Index - FAQ - Search - Membres - Groupes - Register - Messages PrivésLog in


  
pè i ghjunghjidicci
fate u piecè d'andà a leghje i termini

---------------------------------------------------------------------------------------
o corsu , 'ùn ti scurdà di a filetta!

salute à tè Guest


----------------------------------------------------
______________________________________________________________
per luttà contru a maffia:
https://massimususini.corsica
------------------------------------------------------------------

___________________
Ghjuvan' Carlu CASTELLI
Goto page: <  1, 2, 337, 38, 39
 
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà
Previous topic :: Next topic  
Author Message
estrimei
Mezanu

Offline

Joined: 07 Jun 2012
Posts: 1,956
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Sat 27 Jun 2020, 08:35   Reply with quote

ESISTE U SILENZIU ?

Dimi ! chi senti ? ùn si vede ! esiste veramente ?
O ghjè per facci crede chi u sentimu amintà ?
Da e trippe di a terra, à u celu, ùn hè presente
Ancu in l’acqua ghjè vera, si sente u trizinà

Di a mane tempu à l’alba sinu à ciottata di sole
Si tu senti u silenziu ùn senterai cannone
Di : cogliu i dui attempu, ghjè chi mi conti e fole
Si quentu ma ùn ti sentu, lascia puru cascà !

Di tuttu, ci hè bundenza, di silenziu, scherzia !
‘ndu a notte silenziosa, cumu sente un viulinu ??
Schinchellu di circunstenza, o puntellu di bugia’
D’una musa scherzosa chi tu zinghi una cria

Silenziu di sepultura, silenziu di catetrale
Pè a prima ! a seconda, poi sempre ripassa !
Una ciccona sola, piaghje è monti ti passa !
Cu latina e mezana vinti fanfare vale

Pè brèa ? dicu passu ! silenziu cercheraghju
Liberà e mo pensate legge in demucrazia
Un vi và ? mi cuntrate caldu o fredu mi fia
Per ogn’unu u so chjassu, u mèu ? ci pensaraghju


Ghjuvan Carlu CASTELLI
i Fulelli u 21 di Ghjunghju2020 ( N°1457)

_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Publicité






PostPosted: Sat 27 Jun 2020, 08:35  

PublicitéSupprimer les publicités ?

Back to top
Ghjuvan Carlu


Offline

Joined: 30 Nov 2014
Posts: 276
parlatu: Casinca
masciu o femina?: Masculin
rughjone: Fulelli

PostPosted: Tue 30 Jun 2020, 08:06   Reply with quote


GHJE A LOCICA

Quandu ùn sà più fà sale, u ciarbellu insaghjimisce
Rancicu andarà piu male, a scuccagnata finisce
A sti tempi chè no simu u lazzu, ùn po piàce à nimu

Chi cuntate l’elettori, cù penne d’oga spuntate
Pè u scutinu so sudori bavulli vi ritruvate
Sempre fù sempre sarà, ùn basta solu, abbaghjà

Di a vittoria à gonfie vele, ogn’unu vurria scumette
Untu di gattiva fede chi vole e più grande fette
Sappii chi à l’otre un tocca, chè s’ell’accetta una bocca

Per chi hà pane, u so cultellu ùn sia troppu arrutatu !
Frà tanti fussite quellu, è ùn ci avessite pensatu
Chi u schjavu, si tagliava ù canapu chi u ligava

Ghjè bellu u sapè discore per minuzza u so sbagliu
Più dilusu hè l’elettore chi s’hè frustu à u travagliu
Quandu camisge incrusciate, pè a so paga, rucchjittate

Tuttu ghjunghje à una fine cum’è tante belle fole
Ghjè d’occhju, l’arecchja fine, oghjè, pratica alte scole
Quale senterai discore, in capu hà un’ordinatore

Fate puru, per mo contu ùn sarà mai chè un dettu
Si unu di voi fussi prontu, arrembate ssù carrettu
Prima chi u vi ritruvate cu e so rotule sfasciate

Ghjuvan Carlu CASTELLI
i Fulelli u 28 di Ghjunghju 2020 (N° 1466)

Back to top
estrimei
Mezanu

Offline

Joined: 07 Jun 2012
Posts: 1,956
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Wed 1 Jul 2020, 08:28   Reply with quote

bravune bravune
_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Ghjuvan Carlu


