Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest


----------------------------------------------------
______________________________________________________________
per luttà contru a maffia:
https://massimususini.corsica
------------------------------------------------------------------

___________________
Ghjuvan' Carlu CASTELLI
Goto page: <  1, 2, 3 … , 37, 38, 39  >
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà
Previous topic :: Next topic  
Author Message
Ghjuvan Carlu


Offline

Joined: 30 Nov 2014
Posts: 276
parlatu: Casinca
masciu o femina?: Masculin
rughjone: Fulelli

PostPosted: Sat 23 May 2020, 07:32   Reply with quote



PARLATU CAPIVOLTU


Stù novu corsu parlatu
Tantu hè pocu primurosu
Più vulinteri ascultatu
S’in bocca si nè stà chjosu
Panni pinzuti hè imbracatu
E ‘Gigi » chi n’hè ghjalosu

Parulle spugliate nude
Spessu nascenu castrate
Mezu cotte o mezu crude
So musinose cacciate
A l’eccessu rusulute
Bastarde eppoi, scrianzate !

Zuffule nantu à u ghjurnale
Altre è tante nantu a radiu
Ogni capu-nutiziale
Arechje n’hà un bellu paghju
Nunda pigliarà per male
Ch’in Rusiu, ùn fù mulinaghju

Si ne sente a tutte l’ore
Chi ùn ponu tene arritte
Opere di un grand’ autore
A dizziunariate fitte
Chjnate per filarate
Ritte ? mancu puntellate !

Qui mi piantu, pongu a penna
A chi ghjova u mo lagnatu
U corsu ùn porta tintenna
Feghja u viotu addisperatu
In bilancia nantu a zenna
Da i soi hè cundannatu

Ghjuvan Carlu CASTELLI
i Fulelli u 22/05/2020 (N°1446)


Per avemi stuzzicatu stu scrittu ghjè dedicatu
A u mo amicu ANDRIA di Castineta

Back to top
Publicité






PostPosted: Sat 23 May 2020, 07:32  

PublicitéSupprimer les publicités ?

Back to top
Ghjuvan Carlu


Offline

Joined: 30 Nov 2014
Posts: 276
parlatu: Casinca
masciu o femina?: Masculin
rughjone: Fulelli

PostPosted: Sat 30 May 2020, 08:14   Reply with quote



A FUNETTA

Senza mugà tene stretta, ùn si vede, ùn hà culore
Un pò strappà stà funetta, ghjè treccia in fili d’amore
U nodu di u capacciolu s’hè fattu un mese di settembre
Strintu à dui, bellu sodu, ghjèra un sedeci mi sembre

Ci leia, salva d’inganni, ci tene stretti pè a vita
Correnu i cinquantottu anni di noì ùn s’hè ingaladita
Quand’ella cresce a famiglia ci s’aghjunta un filu novu
Ghjè sempre una maraviglia, per tante nascite trovu

Speravamu coglie a luna ma, ùn sò stati sempre fiori
Chè l’amore pè furtuna, ùn era vita di signori
U brodu fattu di dui ossi ghjera per noì un pranzettu
Mesi micca tantu grossi, più scherzi, a coscia, è u filettu

Ghjè cusi chi s’hè spannatu ssù granellulu d’amore
Maì !bocca colma hà sveghjatu sintimi piatti ‘ndù core
Si di a to vita t’aggusta ancu u dolce di l’amaru
U troppu vulè ùn ti frusta, tandu, pensi à tene caru !

A saviezza ùn vole gneri, danifichi è mal accolti
I fatti simplici, i veri, prova chi u rispettu porti
Tratta sempre cum’è tù, vuleria esse trattatu
Un dumandà soprapiù, più cheri, menu t’hè datu

Ci s’avvinghje stà funetta, l’anni sguassanu u timore
Di a Vergina benedetta, per taglialla, ùn ci hè trisore
A l’ultimu, chi annuderà si di una parte hà sfilatu
Tandu ! solu pensarà, à ricullà ‘ndù passatu

Ghjuvan Carlu CASTELLI

i Fulelli u 25 di Marzu 2016 (N°703)








Giovanu, à mi chjachjarava inc’una zitella, vecu o mi pare di vede à i so pedi una funetta sorte di terra pò avvinculassi a ella è cullà cum’è colla un fagiolu in tornu à u so palu. mi strufingu l’ochji pensendu avè sunniatu ; piu di un mezu seculu più tardi mi ramentu, è vegu cio chi tandu ùn avia vistu, ssà funetta in solu di ligà à ella, ci ligava in seme
G C



