in casa, chì ùn và micca di là, di sicuru si ne more. À i ghjorni d’oghje, l’imperialismi veri ùn sò più tantu quelli di i tarritorii, ma quelli più immateriali, di e culture è di l’imaginariu…
Ci vole à dissi è à esse parsuasi, chì u corsu hè una lingua, è basta ! Ùn sia cà a so literatura*, a so puesia, a so radiu, avà Via Stella. Da a stalla à a stella ! Hè certa chì a nostra lingua, cum’è tutte e lingue, hè senza fine in evuluzione, ma ùn ci hè nisuna ragione, nisun mutivu, di vulella*, à tuttu contu, criticà, strapazzà, acciaccà !
A Corsica s’appartene anch’ella à l’umanità ! Ùn n’hè micca u billicu di u mondu, ma ùn sarà po mancu un sgrachju di pesciu !
Pruvaremu forse à sapè, sì a nostra lingua hè capace di dì tuttu, di ghjuvà da tuttu, d’aiutà à tuttu è à tutti, in tutte e manere, quì è in lu mondu, o micca !

Iviu Battini


Ndlr *variente :
abbastanza o à bastanza.
dissi o dì si.
‘ssa o issa (currisponde à l’abreviazione di quessa o quissa)
pari o par, pà, per, pè.
s’addirizza o s’indirizza.
eppo’, eppoi, è po.
appettu à o appett’à o à pettu à.
l’arabu : prununzià l’àrabu.
mintulanne o mintulà ne (mintuvanne, mintuvà ne, mintuanne, mintuà ne)
literatura o litteratura.
vulella o vulè la.



Revenir en haut
Publicité






MessagePosté le: Lun 2 Juil 2018, 07:53  

PublicitéSupprimer les publicités ?

Revenir en haut
Montrer les messages depuis:   
Poster un nouveau sujet   Répondre au sujet    Foru corsu,lingua corsa,pulitica ,estri e cuntrasti nustrali, Index du Forum -> LINGUA -> fatti e detti Toutes les heures sont au format GMT + 2 Heures
Page 1 sur 1

 
Sauter vers:  

Index | Panneau d’administration | créer un forum gratuit | Forum gratuit d’entraide | Annuaire des forums gratuits | Signaler une violation | Conditions générales d'utilisation
Powered by phpBB
Appalachia Theme © 2002 Droshi's Island
Traduction par : phpBB-fr.com
Designed & images by Kooky