Offline

Joined: 30 Nov 2014
Posts: 276
parlatu: Casinca
masciu o femina?: Masculin
rughjone: Fulelli

PostPosted: Sat 4 Jul 2020, 08:13   Reply with quote



GHJERA ORA

Ci mette u tempu l’umanu
Sumerinu ??? chi quistione
So pochi oghjè chi sanu.
L’onore di una nazione
Per Bazzicone hè guadanta
Oghjè sgio ma, ùn si nè vanta

L’omu hè tricciulu di viziu
Un hè pè causa di sbagliu
Ma, sapienza, d’artifiziu
E cuscenza, d’un canagliu
Dùve d’ellu ci hè presenza
Ci regna l’interferenza

Saria, pè un cio chi pare
Mancanza di sumerinu
L’asinu hà l’idèe chjare
Piu chè Fasgianu u cucinu !
Chi cunsiglii ùn vole sente
A l’avvene si po pente !

Per chi chjode u so purtellu
Da ch’ellu ronca un sumere
Li cercate indù cerbellu
S’ellu ci hà galbu, manere
A chjoccula fàce un sonu
Per di : scherzu è pocu bonu

Oghjè saria ora e tempu
Di dà piazze à sti sumeri
Saria pè u megliu, a sentu !
Per ùn fà i sbaglii d’eri
Un femu un omu di stàtu
Si sumere ùn fussi natu

Ghjuvan Carlu CASTELLI
i Fulelli u 01 di Lugliu 2020 (N° 1467)

Back to top
estrimei
Mezanu

Offline

Joined: 07 Jun 2012
Posts: 1,956
parlatu: castinitincu
masciu o femina?: Masculin
età: francu i 70
rughjone: Corti -Rustinu

PostPosted: Yesterday at 10:10   Reply with quote

CUNTAVA ZIU FRANCESCU

Un seculu hè passatu, pare cusi luntanu
Ma cent’anni so eri ! chi s’invene ùn rinneca
Di quattr’anni di storia quale mai si sminteca
Nè parla, barba bianca, per giovani chi ùn sanu !

Ziu Francescu sapia, s’hè salvu di u macellu
A ogn’unu insischia quand’ellu ci cuntava
D’avè o quante volte ! chjosu l’occhji à zitelli
O tenutu a so mana quandu ellu si nè andava

Si di quessa parlava ùn nè tenia primura
Ghjera cosa cumuna pè i suldati di u fronte
Ma donne brancardiere ssè forze di a natura
Quesse ! eranu l’eroe, à more, sempre pronte !

Per sola prutezzione a blusarella bianca
Pettu a pettu cu a morte per levalli u murrente
Di trascinà feriti mai si sentia, so stanca !
Mezu acqua, palle è focu, ella, ghjera presente !

Aghju patutu a fame cunnisciutu a paura
Dopu à u focu cuntatu i morti accadastati
Piene e mane à ghjaloni à i pedi impetratura
Poi pientu di vergogna, sti fatti ramintati

Pensa ! un ghjornu à cuntà cio chi oghje ti contu
U suldatu, ghjè u sole, una donna u so raggiu
Quandu per parte in guerra l’omu dice so prontu
A donna starà muta, ma s’arma di curaggiu

Ghjuvan Carlu CASTELLI
i Fulelli u 28 di Ghjunghju 2020 (N° 1465
&
Salutu a memoria di u ziu Fancescu Tognini
Un cucinu di mamma di : Prunelli di Casaconi





_________________
curegge i mio sbaglii face avanzà a lingua.

una lingua amparata , s'ella 'ùn hè praticata ,ancu 'ncù sbaglii , ùn ghjova a nunda

Back to top
Visit poster’s website
Display posts from previous:   
Post new topic   Reply to topic    Foru corsu,lingua corsa,pulitica ,estri e cuntrasti nustrali, Forum Index -> LINGUA -> rime e puesie fatte avà All times are GMT + 2 Hours
Goto page: <  1, 2, 337, 38, 39
Page 39 of 39

 
Jump to:  

Portal | Index | Administration Panel | Create free forum | Free support forum | Free forums directory | Report a violation | Cookies | Charte | Conditions générales d'utilisation
Powered by phpBB
Appalachia Theme © 2002 Droshi's Island

Designed & images by Kooky