Last edited by Ghjuvan Carlu on Sat 30 May 2020, 22:20; edited 1 time in total
Back to top
Luigi Giacomoni


Offline

Joined: 26 Jan 2013
Posts: 586
parlatu: Rutali
masciu o femina?: Masculin
rughjone: Nebbiu

PostPosted: Sat 30 May 2020, 13:21   Reply with quote

Magnifica puesia in rima tradiziunale. Tratta di l’amore, ‘ssa funetta chì lega dui essari per stabilisce una famiglia. Cusì l’hà vulsuta u Signore, u Creatore.
Un bellu riassuntu di vita cun belle parolle savie chì ponu ghjuvà d’esempiu. Ghjuvan Carlu è Ginetta cumponenu un bellu coppiu. Mandemu à tramindui è à tutti i soi, tutta a nostra simpatia.

Back to top
estrimei
Mezanu

Offline

Joined: 07 Jun 2012
Posts: 1,956
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sun 31 May 2020, 15:06   Reply with quote

o chi piecè o chi piecè o chi piecè o chi piecè o chi piecè
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
fringhellu


Offline

Joined: 10 Jan 2013
Posts: 291
parlatu: cismonte
masciu o femina?: Masculin
età: 72
rughjone: Nebbiu

PostPosted: Mon 1 Jun 2020, 07:08   Reply with quote

Sprichju di l’alba chjara
Funetta chì ùn trema
Tesoru a to cara
Ghjuvellu u to puema

Back to top
Ghjuvan Carlu


Offline

Joined: 30 Nov 2014
Posts: 276
parlatu: Casinca
masciu o femina?: Masculin
rughjone: Fulelli

PostPosted: Mon 1 Jun 2020, 18:34   Reply with quote

U TESORU FRINGHE U PUSSEDE QUELLU CHI CUM'E TE
PUSSEDE L'ARTE DI RITRACCIA SENZA SBAGLIU
I MO PIU DI SESSANT'ANNI DI A MO VITA CUMUNA
CU QUATTRU FILARI SOLU
T'ABBRACCIU E TI RINGRAZIU
Ghjuvan Carlu

Back to top
estrimei
Mezanu

Offline

Joined: 07 Jun 2012
Posts: 1,956
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Tue 2 Jun 2020, 09:40   Reply with quote


_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Lùlù


Offline

Joined: 17 Oct 2012
Posts: 271
parlatu: castagniccia
masciu o femina?: Masculin
rughjone: Ghisonaccia

PostPosted: Tue 2 Jun 2020, 14:36   Reply with quote


Scrive dopu à Ghjuvan Carlu è Fringhellu ..ci vole à fà ...

Duie à duie cum’è to rime
a funetta accuncia è para
anni, verani è vaghhime
saetta, sole o fiumara ….

Back to top
Ghjuvan Carlu


Offline

Joined: 30 Nov 2014
Posts: 276
parlatu: Casinca
masciu o femina?: Masculin
rughjone: Fulelli

PostPosted: Sat 6 Jun 2020, 08:02   Reply with quote



SAVII CUNSIGLII

Si tu parlessi o corsu appena menu !
E di stù menu, fànne un pocu di più
Un si nè piseria libbre inc’u zenu
E di un cantaru, l’asta ,pigleria sù
Tante chjachjare dopu pranzu, sai ?
So a matre cagione di nostri guai

Trà cagnette è guvernu, un bellu coppiu
Ma piulelli di s’ove ùn hè mai natu
Bocca ch’in più,di lascià corre u soffiu
Primura, saria mandaccilu stebidatu
Ghjalatu più di e viscere ùn ci cotra
Calle, u levitu sbolle in feccia sbotra

Certi detti o fatti ponu dispiace
Un so à sciogliè senza riflezzione
Chi cerca rogna, à u cane chi ghjace
Pensi à cio chi po esse a reazzione
A sente di : pè ride sgrigna i denti
O ghjè felicità, o ti nè penti !

