Index - FAQ - Rechercher - Membres - Groupes - S’enregistrer - Messages PrivésConnexion


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Invité

____________________________________________________________________________________________________
PACE E SALUTE A VOI
E A TUTTI I VOSTRI
PER 2019



Micaella SAMMARCELLI

 
Poster un nouveau sujet   Répondre au sujet    Foru corsu,lingua corsa,pulitica ,estri e cuntrasti nustrali, Index du Forum -> estri e cuntrasti nustrali -> u murtoriu - i dolli , in memoria -
Sujet précédent :: Sujet suivant  
Auteur Message
estrimei
Mezanu

Hors ligne

Inscrit le: 07 Juin 2012
Messages: 1 869
parlatu: castinitincu
masciu o femina?: Masculin
età: francu a 70
rughjone: Corti -Rustinu

MessagePosté le: Ven 16 Nov 2018, 19:36   Répondre en citant

Micaella aia un gattiu male e dipoi dui anni era in lotta, hà s'hà fatta .
passiunata di lingua corsa , Micaella era dinnù una dona passiunata di a vita paisana .
eu l'aghju cunisciuta nantu a u terdi e mi dispiece chi ne aia tantu e tantu a amparacci .
o Micaè , ci mancherai assai .
a Diu !
facciu e mio perti a i so fratelli e surelle e a tutta a so famiglia.

e cunduleenze seranu riceute dumane Sabbatu à tre ore di u dopu meziornu 'nde Travaglini in Fulelli
e Luni in Petralba a dui' ore, l'interru si ferà a dui or'e mzu in chjesa di Petralba.
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda



Dernière édition par estrimei le Sam 24 Nov 2018, 09:11; édité 1 fois
Revenir en haut
Visiter le site web du posteur
Publicité






MessagePosté le: Ven 16 Nov 2018, 19:36  

PublicitéSupprimer les publicités ?

Revenir en haut
Luigi Giacomoni


Hors ligne

Inscrit le: 26 Jan 2013
Messages: 546
parlatu: Rutali
masciu o femina?: Masculin
rughjone: Nebbiu

MessagePosté le: Dim 18 Nov 2018, 22:00   Répondre en citant



In Cursichella 1999


Battisteru di Tenda 2011

Onore à a nostra amica Micaella Sammarcelli chì ci lascia per l’altru mondu.
Era passiunata pè a vita paisana è per u patrimoniu chì hà vulsutu fà rinasce.
Eccu stratti di u guida Cursichella di Ghjiseppu Santana, numaru 3 esciutu in u 1999, cunsacratu à a Balagna, Michelle o Michela Sammarcelli ne hà una bella parte per u so paese di Petralba rimettendu in memoria è in atti a cultura di u granu cù Anghjulu Ghjuvanni Luciani è tutti i Petralbinchi.
Strattu dinù di un articulu di Francesca Quilichini annant’à La Corse votre hebdo, di u 2/6 dicembre 2011, numaru 642, cunsacratu à u Battisteru di Tenda. Micaella hà rilanciatu u cultu à San Ghjabicu (o Saiabicu) è vulsutu fà piglià in contu ‘ssu patrimoniu.
Micaella era per l’ascutadori di l’emissione Dite a vostra di RCFM, una persona chì incantava cù a so arte magnifica di i raconti.
Cunduglianze afflitte à tutti i soi.

Revenir en haut
talavesu


Hors ligne

Inscrit le: 05 Nov 2015
Messages: 10
parlatu: sutanacciu(taravu)
masciu o femina?: Masculin
età: 60
rughjone: taravu

MessagePosté le: Lun 19 Nov 2018, 12:13   Répondre en citant

"Micaella era per l’ascutadori di l’emissione Dite a vostra di RCFM, una persona chì incantava cù a so arte magnifica di i raconti".
Senza connosca sta persona, nuda che a sentella ind'e l'emissione "dite a vostra" a cattiva nutizia mi face pena e a vogliu sparta incu tutti quidi tochi pà stu dolu.
Cunduglianze afflitte à tutti i soi.
_________________
60 anni taravesu, campu in cita d'aiacciu ma sò di u vangone di u taravu

Revenir en haut
COSTA


Hors ligne

Inscrit le: 26 Fév 2017
Messages: 6
parlatu: Petralba
masciu o femina?: Masculin
età: 70
rughjone: NEBBIU/BALAGNA

MessagePosté le: Lun 19 Nov 2018, 18:44   Répondre en citant

Per Micaella Sammarcelli a nostra amica cara


Cara Micaella,

O chi tràgica nutizia
chi s'hè sparta in paese
toca parenti è amicizia
tutte l'anime sò offese

Mà induv' hè u Signore
oghje,in stu ghjornu spietatu
hà ferit'u nostru core
eppò c'hà abandunatu

burlata,la to' famiglia
ch'avìa messu tanta fede
per vince sta malatìa
chi si piatta, ch'ùn si vede

car'amica Micaella,
dopu st'ultimu viaghju
ci mancherai a l'appellu
c'hè digià tamentu spazziu

Per noi quì, nant'isulella
sapientoni o imparatici
cusi spent' a to' favella
u silenziu fera addici

Forse tù, era in brama
di raggiunghje u paradisu
per truvati vicin'a mamma
a San Roccu è Ghjesu


Un smentichemu u t'impegnu
pe'u paese è noi tutti
percors' ùtile è cusi degnu
chi purtera i belli frutti

Fermera in la memoria
in Petralba u to' riposu
parecchje pagine d' a storia
è ogni fattu cusi preziosu

Un n'hai circat'u successu
per piglia soldi o onore
hai sapiutu u più aspessu
fà parlà u to' gran core

Eppuru, dopu a to' morte
e lode ùn n' anu da mancà
quand' e porte seranu chjose
tandu serai ricuniscuta

S'ellu c'hè un altra vita
da quassu mezz'a le stelle
chi a to' voce ci diga
« cuntinuate per Cursichella..

O Micaella,ripos'in pace in la nostra terra corsa

cu' affettu, Filippu COSTA

Revenir en haut
Ghjuvan Carlu


Hors ligne

Inscrit le: 30 Nov 2014
Messages: 198
parlatu: Casinca
masciu o femina?: Masculin
rughjone: Fulelli

MessagePosté le: Mar 20 Nov 2018, 19:51   Répondre en citant

PER TE MICAELLA

Dùve oghjè ti nè andarai ùn sarai spaisata
Ci lasci ma, in celu sai, da tanti si aspettata
Senti !a voce di a to mamma! canta per tè una nanna

Babbitu, grazia accurdata, ti fàce u to viculellu
Per ssà tamanta nuttatta sarài cù mammata ed ellu
Sai ! a vita si rinnova quandu di soì si ritrova

Lascia u viotu una partenza, u dulore stràppa u còre
Ma, s’in mente ci hè presenza nisunu ùn pò mai mòre
Malgradu u tempu chi passa si tu ami, nunda sguassa

Ci truverai tanta ghjente ch’in stù mondu ai cunisciutu
Eppoi ! l’amicu, u parente, chi nanzu à tè ghjè partutu
Anghjulelli incù i santi ci nè sarà tanti è tanti !

A ghjèsgia tantu spaziosa oghjè pare chjuculella
Ogni pensata pietosa ghjè per tè è i toi surella !
Chi ‘ndù vita ai fattu vede quantu grande era a to fede

U nostru candelu spentu unu è l’altru parteremu
Venerà tandu u mumentu chi noi ci ritruveremu
Per dorme ssù sonnu eternu indùve ùn esiste imbernu

Vene l’ora di a spichenza, Diu senti e nostre preghere
E accordi referenza ellu chi nè hà pudere
Pur di datti grazie è amore per tantu tù, ai còre !

Ghjuvan Carlu CASTELLI
i Fulelli u 19 di Novembre 2018 (N°1146)

Revenir en haut
maddalena


Hors ligne

Inscrit le: 08 Aoû 2017
Messages: 2
parlatu: centru di corsica
masciu o femina?: Féminin
età: 66
rughjone: venachese

MessagePosté le: Mer 21 Nov 2018, 20:06   Répondre en citant

Eccu stu scrittu cortu cortu in memoria di a nostra cara Micaella chì lascia un viotu tamantu !

À MICAELLA


Avvedeci o Micaella
Oghje si chjode un librone
Ma a toia a favella
In cori nostri risona
È circheremu à mantene
U to estru per l’avvene


Dolce surrisu
Spechju di l’alma
Di u to visu
Steremu in brama
In paradisu
Dìu ti chjama !


Maddalena MASSIANI

U 19 Nuvembre 2018

Revenir en haut
Visiter le site web du posteur
Di Sfughjita


Hors ligne

Inscrit le: 14 Jan 2013
Messages: 527
parlatu: quellu d'una micca corsa ch'ampara
masciu o femina?: Féminin
età: 50
rughjone: stò in Bastìa

MessagePosté le: Ven 23 Nov 2018, 18:05   Répondre en citant

Micaella, di voi ùn cunniscia eiu chè a vostra voce è issa favella vostra chì tantu incantava l'orechji di tutti l'appassiunati di l'emissione Dite a Vostra. Dopu à issi bellissimi omaggi di pueti, tuccanti assai, eiu vi pregu bon viaghju, riposate in Santa Pace in Paradisu accant'à i vostri cari.
_________________
À chì hà Tempu, ùn aspetti Tempu

Revenir en haut
Contenu Sponsorisé






MessagePosté le: Aujourd’hui à 07:15  


Revenir en haut
Montrer les messages depuis:   
Poster un nouveau sujet   Répondre au sujet    Foru corsu,lingua corsa,pulitica ,estri e cuntrasti nustrali, Index du Forum -> estri e cuntrasti nustrali -> u murtoriu - i dolli , in memoria - Toutes les heures sont au format GMT + 2 Heures
Page 1 sur 1

 
Sauter vers:  

Index | Panneau d’administration | créer un forum gratuit | Forum gratuit d’entraide | Annuaire des forums gratuits | Signaler une violation | Conditions générales d'utilisation
Powered by phpBB
Appalachia Theme © 2002 Droshi's Island
Traduction par : phpBB-fr.com
Designed & images by Kooky