Ti vogliu ramintà chi pro ti fia
Stù dettu, chi babbone avia à core
U troppu di, ghjè segnu di pazzia
Chi natu, piglia u risicu di more
Si mutu ùn rispondi pocu m’mprema
Tù cunterai l’amici chi ti ferma


Ghjuvan Carlu CASTELLI
i Fulelli u 04/06/20 (N° 1449)

A i nostri aspirenti eletti

Back to top
estrimei
Mezanu

Offline

Joined: 07 Jun 2012
Posts: 1,956
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 6 Jun 2020, 08:38   Reply with quote

bravune bravune bravune bravune bravune bravune bravune bravune bravune
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Ghjuvan Carlu


Offline

Joined: 30 Nov 2014
Posts: 276
parlatu: Casinca
masciu o femina?: Masculin
rughjone: Fulelli

PostPosted: Sat 13 Jun 2020, 08:31   Reply with quote


VINT’OTTU GHJUGNU

Chi manca ? trè settimane !
Eviva ! u vint’ottu ghjugnu
Dùve po cambià di mane
Ci hè rimuscu, pare un bugnu !
Chi s’appruvista in tisane
Ch’in rossu, pè u rugnu à rugnu

Ci hè quellu chi hà ventu in poppa
Quellu guasi à l’oliu santu
Unu, vede apresi a porta
L’altru, rode aglii ind’un cantu
Per mè sia cum’ella sia
Ghjè di u cummunu a mèria !!!

St’annu ! un’annata speziale
Vistu chi ghjè una bisestile !
Si nè ‘mpanza u nutiziale
Pè a zappa un novu stile
Qui ghjè malba, qui puleghju
Chi maghjinca ? male o peghju ?

Si mèttinu in capu almenu
Chi st’usu hà tecchju un passatu
Qui senti ; « u catinu hè pienu »
Qui, senti ch’ellu hà sburdatu
Rifletti ! chi sorte di scola
Dinu, chi si mette a fasciola !!!
&
Chi hà più bellu filu
Facci più bella tela
Cu a benedizzione
Di : Ghjuvan Carlu CASTELLI
da i Fulelli u 06/06/20 (N° 1451)



Last edited by Ghjuvan Carlu on Sat 13 Jun 2020, 17:05; edited 1 time in total
Back to top
estrimei
Mezanu

Offline

Joined: 07 Jun 2012
Posts: 1,956
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 13 Jun 2020, 10:32   Reply with quote

Okay Okay Okay Okay Okay Okay Okay
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,956
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 20 Jun 2020, 08:52   Reply with quote

INCU ME CAMBIARA

A pression eletturale colla cum’è u latte à u focu
I pretesi è ghjè normale hànu i pruni in quellu locu
Un nè trovanu riposu prumettitori perfetti
Per fà cio chi nimu averà gosu dopu ch’elli so eletti

Un si conta strette di mane riverenze è abbracciate
Ma pè a Corsica di dumane si u maneghju li date
Senterete vi prumette cio chi mai avete vistu
Salcicce fatte di funette ricumpensa u cane tristu

L’omu nasce, ingranda, invecchja poi, finisce pè more
A manera à noi ci teecchja, ma ùn crepa, corre corre !
Maladisci quellu ghjornu chi ancu tù l’ai vutatu
Ma l’urna, ride u ritornu di u vecchju cane castratu

Dumenica, cumu femu ? risposta di quelli chi sanu !!!
Vai è vota ! ùn fà u scemu !!sia un bon repuplicanu
Sentu di chi una somma, s’acconccia strada facendu
More fendu, tina colma, l’omu chi campa sperendu

Sai ! pè u vint’ottu feghja, ùn mi fà u venachese
Un occhju, nantu à tè veghja si tu si ùn bon francese
Si dopu chi l’ai elettu, ti mandessi à dalli un ticciu
Un ti piantà chjodi in pettu per tanta coda di u ricciu !


Ghjuvan Carlu CASTELLI
i Fulelli u 19 di ghjunghju 2020 ( N°1456)





_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
estrimei
Mezanu

Offline

Joined: 07 Jun 2012
Posts: 1,956
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 20 Jun 2020, 08:56   Reply with quote

"Elli in ogni famiglia
Si strappanu una fetta
Per empie la sacchetta
Cume elli a sanu fà."

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
talavesu


Offline

Joined: 05 Nov 2015
Posts: 36
parlatu: sutanacciu(taravu)
masciu o femina?: Masculin
età: 61
rughjone: taravu

PostPosted: Sat 20 Jun 2020, 10:37   Reply with quote

bravune
tuttu hè ditu o Ghjuvan'Cà
"cume elli a sanu fà" bravune
_________________
61 anni talavesu.
si campa in cità senza maì scurdaci di u nosciu paese.

Back to top
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà All times are GMT + 2 Hours
Goto page: <  1, 2, 3 … , 37, 38, 39  >
Page 38 of 39

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Cookies | Charte | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky